Bankablaðið - 01.12.1977, Blaðsíða 4

NÝIR KJARASAMNINGAR SlB
OG BANKANNA
Eins og kunnugt er, hafa tekist kjarasamningar
milli SÍB og bankanna, og voru nýir samningar
undirritaðir hinn 1. nóvember sl. — á allra heil-
agra messu.
Samningarnir voru síðan samþykktir með yfir-
gnæfandi meirihluta í allsherjaratkvæðagreiðsiu
bankamanna og einnig af hálfu bankanna.
Bankablaðinu þykir rétt að lýsa í stuttu máli
gangi samningamálanna og ekki síst að gera grein
fyrir ýmsum nýmælum, sem kjarasamningurinn
hefur að geyma. í síðasta tölublaði var birtur sér-
stakur samningur um trúnaðarmenn, sem undir-
ritaður var 8. sept. sl.
Gangur samningamála.
Sá tími sem leið frá því að undirbúningur
kröfugerðar hófst, þar til kjarasamningar voru
undirritaðir, varð æði langur. Undirbúningur
að kröfugerð SIB að nýjum kjarasamningi hófst
í upphafi árs og á þingi SIB, sem haldið var
23.—25. mars sl. voru lögð fram drög að
krofugerð sambandsins, sem rædd voru ítarlega
á þinginu.
Kjarasamningum var síðan sagt upp 31.
mars sl. með þriggja mánaða fyrirvara og var
þá lögð fram kröfugerð að nýjum kjarasamn-
ingi. Kröfugerðin var jafnframt send til allra
félagsmanna SÍB, sem er nýlunda hjá samband-
inu, og reyndar hefur það almennt ekki tíðkast
hjá stéttarfélögum á íslandi að kröfugerðin sé
send til allra félagsmanna.
Bar nú heldur fátt til tíðinda af samninga-
málum, þar til í byrjun júní, en fyrsti fundur
samninganefndar SÍB og bankanna var haldinn
3. júní sl. Á þessum fundi var skipað í undir-
nefndir, textanefnd, lífeyrissjóðsnefnd og vakta-
vinnunefnd.
í aðalsamninganefnd SÍB voru:
Sólon R. Sigurðsson, formaður, Landsbanka;
Guðmundur Gíslason, Útvegsbanka; Sveinbjörn
Hafliðason, Seðlabanka; Jón G. Bergmann,
Iðnaðarbanka; Sigurborg Hjaltadóttir, Búnað-
arbanka; Helgi Bachmann, Landsbanka og
Gunnar Eydal, SÍB.
Auk framangreindra störfuðu að samningun-
um af hálfu SÍB þeir Böðvar Magnússon, Bún-
aðarbanka og Björn Gunnarsson, Reiknistofu
bankanna.
í aðalsamninganefnd bankanna voru:
Björgvin Vilmundarson, formaður, Lands-
banka; Guðmundur Hjartarson, Seðlabanka;
Ármann Jakobsson, Útvegsbanka; Hannes Páls-
son, Búnaðarbanka og Pétur Erlendsson, Sam-
vinnubanka.
Auk framangreindra störfuðu að samninga-
gerð af hálfu bankamanna þeir Björn Trvggva-
son, Seðlabanka; Ari Guðmundsson, Lands-
banka; Þór Gunnarsson, Sparisjóði Hafnar-
fjarðar; Sverrir Sigfússon, Búnaðarbanka; Stef-
án Þórarinsson, Seðlabanka; Reynir Jónasson,
Útvegsbanka; Gunnlaugur Kristjánsson, Lands-
banka; Kristján Oddsson, Verzlunarbanka;
Valur Valsson, Iðnaðarbanka og Kristján Ólafs-
son, Alþýðubanka.
Að nafninu til stóðu samningaviðræður yfir
allt síðastliðið sumar, þó oft liði langt á milli
funda. Þó mikið starf hafi verið unnið í undir-
nefndunum voru bankarnir mjög tregir til að
leggja fram gagntilboð, sem jafnframt næði
yfir launaliði samningsins.
4 BANKABLAÐIÐ