Fréttablaðið - 13.09.2011, Page 12

13. september 2011 ÞRIÐJUDAGUR12
// KYNNINGARFUNDIR
Þriðjudaginn 13. september
Kl. 19 fyrir 13 - 15 ára
Kl. 20 fyrir 16 - 25 ára
// NÁMSKEIÐ FYRIR 13 - 15 ÁRA
19. september - mánudagar kl. 17 - 21
27. september - þriðjudagar kl.17 - 21
Akureyri - 27. sept, kl. 17 - 21
// NÁMSKEIÐ FYRIR 16 - 20 ÁRA
28. september - miðvikudagar kl. 18 - 22
Akureyri - 28. sept, kl.18 - 22
// NÁMSKEIÐ FYRIR 21 - 25 ÁRA
21. september - miðvikudagar kl. 18 - 22
FRAKKLAND, AP Franski lögfræð-
ingurinn Robert Bourgi segist
hafa fært bæði Jacques Chirac,
þáverandi Frakklandsforseta, og
Dominicque de Villepin forsætis-
ráðherra tugi milljóna dala í
ferðatöskum frá þjóðarleiðtogum í
vestan verðri Afríku á árunum 1995
til 2005.
Meðal annars hafi hann fært
Chirac tíu milljónir dala frá þjóð-
höfðingjum í Senegal, Búrkína
Fasó, Fílabeinsströndinni, Gabon
og Vestra-Kongó, sem Chirac hafi
síðan notað í kosningabaráttu sinni
árið 2002.
Bourgi áætlar að samtals hafi
þessir tveir menn fengið tuttugu
milljónir dala með þessum hætti.
Allt hafi þetta fé verið ólöglegt og
hvergi talið fram.
Lögmenn þeirra Chiracs og
Villepins segja ekkert hæft í þessu.
Jean Veil, lögmaður Chiracs, segir
tímasetninguna á þessum yfirlýs-
ingum auk þess harla grunsam-
lega.
Chirac á nú þegar í dómsmáli,
þar sem hann þarf að svara fyrir
ásakanir um að hafa borið ábyrgð
á því, meðan hann var borgarstjóri
í París á árunum 1977 til 1995, að
búin hafi verið til tvö gervistörf
hjá borginni.
Launagreiðslur vegna þeirra
hafi svo verið notaðar til að fjár-
magna að hluta starfsemi Íhalds-
flokksins.
Auk þess styttist í kosninga-
baráttu í Frakklandi, því á næsta
ári verða forsetakosningar.
Bourgi neitar því að pólitískar
hvatir búi að baki fullyrðingum
sínum, en viðurkennir að hann
hafi ekkert í höndunum til að sanna
ásakanir sínar, enda hafi greiðsl-
urnar verið reiddar af hendi í
reiðufé.
„Ég hef engar sannanir. Í svona
málum eru aldrei neinar sannanir,“
sagði hann.
Í gær hélt Michel de Bonnecorse,
sem lengi var ráðgjafi Chiracs í
málefnum Afríkuríkja, því síðan
fram að Nicolas Sarkozy, núver-
andi Frakklandsforseti, hefði feng-
ið sinn skerf af fénu frá Afríku.
Þetta stangast reyndar á við það
sem Bourgi hefur sagt, því hann
segir að Sarkozy hafi sagt sér árið
2005 að tími ferðatöskusending-
anna væri liðinn.
Martine Aubry, sem er leiðtogi
Sósíalistaflokksins og sækist eftir
að verða forsetaefni hans gegn
Sarkozy í kosningunum á næsta
ári, segir þessar ásakanir mjög
alvarlegar og hvetur til þess að
dómstólar rannsaki þær.
gudsteinn@frettabladid.is
Fengu fúlgur
frá leiðtogum
Afríkuríkja
Tveir fyrrverandi leiðtogar Frakklands, þeir Jacques
Chirac og Dominique de Villepin, eru sagðir hafa fengið
tuttugu milljónir dala frá þjóðhöfðingjum í Afríku.
DE VILLEPIN OG CHIRAC Lögmenn þeirra beggja segja ekkert hæft í ásökunum um
að þeir hafi þegið fé frá leiðtogum Afríkuríkja. NORDICPHOTOS/AFP
VIÐSKIPTI „Við teljum N1 traust
félag og áhugaverðan fjárfest-
ingarkost,“ segir Finnbogi Jóns-
son, framkvæmdastjóri Fram-
takssjóðsins.
Sjóðurinn hefur samið um
kaup á 15,8 prósenta hlut í olíu-
versluninni N1. Kaupverð mun
ráðast þegar rekstur ársins verð-
ur gerður upp.
