Fréttablaðið - 06.05.2011, Qupperneq 18

18 6. maí 2011 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Ólafur Þ.
Stephensen
olafur@frettabladid.is
SKOÐUN
Samsæri
Á fundi sínum í vikunni kaus borgar-
stjórn sér nýjan forseta og tvo vara-
forseta að auki. Úr fundargerðinni má
með góðum vilja lesa samsæri gegn
liðsmanni Besta flokksins. Látum
á það reyna: Fyrst kaus stjórnin
sér forseta. Elsa Yeoman hreppti
hnossið með níu atkvæðum
meirihlutans gegn fimm auðum
seðlum minnihlutans. Einn
úr minnihlutanum var
fjarverandi. Þegar Björk
Vilhelmsdóttir var kjörin
1. varaforseti var full-
mannað í salnum. Hún
hlaut því níu atkvæði
gegn sex. Þegar svo
Óttarr Proppé var kjörinn 2. varafor-
seti gerðist hið undarlega; hann hlaut
aðeins átta atkvæði gegn sjö auðum.
Einhver félagi hans hafði gengið úr
skaftinu svo kjörið stóð tæpt.
Svör óskast
Hér er ljóst að annað tveggja hefur
gerst: a) einhver liðsmaður meiri-
hlutans hefur hreinlega gleymt að
greiða Óttari atkvæði sitt, eða b)
Óttarr nýtur ekki stuðnings
einhvers samherja síns úr
meirihlutanum í embættið
og sá sveik hann í kjör-
inu. Þetta hlýtur að
þurfa að upplýsa hið
snarasta.
Prívathagsmunir
Annars bar það helst til tíðinda á
fundinum að í umræðum um ferða-
málastefnu borgarinnar lagði Jón
Gnarr ríka áherslu á að skjaldarmerki
borgarinnar yrði gert hærra undir
höfði – þetta sameiningartákn Reyk-
víkinga yrði að vera sem greypt
í huga borgarbúa og gesta
allra. Þessi umhyggja Jóns
fyrir merkinu er skiljanleg því
hann á mikið undir. Hann
er jú líklega eini maður-
inn í heiminum
sem er með það
húðflúrað á
líkama sinn.
stigur@frettabladid.is
Hjálparstarf kirkjunnar hefur um ára-bil sinnt neyðaraðstoð bæði heima og
erlendis. Nú þegar Íslendingar takast á við
aukið atvinnuleysi, hækkandi verðlag og
aukna skuldabyrði er þörfin fyrir aðstoð
meiri en áður.
Undirrituð hóf starf sem félagsráðgjafi
hjá innanlandsdeild Hjálparstarfsins
vorið 2010 og hefur tekið þátt í að aðstoða
hundruð fjölskyldna í mánuði hverjum.
Mataraðstoð hefur sinn sess hjá okkur
og hefur nú fengið nýjan farveg þar sem
í stað matarpoka er barnafjölskyldum
afhent inneignarkort í matvöru verslunum
með ákveðinni upphæð eftir fjölskyldu-
stærð. Lyfjakostnaður vegur þungt bæði
hjá öryrkjum og öðrum sem takast á við
tímabundin eða langvarandi veikindi
og því er Hjálparstarfið að hlaupa undir
bagga með tilfallandi lyfjakaupum.
Samkvæmt niðurstöðum kannana og töl-
fræði okkar hefur hópurinn sem þarf á
aðstoð að halda breyst í kjölfar kreppunnar
og niðurstöður sýna að barnafjölskyldur
standa einna verst. Börn öryrkja, atvinnu-
lausra, foreldra á framfærslu félags-
þjónustunnar og síðast en ekki síst vinn-
andi foreldra á lágmarkslaunum standa í
mörgum tilfellum höllum fæti. Því er lögð
áhersla á það í starfi okkar að greiða götu
þessara barna með margvíslegri aðstoð
m.a. með sérstakri aðstoð í skólabyrjun
fyrir börn í grunn- og framhaldsskóla,
greiðslu skólagjalda og bókakaupum. Börn
efnalítilla og/eða skuldsettra foreldra geta
einnig fengið greiddar tómstundir. Nú í
sumarbyrjun er hugað að afþreyingu fyrir
börnin, skóla fer senn að ljúka og ekkert
er skemmtilegra í vinnunni en að vita til
þess að fólk og fyrirtæki sem leggja okkur
lið með fjárframlögum gera okkur kleift
að styðja við bakið á börnum í sumar.
Börnum, sem annars hefðu ekki átt þess
kost að taka þátt í tómstundaiðkun, fara
í sumar búðir, fá reiðhjól eða annað sem
gleður þau og styrkir félagslega.
