Fréttablaðið - 26.05.2011, Síða 41

TRYGGÐU ÞÉR MIÐA STRAX
„Critics choice“
Time Out, London
„Þessi leiksýning hefur allt
sem þarf til að skapa vel
heppnað og
eftirminnilegt leikverk.“
I.Þ., Mbl.
Miðasala | 568 8000 | borgarleikhus.is
AUKA
SÝNINGAR
FRÉTTIR VIÐSKIPTI ÍÞRÓTTIR LÍFIÐ UMRÆÐAN
ÍÞRÓTTIR Á ÞÍNUM
HEIMAVELLI m.visir.isFáðu Vísi í símann!
Meira sjónvarp, meira útvarp, meiri fréttir,
meiri upplýsingar, meiri umræða, meira líf,
meiri íþróttir, meiri virkni, meira úrval.
Þú færð meira af öllu á Vísi.
Forritarar Rockstar Games eru
meistarar í að segja góða sögu.
Eftir að hafa skemmt tölvu-
leikjaunnendum endalaust með
sögum um siðblinda en elskulega
glæpamenn í Grand Theft Auto
seríunni hafa snillingarnir hjá
Rockstar nú ákveðið að setjast
hinum megin við borðið með L.A.
Noire. Nú er umfjöllunarefnið ekki
„fyrirmyndar“-lífsstíll bófa heldur
saga lögregluþjóns í Los Angeles
á fimmta áratug síðustu aldar. Hér
er sögð saga sem býður upp á
dulúð, spennu og heilu bílfarmana
af ofbeldi. Og eins og sönnum
Rockstar-leik sæmir eru allar
persónur leiksins drullusokkar.
Ólíkt leikjunum í Grand Theft
Auto seríunni finnst manni eins
og maður hafi ekki eins mikið
frelsi í L.A. Noire. Jú, maður getur
skoðað gríðarstórt landsvæði, jú,
maður getur stoppað bíla úti á
götu og tekið þá traustataki en
núna gerir maður það á öðrum
forsendum. Í GTA skeytti maður
oft lítið um verkefnin og vildi oft
bara sjá hversu miklum glundroða
maður gæti valdið. Í L.A. Noire
getur maður ekki einu sinni drepið
gangandi vegfarendur, ekki það að
undirritaður hafi sérstakan áhuga
á því.
L.A. Noire býður upp á svo miklu
meira en hefðbundinn GTA-glund-
roða. Hér þurfa menn í alvörunni
að nota kollinn til að leysa þau
fjölmörgu glæpamál sem verða á
vegi aðalhetjunnar. Vísbendingar
þarf að finna og sakborninga þarf
að yfirheyra. Og jú, menn fá að
skjóta helling af glæpamönnum
með byssum og taka þátt í æsi-
spennandi eltingarleikjum. Engar
áhyggjur, Rockstar-menn eru ekki
orðnir geldir.
Það sem er magnaðast við L.A.
Noire er grafíkin, það er að segja
hversu raunverulegar persónur
leiksins eru. Reyndar þurfa
persónurnar að vera raunverulegar
þar sem yfirheyrslur leiksins snúast
um að sjá hvort fólk ljúgi eður ei út
frá svipbrigðum þess og það væri
frekar erfitt með grófa kassagrafík.
Það er meira að segja svo gott að
ef maður sér nýja persónu getur
maður samstundis þekkt hana og
sagt við sjálfan sig: „Hey, þetta er
feita löggan úr Heroes!“ Sögu-
þráður leiksins er einnig stórgóður
og er það góð tilbreyting að fá
einu sinni að sitja réttu megin við
borðið. Einnig má ekki gleyma
leikvellinum sjálfum, Los Angeles í
allri sinni fimmta áratugar dýrð.
Eins rangt og það er að segja
það er L.A. Noire mjög „þrosk-
aður“ reyfari sem getur haldið
mönnum við efnið tímum saman.
Þetta er kannski ekki sú geðsýki
og siðblinda sem maður á að
venjast frá Rockstar en þetta
nægir full vel þangað til næsti GTA
lætur sjá sig. - vij
POPPLEIKUR: L.A. NOIRE
FRÁBÆR REYFARI
Í endalausu flóði fyrstu persónu
skotleikja er ljóst að leikir þurfa
að skarta einhverju afar sér-
stöku til að skara fram úr. Brink
er áhugaverð tilraun til að blanda
saman net- og einstaklingsspilun
í einn stílíseraðan hrærigraut þar
sem mikil áhersla er lögð á mis-
munandi hlutverk sem menn geta
brugðið sér í. Sagan í Brink er á
þann veg að The Ark er fljótandi
fyrirmyndarborg framtíðarinnar
en með tímanum, og hlýnun
jarðar, hefur borgin breyst í hálf-
gert fljótandi fangelsi þar sem
helmingur íbúanna gerir sitt besta
til að flýja borgina á meðan hinn
helmingurinn reynir að halda lífi í
borginni með því að halda öllum
íbúunum innan hennar. Inn í þetta
ástand detta leikmenn þar sem
þeir velja að ganga til liðs við
uppreisnarmennina eða yfirvaldið.
Söguþráður leiksins er gríðarlega
stuttur og ættu menn að geta
klárað sögu beggja fylkinganna á
einni góðri kvöldstund.
Til allrar lukku er boðið upp á
fleiri spilunarmöguleika heldur
en bara máttlausan söguþráðinn.
Free Play býður mönnum upp á
að spila í gegnum borð leiksins
eftir sínu eigin höfði og Challenge
krefst þess að menn leysi hinar
ýmsu þrautir í keppni við klukk-
una. Takist mönnum vel til fá
þeir að launum ný vopn og fleira
POPPLEIKUR: BRINK
DAUFUR PERSÓNULEIKI
NIÐURSTAÐASPILUN GRAFÍK HLJÓÐ ENDING
3/5 4/5 3/5 3/5
NIÐURSTAÐASPILUN GRAFÍK HLJÓÐ ENDING
4/5 5/5 5/5 4/5
til að betrumbæta karakterinn
sinn. Fyrir utan þetta geta menn
að sjálfsögðu spilað í gegnum
söguþráðinn saman eða þá á
móti mennskum andstæðingum í
gegnum alnetið.
Brink er leikur sem lítur mjög vel
út, með sérstakan stíl og fjölda
vopna og möguleika til að auðga
spilunina. Leikurinn klikkar þó
á nokkrum sviðum. Gervigreind
andstæðinganna jafnt sem sam-
herjanna er afar vafasöm á köflum
og handsprengjurnar minna meira
á hurðarsprengjur en drápstól
en það versta er að Brink nær
ekki skara fram úr á neinu sviði.
Leikurinn er alls engin hörmung
en hann rétt slefar yfir það að
vera í meðallagi. Og það er ekki
það sem maður hafði vonast eftir.
- vij
FLOTTUR Á YFIRBORÐINU
Brink hefur útlitið en pers-
ónuleikinn er því miður ekki
alveg til staðar.
FRÁBÆR GRAFÍK L.A. Noire
er kannski ekki næsti GTA
en hann er svo margt sem
GTA er ekki.
• 11