Fréttablaðið - 26.05.2011, Blaðsíða 6
26. maí 2011 FIMMTUDAGUR6
ORCHY 500
Tilboð
65.995
69.995
34.995
Apollo500
Spirit 200+
BAUGSMÁL Gagnrýni rannsóknar-
nefndar Alþingis á eftirlits-
aðila og stjórnsýsluna missir
marks vegna þagnar skýrsluhöf-
unda um Baugsmálið, að mati
Björns Bjarnasonar, fyrrverandi
dómsmálaráðherra.
Þetta kemur fram í bók Björns,
Rosabaugur yfir Íslandi, sem kom
út í gær. Þar fjallar Björn um
ýmsar hliðar Baugsmálsins.
„Höfundar þeirra kafla skýrsl-
unnar sem ræða hinn siðferði-
lega þátt málsins gefa sér rang-
ar forsendur um eftirlitsleysi af
opinberri hálfu. Þeir þegja ein-
fa ldlega um
stærsta átaka-
málið vegna
efnahagsbrota.
Málið sem hafði
mótandi áhrif á
fjármálamenn
og eft irl its -
aðila á árunum
í aðdraganda
bankahruns-
ins,“ skrifar Björn.
Hann segir skýrsluhöfunda
þurfa að skýra hvers vegna þeir
hafi ekki getið í neinu þeirra
„miklu átaka lögmanna Baugs“
við réttarvörslukerfið og dóms-
málaráðuneytið sem einkennt hafi
Baugsmálið.
„Harka og ófyrirleitni Baugs-
manna hafði áhrif á alla sem
sinntu eftirliti á sviði fjármála,
samkeppni og skatta. Baugsmálið
skilur einnig eftir spurningar um
getu dómstóla til að taka á flóknum
efnahagsbrotum,“ skrifar Björn.
„Stuðlaði sjálf meðferð dómara
á Baugsmálinu að því að draga úr
varkárni í fjármálalífinu? Eðli-
legt hefði verið að rannsakendur
bankahrunsins […] hefðu svarað
þessari spurningu.“ - bj
Fyrrum ráðherra gagnrýnir rannsóknarnefnd fyrir að fjalla ekki um Baugsmálið:
Gagnrýni á eftirlitsaðila missir marks
BJÖRN BJARNASON
SAMFÉLAGSMÁL „Ástandið á Gasa-
svæðinu er ekki eins slæmt og
ég hélt. Það kom mest á óvart
hvað það er í raun svipað og í
meðalstórri borg í Bandaríkj-
unum,“ segir Bandaríkjamaður-
inn Mauris Jacobsen, sem bjó á
Gasasvæðinu í þrettán mánuði
og gerði heimildarmynd um lífið
á svæðinu.
Kvikmyndin ber heitið Ins-
hallah, Ef Guð lofar, og verður
sýnd í Bíó Paradís í kvöld klukk-
an 20.00. Allur ágóði sýningar-
innar rennur til hjálparstarfs í
Palestínu.
Jacobsen heldur vestur um
haf eftir sýninguna hér á landi
og ætlar að koma Inshallah í
sýningar í sjónvarpi þar í landi.
Hann óttast þó að það geti
reynst flókið, sökum pólítískrar
ádeilu. - sv
Heimildarmynd um Gasa:
Bjóst við mun
verra ástandi
FJÖLMIÐLAR Nái frumvarp innan-
ríkisráðherra um hert bann við
áfengisauglýsingum fram að
ganga verður það rothögg fyrir
íslenska bjórframleiðendur og
skekkir samkeppnisstöðu þeirra
gagnvart erlendum tegundum.
Þetta er fullyrt í yfirlýsingu frá
Félagi atvinnurekenda, Samtökum
iðnaðarins og Sambandi íslenskra
auglýsingastofa.
Verði frumvarpið að lögum má
sekta einstaklinga eða fyrirtæki
um allt að 10 milljónir króna fyrir
hvað sem flokka má sem auglýs-
ingu. Í yfirlýsingunni er bent á að
um 150 manns hafi starfa við fram-
leiðslu, dreifingu og markaðssetn-
ingu á íslenskum bjór. Framleiðsl-
an velti um 2,6 milljörðum á ári.
Fyrirhugað bann á eingöngu
við um auglýsingar í íslenskum
fjölmiðlum, áfengi verður áfram
auglýst í erlendum blöðum erlend-
um sjónvarpsstöðvum. Því geta
erlendir bjórframleiðendur kynnt
vöru sína en ekki íslenskir, segir í
yfirlýsingunni.
„Það hlýtur að vera einsdæmi
að stjórnvöld setji lög sem hygla
erlendri starfsemi á kostnað inn-
lendrar,“ segir þar enn fremur. - bj
Hert bann við áfengisauglýsingum sagt rothögg fyrir íslenska bjórframleiðendur:
Skekkir samkeppnisstöðuna
ÁFENGI Bannað er að auglýsa áfengi, en
frumvarpi innanríkisráðherra er ætlað að
stoppa í göt á núverandi lögum.
FRÉTTABLAÐIÐ/STEFÁN
HEILBRIGÐISMÁL Ótímabær dauðs-
föll hjá fíklum sem eru yngri en
55 ára eru rúmlega 700 á síð-
astliðnum fimmtán árum, sam-
kvæmt gagnagrunni sjúkrahúss-
ins á Vogi. Síðustu tíu ár hafa 47
einstaklingar fallið frá árlega.
Yfirlæknir á
Vogi segir að
meðferðarstarf
sé á leiðinni
áratugi aftur í
tímann vegna
niðurskurðar
stjórnvalda. Því
hafnar velferð-
arráðherra.