Framtakssjóðurinn kaupir
eignahlutinn af skilanefnd Glitn-
is og Íslandsbanka og þéttist
hluthafahópurinn nokkuð fyrir
vikið. Stærstu hluthafarnir eftir
viðskiptin verða Framtakssjóð-
urinn, Íslandsbanki, Arion banki
og skuldabréfaeigendur.
Skuldsetning N1 varð mjög
þung í efnahagshruninu 2008 og
fór félagið í gegnum fjárhags-
lega endurskipulagningu. Niður-
staðan varð sú að kröfuhafar, að
mestu bankar og lífeyrissjóðir,
tóku félagið yfir í sumar.
Lífeyrissjóðir áttu fjórtán
prósent af heildarkröfum á N1
og töpuðu þeir rúmum fjórum
milljörðum króna við endur-
skipulagningu skulda félagsins.
Eftir því sem næst verður kom-
ist telja stjórnendur Framtaks-
sjóðsins kaupin afar hagstæð,
ekki síst fyrir þær sakir að þeir
eygja von um að fá kröfur sínar
til baka með skráningu N1 á
markað eftir tvö ár.
- jab
Framtakssjóðurinn kaupir 15,8% hlut í N1:
Lífeyrissjóðir vonast til
að fá tapað fé til baka
STOKKIÐ Á HJÓLI Breski hjólreiða-
kappinn Sam Pilgrim hátt á lofti fyrir
framan Frúarkirkjuna í Nürnberg í
Þýskalandi. NORDICPHOTOS/AFP
ALÞINGI Illugi Gunnarsson, þing-
maður Sjálfstæðisflokks, mun
snúa aftur á þing í þessari viku.
Illugi steig til hliðar frá störfum
á Alþingi í apríl á síðasta ári
vegna þeirrar óvissu sem kom
upp þegar rannsóknarnefnd
Alþingis sendi málefni peninga-
markaðssjóða til saksóknara.
Í Kastljósi í gær sagði Illugi
að hann hafi viljað gefa yfirvöld-
um ráðrúm til að átta sig á stöðu
mála. Lögmannsstofan Lex hafi
nú sent frá sér álit sem segir að
ekkert hafi verið athugavert við
fjárfestingarheimildir, fjárfest-
ingarstefnu og eignasamsetningu
Sjóðs 9, sem var undir Glitni.
Nú sé búið að vísa þessu máli
frá og því telur Illugi enga
ástæðu til að halda sig lengur frá
þingstörfum. - sv
Lögfræðiálit á Sjóði 9:
Illugi snýr aftur
til þingstarfa
KJARAMÁL Kaupmáttur lágmarks-
bóta í almannatryggingakerfinu
hefur hækkað 50 prósent meira
en kaupmáttur almennra launa
frá árinu 2000. Þetta kemur fram
í tölum sem Samtök atvinnulífs-
ins hafa tekið saman og birtu
nýverið á vefsíðu sinni.
Kaupmáttur lágmarksbóta var
í júlí í ár 65 prósent hærri en
árið 2000. Frá árinu 1995 hefur
hann tvöfaldast. Kaupmáttur
lágmarkslauna hefur hins vegar
hækkað um 24 prósent frá árinu
2000 og kaupmáttur almennra
launa um 10 prósent.
Þá kemur einnig fram í tölun-
um að kaupmáttur atvinnuleysis-
bóta hefur aukist um 32 prósent
frá árinu 2000. Atvinnuleysisbæt-
ur hafa því hækkað um 20 prósent
umfram laun.
Lágmarksbætur almanna-
trygginga eru nú rúmar 196 þús-
und krónur á mánuði. Lágmarks-
laun eru aftur á móti 182 þúsund
krónur á mánuði.
Í pistlinum á vefsíðu SA
segir að hlutfallslega hækk-
un lágmarks bóta megi rekja til
tveggja ákvarðana stjórnvalda
á síðustu árum. Árið 2007 hafi
tekjutrygging verið hækkuð um
næstum helming og árið 2009
hafi uppbót vegna framfærslu-
viðmiðs verið tekið upp. Þá hafi
verið lögð á það áhersla allan
síðasta áratug að hækka lægstu
launin í landinu umfram þau sem
eru hærri. - mþl
meiri hækkun
hefur orðið
á kaupmætti
lágmarksbóta en almennra
launa frá árinu 2000.
50%
Samtök atvinnulífsins segja kaupmátt bóta hafa hækkað meira en kaupmátt launa síðustu 10 ár:
Kaupmáttur bóta 65% hærri nú en árið 2000
PENINGAR Kaupmáttur bóta hefur
hækkað meira en launa samkvæmt SA.
FRÉTTABLAÐIÐ/VALLI