Fréttablaðið - 06.05.2011, Qupperneq 50

6. maí 2011 FÖSTUDAGUR38
sport@frettabladid.is
PORTO OG BRAGA frá Portúgal mætast í úrslitaleik Evrópudeild UEFA í Dyflinni þann 18. maí næstkomandi.
Porto vann spænska liðið Villarreal í undanúrslitum og Braga hafði betur gegn Benfica sem einnig er frá Portúgal. Porto
varð Evrópumeistari árið 2004 en þetta er í fyrsta sinn í sögu Braga sem liðið kemst í úrslitaleik Evrópukeppni.
NÁÐU ÁRANGRI. ÚTILÍF – HOLTAGÖRÐUM. GLÆSIBÆ. KRINGLUNNI. SMÁRALIND. WWW.UTILIF.IS
HJÓLADEILDIN ER Í HOLTAGÖRÐUM.
Í VINNUNA Í SUMAR
HJÓLAÐU
ÍS
L
E
N
SK
A
SI
A
.I
S
U
T
I
54
88
1
05
/1
1
VERÐ: 49.990 KR.
JAMIS CITIZEN 1
28˝ dömuhjól. Litir: Hvítt, rautt.
VERÐ: 45.990 KR.
JAMIS EXPLORER 1
26˝ dömuhjól. Litir: Blátt, rautt.
VERÐ: 49.990 KR.
JAMIS CITIZEN 1
28˝ herrahjól. Litur: Dökkgrátt.
VERÐ: 45.990 KR.
JAMIS TRAIL XR
26˝ fjallahjól. Litir: Blátt, grátt.
KÖRFUBOLTI Sundsvall Dragons,
með þá Hlyn Bæringsson og Jakob
Örn Sigurðarson innanborðs, varð
í gær Svíþjóðarmeistari í körfu-
bolta. Sundsvall vann sigur á Norr-
köping Dolphins, 102-83, í oddaleik
í rimmu um titilinn í gær.
Það var snemma ljóst að Jakob
var funheitur. Hann skoraði fyrstu
fimm stigin í leiknum og fyrstu
tíu af fimmtán stigum Sundsvall.
Hann setti fjögur þriggja stiga skot
í röð og alls sex í fyrri hálfleik.
Sundsvall var með 22 stiga for-
ystu eftir fyrri hálfleik og Jakob
langstigahæstur með 26 stig. Í síð-
ari hálfleik náði Norrköping aldrei
að saxa verulega á forystuna þrátt
fyrir ítrekaðar tilraunir. Alltaf átti
Sundsvall svar, oftast fyrir utan
þriggja stiga línuna.
Hlynur var á sínu fyrsta tíma-
bili með Sundsvall og hrósaði Jak-
obi sérstaklega eftir leik í samtali
við Fréttablaðið. „Það var ótrúlegt
að sjá Jakob í þessum leik. Mikið
svakalega var hann góður,“ sagði
Hlynur og furðaði á sig að Jakob
hefði fengið að leika lausum hala.
„Norrköping er með mjög hæfi-
leikaríka og góða leikmenn en
þegar kemur að því að leika skipu-
lega eru þeir úti á túni. Hann var
búinn að hitta úr fjórum í röð og
enn galopinn. Jakob refsaði þeim
grimmilega.“
Hlynur sagði skýrt dæmi hafa
verið í upphafi fjórða leikhluta
þegar hann gaf stoðsendingu á
Jakob sem setti niður sinn sjöunda
þrist í leiknum. „Ég keyrði upp að
körfunni og var ekkert sérstaklega
líklegur til að skora, þó ég segi
sjálfur frá. Samt tvímönnuðu þeir
á mig og skildu eftir mann sem var
búinn að setja niður sex þrista gal-
opinn á kantinum. Ég gaf bara bolt-
ann á hann.“
Hlynur sagði að það hefði munað
mikið um að margir í liðinu hefðu
áður unnið titla og því vitað hvað
þyrfti til í oddaleik sem þessum.