Í n ý j a s t a
tölublaði SÁÁ
blaðsins sem
kom út á dög-
u nu m seg i r
Þórarinn Tyrf-
ingsson, yfir-
læknir á Vogi,
að stjórnvöld
gefi „hryllilegri
stöðu í meðferð-
armálum ekki
gaum“.
Þórarinn
segir að í ljósi niðurskurðar
stjórnvalda megi lítið út af bera á
stofnunum SÁÁ. Meðferðarstarf
á Íslandi sé að færast aftur um
áratugi.
Á síðum blaðsins kemur fram
að á áttunda hundrað manns hafa
látið lífið vegna fíknar sinnar
fyrir 55 ára aldur. Árin 2000, 2005
og 2007 voru ótímabær dauðsföll
yfir fimmtíu.
Guðbjartur Hannesson velferðar-
ráðherra segir að starf SÁÁ sé
ómissandi og þjóðhagsleg nauðsyn
en um leið hafi aldrei komið önnur
skilaboð frá SÁÁ síðan hann hóf að
starfa í stjórnmálum en að stofnun-
in væri fjársvelt. Hann segir það
ekki standast skoðun að meðferð-
arstarfi verði skotið áratug eða
áratugi aftur í tímann með þeim
niðurskurði sem nauðsynlegt var
að ráðast í. Guðbjartur vill sam-
starf stjórnvalda og SÁÁ um að
gera eins mikið úr því fé sem til
málaflokksins rennur.
Guðbjartur segir að þrátt fyrir
jákvæðar breytingar á mörgum
mælikvörðum eftir hrun þá geti
það snúist við þegar frá líður. „Við
verðum að vera á varðbergi, ekki
síst hvað varðar líðan barna og
ungs fólks“, segir Guðbjartur.
Í SÁÁ blaðinu bendir Þórarinn
Tyrfingsson á að fólki yfir fimm-
tán ára hafi fjölgað um 40 þús-
und síðastliðinn áratug og álag-
ið á stofnanir og starfsfólk SÁÁ
því aukist. Á sama tíma séu fjár-
framlög til SÁÁ komin niður í það
sem þau voru árið 2000. Tölfræð-
in sem nær til ótímabærra dauðs-
falla sýnir að hlutfall þeirra sem
eru 20-30 ára er hátt.
Guðbjartur segir ungt fólk
vera áhættuhóp í kreppu en það
sé heimsvandi. „Við erum ekki
að upplifa það öðruvísi en aðrir.
Við verðum að standa vaktina,
bæði stjórnvöld og SÁÁ. En það
snýst ekki um umræðu um upp-
hæðir heldur skipulag og hvern-
ig við nýtum þá peninga sem við
höfum.“ svavar@frettabladid.is
Ótímabær dauðsföll
yfir 700 síðustu 15 ár
Ótímabær dauðsföll fíkla voru 47 að meðaltali á ári á síðasta áratug, sam-
kvæmt gagnagrunni sjúkrahússins á Vogi. Meirihlutinn er kornungt fólk.
Yfirlæknir segir stjórnvöld svelta meðferðarstarfið en ráðherra hafnar því.
ÓTÍMABÆR DAUÐSFÖLL 47 Á ÁRI Forsvarsmenn SÁÁ fullyrða að í óefni stefni vegna
niðurskurðar á fjárveitingum. NORDICPHOTOS/GETTY
ÞÓRARINN
TYRFINGSSON
GUÐBJARTUR
HANNESSON
Við verðum að vera
á varðbergi, ekki síst
hvað varðar líðan barna og
ungs fólks.
GUÐBJARTUR HANNESSON
VELFERÐARRÁÐHERRA
MANNRÉTTINDI Laugavegur fær
nýtt nafn í nokkra daga frá og
með morgundeginum. Þetta er
gert í tilefni af 50 ára afmæli
Amnesty International.
Laugavegur mun heita Mann-
réttindavegur í þrjá daga, til
heiðurs baráttu Amnesty fyrir
mannréttindamálum. Jón Gnarr,
borgarstjóri Reykjavíkur, mun
afhjúpa skilti með hinu nýja nafni
á morgun klukkan ellefu. Skiltið
verður sett upp á horni Frakka-
stígs og Laugavegs.
- þeb
Laugavegur fær nýtt nafn:
Verður Mann-
réttindavegur
Hefur eldgosið í Grímsvötnum
haft áhrif á þig persónulega?
JÁ 26,2%
NEI 73,8%
SPURNING DAGSINS Í DAG:
Hefur þú farið í leiksýningu á
árinu?
Segðu þína skoðun á visir.is
Skuldajöfnun á Grundarfirði
Bæjaryfirvöld á Grundarfirði vilja
semja við fyrirtæki sem unnið hafa
fyrir bæinn um að hluti af reikningi
þeirra gangi til greiðslu á skuldum
fyrirtækjanna sjálfra við bæjarsjóð.
SVEITARFÉLÖG
Sameining í Hrútafirði
Sigurður Kjartansson, oddviti Bæjar-
hrepps við vestanverðan Hrútafjörð
í Strandasýslu, lýsti á síðasta fundi
hreppsnefndar ánægju með þá
ákvörðun sveitarstjórnar Húnaþings
vestra í Vestur-Húnavatnssýslu að
taka upp viðræður um mögulega
sameiningu sveitarfélaganna. Hrepps-
nefndin fól Sigurði að vinna áfram að
málinu.
Árborg hættir við að hætta
Sveitarfélagið Árborg hefur hætt við
að hætta aðild að skólaskrifstofu
Suðurlands og tilkynnt það öðrum
sveitarfélögum sem aðild eiga að
skólaskristofunni.
KJÖRKASSINN