Fréttablaðið - 26.05.2011, Blaðsíða 29

FIMMTUDAGUR 26. maí 2011 3
ÚR HÁBORG TÍSKUNNAR
Bergþór Bjarnason skrifar frá Nice
Hún var ein af þessum listamönnum í tískunni og þekkt undir nafninu madame Grès sem
var þó ekki hennar rétta nafn.
Á kreppuárunum í kringum
1930 varð Germaine Krebs að
mademoiselle Alix og þá þegar
mátti sjá einkenni framtíðar-
stíls hennar í anda grískra
gyðja. Eftir að hafa komist í
Vogue vildu allar velstæðar
konur breytast í grískar gyðjur í
kjólum hennar.
Hún ætlaði sér að verða mynd-
höggvari og var á sínum tíma
einn virtasti franski tískuhönn-
uðurinn. Hún byrjaði að sauma
og sníða án þess að hafa nokkuð
lært til verka og skapaði þess
vegna sínar eigin aðferðir við
hönnun sína. Madame Grès not-
aði bæði plíseringar og fellingar
með sérstökum hætti og hafði
djúpstæð áhrif á tískuna og þessi
áhrif má auðveldlega finna hjá
ýmsum hönnuðum. Til dæmis
má nefna hönnuði eins og Yves
Saint Laurent, Azzedine Alaïa
og Dominique Sirop, tveir hinir
síðarnefndu safna meira að segja
kjólum madame Grès. Hönnunin
einkenndist í kringum 1950 af
minímalisma og ströngum línum
en var þó alltaf kynþokkafull
langt á undan öðrum hönnuðum.
Þetta átti jafnt við um dragtir
sem og kjóla. Fullkomnunar-
áráttan sem einkenndi þennan
hönnuð minnir á listamann í leit
að fullkomnun og varla þekkist
í dag. Madame Grès sagði í einu
af örfáum viðtölum sem hún
veitti, en hún var afskaplega
hlédræg og látlaus, að það væri
nánast það sama að vinna með
stein eins og myndhöggvari eða
efni eins og hönnuður. Hún leit
á hönnun ina sem skúlptúr úr
mjúku efni.
Grès er nafn eiginmanns
hennar, Serge, afturábak en hann
var málari og segir sagan að
hann hafi ekki verið par hrifinn
af þessu láni konu sinnar á nafni
sínu og það hafi jafnvel verið
ástæða þess að hann yfirgaf
hana. Frá þeim degi var vinnan
eina gleði hennar. Þegar erfið-
lega fór að ganga seldi madame
Grès Bernard Tapie fjármála-
manni nokkrum tískuhúsið en
þeim kom illa saman og á end-
anum varð tískuhúsið gjaldþrota
á áttunda áratugnum.
Nú fimmtán árum eftir dauða
madame Grès er hægt að njóta
yfirlitssýningar á fimmtíu ára
hönnun hennar á Bourdelle-safn-
inu í fimmtánda hverfi Parísar
sem sett er upp af tískusafninu
Galleria (Musée Bourdelle, 16
rue Antoine Bourdelle, 15e, M°
Falguière eða Montparnasse-
Bienvenüe) og stendur til 24. júlí.
Dauða þessarar merkilegu konu
frétti nær enginn af fyrr en ári
seinna þegar dagblaðið Le Monde
greindi frá andláti hennar, að
vanda hlédræg. bergb75@free.fr
Myndhöggvari í tískunni, madame Grès
Pippa Middleton er orðin
vinsælli meðal tískuunnenda en
enska poppstjarnan Cheryl Cole.
Systir Katrínar hertogaynju af
Cambridge, Pippa Middleton, er
sú sem oftast er leitað að á ensku
tískuvefsíðunni www.MyCelebrity-
Fashion.co.uk. Kemur þetta fram
í tölfræði síðustu þriggja mánaða
á síðunni.
Pippa situr í toppsæti listans,
en neðar á listanum birtast nöfn
eins og Cheryl Cole, Vanessa
Hudgens og Alexa Chung. Í sjötta
sæti situr svo systir Pippu, Katrín
hertogaynja. Frægt er orðið þegar
Pippa stal senunni í brúðkaupi
systur sinnar í lok apríl í þröng-
um kjól frá Söruh Burton hjá
Alexander McQueen. - mmf
Oftast leitað
að Pippu
Pippa Middleton er vinsæl meðal
tískuunnenda. NORDICPHOTOS/AFP
Fyrsta tískuhótel heims verður brátt opnað í Dubai. Unnið er að
lokahugmyndum, en hótelið er samstarfsverkefni Fashion TV sem
kemur að hugmyndavinnu og Al Habtoor Group sem fjármagnar
verkefnið.
Hótelinu er ætlað að vera hinn ákjósanlegasti áfangastaður tísku-
meðvitaðra ríkisbubba en einnig á þar að vera hægt að halda
hinar ýmsu uppákomur tengdar tísku og tískusýningum. Hótelið,
sem mun verða fimm stjarna, verður á 30 hæðum með 200
herbergjum. Utan á því verður einn stærsti LED-skjár veraldar, um
100 metrar á breidd, þar sem dagskrá Fashion TV verður sýnd.
Tískuhótel Fashion TV í Dubai
100 METRA SKJÁR VERÐUR UTAN Á FYRSTA TÍSKUHÓTELI HEIMS, SEM
VERÐUR REIST Í SAMEINUÐU ARABÍSKU FURSTADÆMUNUM.
Bæjarlind 6
S. 554 7030
Eddufelli 2
S. 557 1730
Sumarkjólar
og skokkar
Verð 8.900 kr.
Fleiri snið, litir og munstur
Kíkið á heimas
íðuna
okkar www.rita
.is
Sendum í póstkröfu
Sumarkjólar
Ótrúlegt úrval fyrir
Útskriftina
Brúðkaupið
Sjómannadaginn
Sumarveisluna
•
•
•
•