„Sundsvall varð meistari árið 2009
og margir eru enn í liðinu. Jakob
varð meistari með KR árið 2009
og ég með Snæfelli í fyrra. Það er
erfitt að fara í úrslitaleiki án þess
að þekkja til. Við erum einfaldlega
með leikmenn sem kunna það,“
sagði Hlynur, sem bætti við að þeir
hefðu mætt fullir sjálfstrausts til
leiks í gær. „Við trúðum því að við
værum bestir og ætluðum okkur
einfaldlega að vinna.“
Hann sagði að tímabilið í Svíþjóð
hefði verið frábær reynsla fyrir
sig. „Ég þurfti að fá nýja áskorun
á ferlinum og fékk hana hér. Það
hefur gengið á ýmsu, eins og eðli-
legt er þegar fimmtíu leikir eru
spilaðir á tímabilinu, en ég er samt
mjög sáttur.“ eirikur@frettabladid.is
Trúðum því að við værum bestir
Hlynur Bæringsson og Jakob Örn Sigurðarson urðu í gær Svíþjóðarmeistarar í körfubolta. Báðir voru lykil-
menn í úrslitaleiknum en Jakob fór hamförum í sókninni og fór langt með að klára leikinn í fyrri hálfleik.
MEISTARAR Jakob Örn Sigurðarson og Hlynur Bæringsson með sænska meistara-
bikarinn eftir sigurinn á Norrköping í gær. MYND/SUNDSVALL TIDNING/ANNKRISTIN HAGLUND
KÖRFUBOLTI Jakob Örn Sigurðar-
son spilaði líklega einhvern besta
leik sinn á ferlinum er lið hans,
Sundsvall Dragons, varð Sví-
þjóðarmeistari eftir sigur á Norr-
köping Dolphins í oddaleik um
sænska meistaratitilinn í gær.
Jakob skoraði alls 31 stig í
leiknum, þar af 26 í fyrri hálf-
leik er Sundsvall stakk hrein-
lega af. Norrköping náði aldrei
að ógna forystu Sundsvall að ráði
eftir það.
„Ég veit ekki hvað ég á að
segja. Það er bara rosalegt að
detta í svona stuð í leik sem þess-
um. Það gerist ekki oft og þetta
var í raun bara fáránlegt,“ sagði
Jakob í samtali við Fréttablað-
ið en samtals setti hann niður
sjö þriggja stiga skot í ellefu til-
raunum.
„Eftir að ég hitti úr fyrstu
tveimur skotunum leið mér rosa-
lega vel í öllu því sem ég gerði.
Ég fékk opin skot og hélt bara
áfram – að sjálfsögðu.“Hann
segir að liðið allt hafi spilað vel
í gær og því hafi það staðið uppi
sem sigurvegari.
„Kaninn okkar, Alex Wesby, er
ótrúlegur leikmaður og örugg-
lega einn besti Kani sem ég hef
spilað með á ferlinum. Hann er
frábær varnarmaður og spilar af
hörku allan tímann,“ sagði Jakob
og minntist einnig á landa sinn,
Hlyn Bæringsson, sem gekk til
liðs við félagið í fyrra en Jakob
er á sínu öðru ári.
„Hlynur hefur haft mikil áhrif
á liðið. Það sem okkur vantaði í
fyrra var maður sem berst fyrir
liðið, tekur mikið af fráköstum
og skorar mikilvægar körfur.
Hann er búinn að breyta miklu
og er mjög mikilvægur hlekkur.“
Jakob varð Íslandsmeistari
með KR árið 2009 og segir allt-
af sætt að vinna titla. „Mér líður
frábærlega og þetta er alltaf jafn
skemmtilegt.“ - esá
Jakob Örn Sigurðarson var hetja Sundsvall:
Fékk opin skot og
hélt bara áfram
FÓTBOLTI Samkvæmt hollenska
dagblaðinu De Telegraaf hafa
hollensku liðin AZ Alkmaar og
Ajax átt í viðræðum um Kolbein
Sigþórsson, leikmann fyrrnefnda
liðsins.
AZ hefur þegar hafnað einu til-
boði frá Ajax en samkvæmt De
Telegraaf eru félögin nú nálægt
því að semja um kaupverð. Þá er
samningur Kolbeins við Ajax um
kaup og kjör nánast formsatriði.
Kolbeinn hefur einnig verið
orðaður við önnur lið, svo sem
Newcastle og Dortmund, en tilboð
hafa ekki borist þaðan.
Kolbeinn hefur slegið rækilega
í gegn í vetur. Hann er lang-
markahæsti leikmaður AZ í hol-
lensku úrvalsdeildinni með fimm-
tán mörk í 30 leikjum, þar af
sautján leikjum í byrjunarliði. - esá
Kolbeinn Sigþórsson:
Stutt í samning
við Ajax
KOLBEINN Hér til vinstri í leik með AZ
Alkmaar á tímabilinu. NORDICPHOTOS/AFP