Bankablaðið - 01.12.1989, Blaðsíða 9

Bankablaðið - 01.12.1989, Blaðsíða 9
Sameining banka Helga B. Bragadóttir: ÍSLANDSBANKI Aðdragandi, samningur, undirbúningur Helga B. Bragadóttir starfar á markaðs- sviði Iðnaðarbank- ans og tekur um ára- mótin við starfi sér- fræðings í Islands- banka. Eftir nokkrar vikur mun íslandsbanki hf. taka til starfa. Af því tilefni þykir vid hæfi að greina hér frá helstu atrið- um aðdraganda að stofnun bankans og því starfi sem unnið hefur verið síðustu mánuði. Aðdragandi. Um allnokkurt skeið hefur staðið til að selja hlutabréf ríkissjóðs í Útvegs- bankanum. Tilboð hafa borist í bréfin en aðilar ekki komist að samkomulagi. Þess ber skemmst að minnast að Iðn- aðarbankinn og Verslunarbankinn buðu ásamt fleiri aðilum í hlutabréf ríkissjóðs fyrir rúmum tveimur árum. Eftir viðræður sem Alþýðubankinn og Verslunarbankinn áttu sín á milli um hugsanleg kaup bankanna á hlutabréfum ríkissjóðs í Útvegsbank- anum og viðræður bankaráða Iðnaðar- banka og Verslunarbanka um hugsan- legt samstarf og sameinigu bankanna var ákveðið að bankarnir þrír gengju sameiginlega til viðræðna við viðskipta- ráðherra um kaup á hlutafé ríkissjóðs í Utvegsbankanum. Þær viðræður stóðu um nokkurt skeið og leiddu eins og kunnugt er ril samkomulags, sem undir- ritað var með fyrirvara um samþykki hluthafafunda aðfaranótt laugardags- ins 10. iúní síðastliðinn. Viðbrögðin. Vikurnar fyrir samkomulagið hafði mikið verið rætt og ritað um málið, en segja má að fréttin hafi komið flatt upp á marga starfsmenn. Astæða þessa er líklega sú að fæstir trúðu því að sam- komulag tækist, svo mörgum sinnum hafði slíkt verið rætt en aldrei framkvæmt. Þegar var hafist handa við að skýra út málin fyrir starfsfólki og voru margir fundir haldnir í því skyni. Þegar í ljós kom að ekki yrði gripið til almennra uppsagna var þungu fargi létt af mörgum. Ákvæði er um það í samkomulaginu að starfsmenn Út- vegsbankans skuli njóta sömu réttinda og starfsmenn hinna bankanna og bankarnir gáfu út þá yfirlýsingu að fullt samráð yrði haft við starfsmanna- félögin fjögur varðandi undirbúning sameiningarinnar. Forsvarsmenn SÍB ræddu við stjórnendur bankanna og eftir fundinn sagði Yngvi Kristinsson, formaður, að góður andi ríkti á milli sambandsins og bankanna í þessum málum. Samningurinn. Samningurinn var formlega undirrit- aður, með fyrirvara um samþykki hlut- hafafunda bankanna, þann 29. júní síðastliðinn að Kjarvalsstöðum. Við- staddir voru um 600 starfsmenn bank- anna fjögurra og bar hátíðin yfirskrift- ina „Við eigum samleið". Norðlend- ingar héldu síðan upp á undirskriftina þann 6. júlí á Akureyri. Hluthafafundir bankanna þriggja voru haldnir dagana 25. og 26. júlí og var samningurinn samþykktur með yfirgnæfandi meirihluta. Hluthafa- fundur Útvegsbankans var síðan hald- inn 1. ágúst. Þar fóru formleg eigenda- skipti fram og kosið var nýtt bankaráð Útvegsbankans, bankaráð sem mun verða bankaráð íslandsbanka hf. þann 1. janúar næstkomandi. Samningur viðskiptaráðherra og bankanna þriggja er þess efnis að bankarnir keyptu allt hlutafé ríkissjóðs í Útvegsbankanum, 76,8%. Bankamir kaupa jafnan hlut og samkvæmt sam- komulaginu skyldu bankarnir stefna að sameiningu rekstrar bankanna fjögurra fyrir mitt ár 1990. Eins og kunnugt er hefur undirbúningur sam- einingar gengið betur en menn þorðu að vona og munu bankarnir sameinast um næstu áramót. Nokkrar deilur urðu á opinberum vettvangi um verð hlutabréfanna og töldu sumir það allt of lágt. Þær deilur koðnuðu þó fljót- lega niður eftir opinbera greinargerð viðskiptaráðherra. Frá sameiningarhátiðinni á Kjarvalsstöðum. Frá hátíðinni í Háskólabíói 4. október sl.

x

Bankablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Bankablaðið
https://timarit.is/publication/720

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.