Fréttablaðið - 26.05.2011, Blaðsíða 38

8 •
Árni Vilhjálmsson í
FM Belfast var einn af
stofnmeðlimum grín-
hópsins Mið-Ísland.!GRÆJUR
Hljómsveitin FM Belfast gefur út sína
aðra plötu eftir rúma viku, hinn 3.
júní. Gripurinn nefnist Don’t Want
to Sleep og lítur dagsins ljós tæpum
þremur árum eftir að hin vel heppn-
aða How to Make Friends kom út.
FM Belfast er skipuð þeim Árna
Plúseinum, Lóu Hjálmtýsdóttur, Árna
Vilhjálmssyni, Örvari Þóreyjarsyni
Smárasyni og Birni Kristinssyni
og hafa þau verið dugleg við tón-
leikahald í gegnum árin. Græjurnar
sem þau nota á tónleikum eru að
hluta til heimatilbúnar og sniðnar
að taktvænni tónlistinni. „Ég hef
mikinn áhuga á rafmagnshljóðfærum,
stjórntækjum og Midi-drasli,“ segir
forsprakkinn Árni Plúseinn. „Ég hef
verið að smíða drasl sem við notum
til að spila og við erum líka með
ljósadót sem passar við það sem
er að gerast í tónlistinni.“
Þegar FM Belfast ferðast til út-
landa hefur Árni stóra tösku með-
ferðis sem hefur að geyma öll nauð-
synlegustu tæki og tól. Mikilvægt er
að innihaldið fari ekki yfir tuttugu
kíló því bannað er að ferðast með
þyngri farangur. „Taskan mín er 19,6
kíló. Hún er orðin mjög tálguð,“ segir
hann hress. Hann mætir alltaf með
tvær tölvur á tónleika og er önnur
til vara. „Það er ágætt fyrir sálina
því það getur verið stressandi ef
eitthvað bilar. Á föstudaginn á Nasa
biluðu báðar tölvurnar og það varð
mikil „panikk“. Við vorum með dóms-
dagsdansleik og það var kannski
eðlilegt að allt hryndi og færi í smá
rugl. En það lagaðist á endanum.“
Árni er að vonum spenntur fyrir
nýju plötunni, sem kemur út hjá Morr
Music erlendis en hjá Kimi Records
hér heima. „Við förum út aðfaranótt
föstudags ef gosið hleypir okkur út,“
segir hann og getur ekki beðið eftir
því að spila nýju lögin fyrir erlenda
aðdáendur. Ferðalagið stendur yfir
frá 27. maí til 10. júní og verður spilað
í Berlín, London, París, Brussel og
Prag. freyr@frettabladid.is
POPPGRÆJUR: LITIÐ OFAN Í GRÆJUTÖSKUNA HJÁ FM BELFAST
19,6 KÍLÓ AF STUÐI
Stuðboltarnir í FM Belfast nota heimatilbúnar græjur á tónleikum sem komast
fyrir í einni stórri tösku. Önnur plata sveitarinnar kemur út eftir eina viku.
GRÆJUKISTA FM BELFAST
MIDI to DMX „Þetta er græja sem ég smíðaði sjálfur með
Arduino-örgjörva. Hún breytir MIDI-skilaboðum frá tölvunni í
DMX-skilaboð sem ljósaboxið skilur.“
DMX Dimmer Box „Þetta box sér um að blikka ljósunum eftir
skilaboðum sem koma frá tölvunni í MIDI to DMX og þaðan fer
það hingað.“
MOTU UltraLite „Þetta er hljóðkortið sem dælir músíkinni út úr
tölvunni.“
Behringer Mixer „Þetta er endastöðin í töskunni, þar sem
músíkin blandast áður en hún fer í hljóðkerfi tónleikastaðarins.“
Korg NanoKontrol x 2 „Þessar græjur stýra hljóðrásum í
tölvunni.“
Novation X-Station „Þetta er hljóðgervill sem fær nótnaskila-
boð frá tölvunni.“
Novation LaunchPad „Þessi græja stýrir kaflaskiptingum í
lögum. Áður notaði ég lyklaborðið á tölvunni til þess að stjórna
kaflaskiptingum en á endanum vantaði mig fleiri takka.“
FM BELFAST Frá vinstri: Árni
Vilhjálmsson, Lóa Hjálmtýs-
dóttir, Árni Plúseinn og Örvar
Þóreyjarson Smárason.
FRÉTTABLAÐIÐ/ANTON