Fréttablaðið - 02.07.2011, Qupperneq 28

2. júlí 2011 LAUGAR-2
Undanfarin þrjú ár hefur Tinna
búið í San Francisco þar sem hún
fékk skólastyrk til háskólanáms
vegna góðs árangurs í golfi. Þar
lauk hún háskólaprófi í alþjóða-
fræðum í nýliðnu vori.
„San Francisco er náttúrulega
draumastaður golfarans og ekki
hægt að lýsa með orðum golfvöll-
unum og veðráttunni til sports-
ins. Ég fer því aftur út í ágúst til
að spila meira og vinna hlutastarf
með,“ segir Tinna full tilhlökkun-
ar og hún stefnir hátt.
„Draumurinn er að komast í
Evróputúr kvenna í desember,
sem er toppurinn í golfmennsku.
Þangað hefur Ólöf María Jóns-
dóttir komist ein íslenskra
kvenna og mig langar að verða
næst. Til að það megi rætast þarf
gífurlegan sjálfsaga og æfingu,
en einnig svolítinn aur,“ segir
Tinna sem ætlar að reyna við
undankeppnina þar sem 33 efstu
keppendurnir fá fullan þátttöku-
rétt í Evrópumótaröðinni og fleiri
fá hálfan rétt til að geta unnið sig
upp úr því móti.
„Núna er ég með 0,4 í forgjöf,
en þegar best lætur getur forgjöf-
in farið hinum megin við núllið.
Ég var þar einhvern tímann, en
það er strembið að viðhalda for-
gjöfinni heima í þessu veðri,“
segir Tinna.
thordis@frettabladid.is
Tinna segir ungum konum fjölga hratt í golfi eftir að æfingaaðstaða batnaði árið um
kring og keppnum fjölgaði. „Meiri athygli og umfjöllun hefur kveikt áhuga stelpna,
sem og viska okkar reyndari sem við deilum óspart til yngri kynslóðarinnar,“ segir
Tinna. FRÉTTABLAÐIÐ/HAG
Framhald af forsíðu
Laugavegi 53 • s. 552 3737
Opið mánudag til föstudag 10-18, laugardag 10-17
Útsalan hafi n
30-70%
afsláttur
Allt sem þú þarft
Þú færð Fréttablaðið
á kostnaðarverði á 120 stöðum
um land allt. Nánari upplýsingar
á visir.is/dreifing
Írskir dagar standa nú yfir á Akranesi. Þar er fjölmargt skemmtilegt
í boði. Til dæmis liðurinn „Hittnasta amman“ þar sem hittnar ömmur
geta spreytt sig í körfubolta á Jaðarbakkasvæðinu í dag klukkan 14 til
16. Glæsilegum vinningum er lofað. www.irskirdagar.is
Rósótt og köflótt er heiti sýning-
ar Ólafar Erlu Bjarnadóttur leir-
kerasmiðs sem stendur nú yfir í
Kraumi. Sýningin er óður til hús-
freyjunnar en Ólöf sýnir nýja línu
kökudiska á fæti.
„Ég er að upphefja kvenna-
menninguna í kringum bakk-
elsi, diskarnir eru óður til þeirra
kvenna sem skreyttu kökur vel,
rjómatertur með rósum og hnall-
þórur,“ segir Ólöf. „Ég fer ansi
nálægt kökunum sjálfum og
skreyti diskana hressilega svo
þeir eru margir hverjir eins og
tertur, úr hvítu postulíni með
bleikum rósum. Það þarf ekkert
að skreyta kökurnar sem fara á
þessa diska.“
Eins og nafn sýningarinnar
gefur til kynna sýnir Ólöf Erla
einnig köflótta diska. Þeir eru
ætlaðir hvunndags.
„Köflóttu diskarnir henta vel
undir kleinur eða flatbrauð. Þar
vinn ég út frá köflótta borðdúkn-
um og nota liti sem hægt er að
vinna lag fyrir lag svo þeir verða
mjög lifandi,“ útskýrir Ólöf Erla
en von er á viðbót við línuna í
framhaldinu. „Ég mun búa til
köflótta bolla og diska til viðbót-
ar við kökudiskana.“
Önnur áhugaverð keramiksýn-
ing er einnig í Kraumi en sjö nem-
endur Myndlistaskólans
í Reykjavík hafa
s t i l l t upp
munum sem
unnir voru
fyrir postu-
línsverk-
smiðjuna
Kahla. Vör-
urnar voru
sýndar á DMY í
Berlín í júní en þrír nem-
endur fengu í framhaldinu starfs-
námssamning við verksmiðjuna.
Sýning Ólafar Erlu stendur til
14. júlí en sýning nemenda Mynd-
listaskólans til 17. júlí.
heida@frettabladid.is
Köflótt undir
kleinurnar
Sannkölluð keramíkveisla stendur nú yfir í Kraumi í Aðalstræti 10 en
þar sýnir Ólöf Erla Bjarnadóttir nýja línu kökudiska. Einnig sýna nem-
endur Myndlistaskólans í Reykjavík vörur sem unnar voru fyrir Kahla.
Ekki þarf að skreyta kökurnar sem fara á rósótta postulínsdiska Ólafar Erlu.Ólöf Erla Bjarnadóttir leirkerasmiður
sýnir nýja línu kökudiska á fæti í Kraumi.
FRÉTTABLAÐIÐ/VALLI
Verk nemenda Myndlistaskólans í
Reykjavík sem unnin voru fyrir Kahla.