Hópur ungmenna í framhaldsskóla
hefur einnig notið góðrar aðstoðar sem
oftar en ekki hefur komið í veg fyrir að
þau hafi flosnað úr skóla. Þessi hópur er
að leggja grunn að framtíð sinni og þar
er menntunin mikilvægasta fararnestið
á fullorðinsárum. Ég vil nota tækifærið
og hvetja landsmenn til góðrar þátttöku
og leggja Hjálparstarfi kirkjunnar lið
í söfnunar átakinu sem nú stendur yfir.
Það er hægt m.a. með því að greiða val-
greiðslur í heimabönkum og fylgjast með
fræðslu- og söfnunarþætti um fátækt á
Stöð 2 26. maí.
Barnafjölskyldur standa verst
Félagsmál
Eldey Huld
Jónsdóttir
félagsráðgjafi hjá
Hjálparstofnun
kirkjunnarÖflugur greiðendavefur með hagnýtum
upplýsingum s.s.
F
ull ástæða er til að óska Íslendingum til hamingju með
tónlistar- og ráðstefnuhúsið Hörpu, þar sem fyrstu
sinfóníutónleikarnir voru haldnir í fyrrakvöld. Loksins
hefur Ísland eignazt tónlistarhús sem stenzt samjöfnuð
við mörg þau beztu í nágrannalöndum okkar. Loksins
hefur Sinfóníuhljómsveit Íslands fengið samastað sem henni
hæfir og leyfir henni að hljóma eins og hún á skilið. Loksins fær
Íslenzka óperan sal þar sem von er til að stórar sýningar standi
undir sér.
Opnun Hörpu markar margvísleg tímamót í íslenzku menn-
ingar- og þjóðlífi. Tónlistin hefur ekki eingöngu eignazt nýjan
samastað, heldur mun Harpa
efla miðborg Reykjavíkur,
lyfta hafnarsvæðinu og verða
aðdráttarafl fyrir ferðamenn
og ráðstefnugesti. Húsið
sjálft er listaverk og verður
umgjörð flutnings margra fleiri
meistara verka. Tilurð Hörpu
mun leiða hingað alþjóðlega
menningarstrauma í enn ríkari mæli. Opnun hússins er risavaxin
jákvæð frétt, ein sú stærsta og gleðilegasta eftir hrun. Það var
fullkomlega viðeigandi að kalla fyrstu tónleika Sinfóníunnar í
Hörpu óð til gleðinnar, því að sú tilfinning var allsráðandi hjá
tónleikagestum.
Harpa er dýrt hús. Lagt var upp með að reisa það í samstarfi
einkaaðila, ríkis og borgar en bankahrunið setti stórt strik í
reikninginn þegar Portus, undir forystu Björgólfs Guðmunds-
sonar, þraut örendið. Óvíst er að nokkurn tímann hefði verið
ráðizt í byggingu hússins ef skattgreiðendur hefðu einir átt að
standa undir byggingu og rekstri þess. Það varð þó niðurstaðan,
þótt reyndar verði að hafa í huga að kröfuhafar Landsbankans
taka líka á sig talsverðar byrðar vegna afskrifaðra lána til fram-
kvæmdarinnar.
Fáir sem hafa skoðað húsið og notið tónlistarflutnings þar geta
þó efazt um að það var rétt ákvörðun hjá ríki og borg að ljúka við
byggingu Hörpu, þótt hún væri umdeild á sínum tíma. Húsið var
hálfbyggt og hefði orðið skelfilegt lýti á miðborginni ef fram-
kvæmdum hefði ekki verið haldið áfram. Það hefði orðið miklu
dýrara að taka þráðinn upp síðar til að ljúka verkinu. Niðurrif
hússins hefði falið í sér gífurlega sóun á verðmætum.
Harpa er ekki snobbhús fyrir fámennan hóp unnenda klass-
ískrar tónlistar, eins og stundum hefur verið haldið fram. Sá
hópur fer reyndar stækkandi, eins og sést á því að kortagestum
Sinfóníuhljómsveitarinnar hefur fjölgað verulega eftir hrun. Í
húsinu verður gífurlega fjölbreytt dagskrá með alls konar tónlist.
Þegar er búið að bóka tónleika ýmissa heimsfrægra listamanna;
ekki síður rokkara, djassara og annarra dægurtónlistarmanna en
flytjenda sígildrar tónlistar. Harpa verður líka opið hús, þar sem
almenningur getur farið á veitingastaði, heimsótt verzlanir, farið
á sýningar og notið byggingarlistar í hæsta gæðaflokki.
Íslendingar hafa ástæðu til að vera stoltir og glaðir yfir þessari
nýju sameign þjóðarinnar.
Opnun Hörpu er risavaxin jákvæð frétt.
Til hamingju
með Hörpu