Fréttablaðið - 13.09.2011, Síða 28

13. SEPTEMBER 2011 ÞRIÐJUDAGUR4 ● fréttablaðið ● meistaradeild evrópu
„Það er kominn smá fiðringur í
mann enda er búið að tala mikið
um þetta hér úti,“ segir Kolbeinn,
en Ajax er nú í riðli með spænska
stórliðinu Real Madrid annað árið
í röð. Ajax komst reyndar ekki
áfram í fyrra því liðið endaði í
þriðja sæti riðilsins, einu stigi á
eftir öðru stórveldi, AC Milan frá
Ítalíu. Þá var Kolbeinn ekki kom-
inn til Ajax en félagið keypti hann
nú í sumar frá öðru hollensku liði,
AZ Alkmaar, fyrir 4,5 milljónir
evra.
Miklar vonir eru því bundn-
ar við Kolbein, sem fékk treyju
númer níu, en margar stór-
stjörnur hafa áður klæðst þeirri
treyju í gegnum tíðina. Ein þeirra
er Dennis Bergkamp, sem nú er
aðstoðarþjálfari Franks de Boer
hjá félaginu. Báðir hófu ferilinn
hjá Ajax og voru þar að auki lykil-
menn með hollenska landsliðinu á
tíunda áratugnum.
ERFIÐUR EN SKEMMTILEGUR RIÐILL
Auk Real Madrid eru franska
liðið Lyon og Dinamo Zagreb
frá Króatíu með Ajax í D-riðli
Meistara deildarinnar. Ef úrslitin
verða eftir bókinni má gera ráð
fyrir því að Ajax og Lyon berjist
um að fylgja Real í sextán liða
úrslitin. Ekki má þó afskrifa
Króatana, sérstaklega þegar þeir
spila á sínum heimavelli.
„Þetta er erfiður riðill en það
er engu að síður skemmtilegt að
fá að mæta þessum stórliðum. Við
eigum séns á að komast áfram og
lítum á Lyon sem okkar helsta
keppinaut,“ segir Kolbeinn. „Þeir
frönsku hafa ekki verið upp á sitt
besta að undanförnu og virðast
ekki vera jafn sterkir og þeir voru
fyrir nokkrum árum.“
Fyrsti leikur Ajax í riðlinum
verður einmitt gegn Lyon á heima-
velli. Kolbeinn segir að sá leikur
sé afar mikilvægur.
„Við þurfum að byrja vel í
keppninni. Góð úrslit í þessum
leik gefa okkur byr undir báða
vængi fyrir næstu leiki. Real er
auðvitað með frábært lið og er lík-
legast til að vinna riðilinn en við
erum líka með gott lið og ætlum
okkur að komast áfram.“
VERÐUM KANNSKI BESTU VINIR
Hinn 27. september rennur síðan
upp stór stund hjá íslenskum
knattspyrnuáhugamönnum þegar
Kolbeinn og félagar leika gegn
Real Madrid á Santiago Bernabéu.
Kolbeinn segist vissulega vera
spenntur fyrir þeirri tilhugsun að
spila þar en veltir þó ekki vöngum
yfir því öllum stundum.
„Það kemur kannski að því
þegar nær dregur,“ segir hann
í léttum tón. „En ég veit að það
verður gaman að fara á þennan
sögufræga völl og mæta mörgum
af bestu fótboltamönnum heims,
þá sérstaklega Cristiano Ronaldo.
Við eigum nú leik gegn Portú-
gölum með íslenska landsliðinu
í næsta mánuði og vonandi fær
maður að mæta honum þrisvar
á skömmum tíma. Við verðum
kannski orðnir bestu vinir eftir
það,“ segir hann og hlær.
DRAUMUR AÐ RÆTAST
Kolbeinn segir þátttöku Ajax í
Meistaradeildinni hafa haft mikið
að segja um þá ákvörðun að ganga
til liðs við félagið í sumar. „Það
heillaði að spila í henni en mestu
máli skiptir að mér er ætlað stórt
hlutverk hjá liðinu. Það kom í
ljóst strax í fyrsta leik að ég á að
vera aðalframherji liðsins enda
er númerið sem ég fékk ekkert
lítið. Ég held því að ég hefði ekki
getað tekið betra skref á ferlinum
en að koma til Ajax.“ Kolbeinn er
ekki nema 21 árs gamall en segir
nú gamlan draum vera að rætast.
„Þegar ég var yngri dreymdi mig
um að spila í Meistaradeildinni. Nú
er næst á dagskrá að sýna öllum að
ég get staðið mig í þessari keppni.“
eirikur@frettabladid.is
Vil sýna öllum að
hér á ég heima
Kolbeinn Sigþórsson verður sjötti Íslendingurinn sem spilar í Meistaradeild Evrópu
þegar lið hans, Ajax, hefur leik í keppninni gegn Lyon á heimavelli á morgun.
LUIS SUÁREZ
Ajax (2007-2011)
Fullt nafn: Luis Alberto Suárez Díaz
Fæddur: 24. janúar 1987
Viðurkenningar með Ajax:
Markahæstur og leikmaður ársins í
Hollandi 2009-10.
Ferill:
2005–2006 Nacional 27 10
2006–2007 Groningen 29 10
2007–2011 Ajax 110 81
2011– Liverpool 16 6
Landsleikir: Úrúgvæ 49 21
ZLATAN IBRAHIMOVIC
Ajax (2001-2004)
Fullt nafn: Zlatan Ibrahimović
Fæddur: 3. október 1981
Ferill:
1999–2001 Malmö FF 40 16
2001–2004 Ajax 74 35
2004–2006 Juventus 69 23
2006–2009 Inter 88 57
2009–2011 Barcelona 29 16
2010– AC Milan 28 14
Landsleikir: Svíþjóð 67 28
PATRICK KLUIVERT
Ajax (1994-1997)
Fullt nafn: Patrick Stephan Kluivert
Fæddur: 1. júlí 1976
Ferill:
1994–1997 Ajax 70 39
1997–1998 AC Milan 27 6
1998–2004 Barcelona 182 90
2004–2005 Newcastle 25 6
2005–2006 Valencia 10 1
2006–2007 PSV Eindhoven 16 3
2007–2008 Lille 13 4
Landsleikir: Holland 79 40
DENNIS BERGKAMP
Ajax (1986-1993)
Fullt nafn: Dennis Nicolaas Bergkamp
Fæddur: 10. maí 1969
Viðurkenningar með Ajax:
Markahæstur í Hollandi 1991, 1992 og
1993. Valinn leikmaður ársins 1991 og
1992.
Ferill:
1986–1993 Ajax 185 103
1993–1995 Inter 52 11
1995–2006 Arsenal 316 87
Landsleikir: Holland 79 37
MARCO VAN BASTEN
Ajax (1982-1987)
Fullt nafn: Marcel van Basten
Fæddur: 31. október 1964
Titlar með Ajax: Evrópumeistari
bikarhafa 1986–87, hollenskur meistari
1981–82, 1982–83, 1984–85 og
bikar meistari 1982–83, 1985–86,
1986–87.
Ferill:
1982–1987 Ajax 133 128
1987–1995 AC Milan 147 90
Landsleikir: Holland 58 24
Kolbeinn Sigþórsson
Fæddur: 14. mars 1990 (21 árs)
Verð: 4,5 milljónir evra.
Ferill:
2006–2007 HK 5 1
2010–2011 AZ Alkmaar 32 15
2011- Ajax 5 4
Landsleikir: Ísland 8 4