Fréttablaðið - 26.03.2011, Blaðsíða 33

● LAUGARDAGUR 26. MARS
Reiðskólinn Íslenski hesturinn sér um
hestateymingar á Ingólfstorgi milli
klukkan 14 og 15. Þá verður Orra-
sýning í Ölfushöllinni.
● SUNNUDAGUR 27. MARS
KvennaLífstölt verður hjá hesta-
mannafélaginu Herði í Mosfellsbæ og
allur ágóði af mótinu rennur til Lífs.
● MÁNUDAGUR 28. MARS
Kynbótaferð á Suðurland, heimsótt
verða tvö ræktunarbú. Farið verður
frá BSÍ kl. 10. Verð 5.000 krónur.
● ÞRIÐJUDAGUR 29. MARS
Kynbótaferð á Vesturland , heimsótt-
ur verður Landbúnaðarháskólinn á
Hvanneyri og Miðfossum. Kennslu-
sýning í samvinnu við Hvanneyrar-
skóla, kynbótadómarar með fræðslu-
erindi og útskýringar á helstu at-
riðum kynbótadóma og ræktunar.
Ræktunarbú á Vestur-
landi sýna brot af því
besta. Farið verður frá BSÍ kl. 9.30.
Verð 5.500 krónur.
● MIÐVIKUDAGUR 30.
MARS Félag tamningamanna verð-
ur með sýnikennslu í Reiðhöll Gusts,
Glaðheimum. Hefst kl. 20. Verð
1.500 kr.
● FIMMTUDAGUR 31. MARS
Landbúnaðarháskólinn á Hólum
verður með kynningu í Reiðhöll
Harðar í Mosfellsbæ kl. 17. Aðgang-
ur ókeypis.
● FIMMTUDAGSKVÖLD Sölu-
sýning í reiðhöll Harðar, hestar til
sölu, þjóðleg stemning og margt
skemmtilegt að sjá. Hefst kl. 20. Að-
gangur ókeypis.
● FÖSTUDAGUR 1. APRÍL
Hestahátíð í Hafnarfirði. Hestar verða
til sýnis á Þórsplani, söngur, gleði og
gaman. Hópreið að Fjarðarkaupum
þar sem verður lítil hestasýning milli
kl. 16 og 18.
● FÖSTUDAGSKVÖLD Stór-
sýning í Reiðhöllinni í Víðidal. Að
sýningunni koma þau sex hesta-
mannafélög á höfuðborgarsvæðinu
sem hafa lagt mikla vinnu í dagskrá
Hestadaga í Reykjavík. Sýningin hefst
kl. 20. Verð kr. 1.000 og frítt fyrir 13
ára og yngri.
● LAUGARDAGUR 2. APRÍL
Skrúðganga fer frá
BSÍ í kringum há-
degi og riðið verður
upp Laugaveginn og
endar gangan í Fjöl-
skyldu- og húsdýra-
garðinum. Þar verður
fjölskylduhátíðin
„Gobbedí Gobb”
frá kl. 13 til 16.
Margt skemmti-
legt verður þar
fyrir alla fjöl-
skylduna, hesta-
teymingar, markaðsþorp, sögusýn-
ing og margt, margt fleira. Aðgang-
ur er ókeypis.
● LAUGARDAGSKVÖLD Þeir
allra sterkustu kallast ístölts-
keppni í Skautahöll-
inni í Laugardaln-
um. Þar mæta
til leiks allra
bestu hest-
ar og knap-
ar landsins.
Keppnin hefst
kl. 20, verð
3.000 krónur.
Hestadagar í Reykjavík verða
haldnir vikuna 28. mars til 3.
apríl. Haraldur Þórarinsson,
formaður Landssambands
hestamannafélaga, segir
mikilvægt að íslenski hesturinn
verði sýnilegri í borginni.
„Íslenski hesturinn er stór part-
ur af íslenskri menningu enda
er ekki ýkja langt síðan hann var
hér á götum borgarinnar,“ segir
Haraldur Þórarinsson, formað-
ur Landssambands hestamanna.
„Sem dæmi má taka að milli 20
til 30 þúsund Íslendingar tengjast
hestinum að einhverju leyti,“ segir
hann og telur að íslenskt samfélag
liti öðruvísi út í dag ef hestsins
hefði ekki notið við. „Landnáms-
mennirnir fluttu hestinn til lands-
ins og hann nýttist þjóðinni frá
vöggu til grafar. Hann bar ljós-
mæður til barnshafandi kvenna
og flutti kistur manna til grafar,“
segir Haraldur. Hann bætir við
að Alþingi Íslendinga hefði lík-
lega aldrei orðið að veruleika ef
þingmenn hefðu ekki getað riðið
á þingstað.
„Hesturinn var í margar aldir
aðalflutningsmáti fólks hvort sem
var í bæ eða sveit. Hann flutti fisk
og dró mjólkurvagna og við hvert
hús í Reykjavík var hesthús, fjós
og fjárhús. Síðan hafa bæði kind-
in og kýrin vikið úr þéttbýlinu
en hesturinn er enn alls staðar
ríkjandi í hesthúsabyggðum við
þéttbýlið,“ upplýsir Haraldur.
Hann vill meina að þegar bíllinn
og traktorinn gerðu hestinn óþarf-
an í sveitinni hafi bæjar- og borg-
arbúar tekið hann upp á sína arma
sem frístundaiðkun og því tengist
hesturinn jafnvel meir þéttbýli
en sveit í dag. „Því mætti íslenski
hesturinn vera enn sýnilegri í
Reykjavík og er hátíðin Hesta-
dagar hluti af átaki til að vekja at-
hygli almennings á honum,“ lýsir
Haraldur.
Hugmyndin að Hestadögum
vaknaði í nefnd sem landbúnaðar-
ráðherra skipaði fyrir allnokkru.
Sú hugmynd var síðar tekin upp í
borgarráði sem samþykkti að efna
til þeirra í borginni. „Við gripum
þessa hugmynd á lofti og fórum í
samstarf við nokkra góða aðila til
að reyna að vekja athygli á hest-
inum, ekki aðeins í borginni held-
ur einnig erlendis,“ segir Harald-
ur en LH hefur gert þriggja ára
samning við Icelandair sem mun
nýta krafta sína til að koma við-
burðinum á framfæri. „Strax á
næsta ári reiknum við með að er-
lendir gestir muni í töluverðum
mæli mæta á Hestadaga í höfuð-
borginni,“ segir Haraldur og von-
ast til að Hestadagar verði haldnir
árlega um nákomna framtíð.
Hesturinn er hluti af
íslenskri menningu
Hestadagar voru kynntir í Húsdýragarðinum á dögunum. Þar brugðu þau sér á bak þau Haraldur Þórarinsson, formaður Lands-
sambands hestamannafélaga, Hólmfríður Ólafsdóttir hjá LH og Einar Karlsson frá Höfuðborgarstofu. MYND/VILHELM
Allar upplýsingar um Hestadaga
er að finna á vefsíðunni www.
hestadagar.is. Þar má finna nánari
dagskrá auk þess sem kaupa má
miða í ferðir og á sýningar. Einn-
ig má leita upplýsinga í síma 514-
4030.
VEFSÍÐA
HESTADAGAR
Í REYKJAVÍK 2011
26. MARS - 2. APRÍL
Hneggjandi
skemmtilegt
gaman!