Bankablaðið - 01.12.1989, Page 28

28
Norrænt snmstarf
Trúnaðarmannanámskeið NBU:
Ógleymanleg vika
í sól og sumaryl
Trúnaðarmannanámskeið Norræna
bankamannasambandsins, NBU, var
haldið níunda árið í röð dagana 11.-
16. júní 1989 að Kobæk Strand á Sjá-
landi í Danmörku, á dásamlega falleg-
um stað við strönd Stóra-Beltis.
Prír þátttakendur voru frá íslandi
auk leiðbeinanda. Pað voru þær Harpa
Jósefsdóttir Amin, frá Verslunarbank-
anum í Mosfellsbæ, Ragna Halldórs-
dóttir frá Búnaðarbanka í Vesturbæ og
Sigríður Kristjánsdóttir frá Búnaðar-
bankanum, Melaútibúi auk Evu Örn-
ólfsdóttur fræðslufulltrúa SÍB, sem
var leiðbeinandi á námskeiðinu. Alls
tóku þátt um 40 trúnaðarmenn frá öll-
um Norðurlöndunum.
Þátttakendur dvöldu á eins konar
ráðstefnuhóteli og hafði hver sitt her-
bergi með baði auk annarra þæginda
sem gerast á góðum hótelum. Dag-
skráin á námskeiðinu var ansi
strembin. Unnið var frá morgni til
kvölds og byrjað hvern morgun á
trimmi kl. 7. Okkur fslendingunum
fannst þetta full snemmt svona fyrst í
stað, því eftir íslenskum tíma var
klukkan ekki nema fimm, en við vönd-
umst þessu fljótt og mættum hvern
morgun.
Hver haldið þið að hafi svo unnið
trimmkeppnina? Auðvitað við og feng-
um verðlaun fyrir. Klukkan 8 var
morgunmatur og síðan hófst vinnan á
fullu. Hún fór mest fram í hópum og
var tekið fyrir efni sem var búið að á-
kveða fyrirfram. Það var „trúnaðar-
maðurinn og starfsmannafélagið",
„breytingar á bankastarfinu", „mennt-
un bankamanna" og auðvitað „launa-
kjör og launastefna".
í hópvinnu sem þessari vakna að
sjálfsögðu ýmsar spurningar og nýjar
hugmyndir. Eins og t.d. hvort starfs-
mannafélög verði enn við lýði árið 2010
eða hvort trúnaðarmenn eigi að fá
hærri laun, þeir eiga jú að vera „sér-
fræðingar". Fjallað var um innihald
vinnunnar, breyttan vinnutíma, sam-
einingu banka og menntun banka-
manna, en hún er æði misjöfn. Sum-
staðar fylgir námskeiðum og banka-
skóla launahækkun og einnig getur
starfsmaður sem unnið hefur í nokkur
ár í banka fengið auglýsta stöðu eftir
próf úr bankaskóla. Kjörin virðast best
í Svíþjóð. Athyglisverð skoðun kom
fram í einum hópnum, en það var að
laun til ungs fólks hækki fljótt en hæg-
ar þegar fólk eldist og vinnuframlag
minnkar.
Áður en námskeiðið hófst máttum
við velja okkur eitt af fimm verkefnum
til að vinna með í hópvinnu.
„Ragna, þú valdir þér launamál, hvað
fannst þér athyglisverðast í þessum
hópi?"
„Mér fannst erfitt að ræða um laun ís-
lenskra bankamanna vegna þess að
þau eru einkamál hvers og eins og því
erfitt fyrir mig að fræða hina í hópnum
um hvernig okkar kerfi virkar. Það er
rætt miklu frjálslegar um þetta í Sví-
þjóð. Svíar virðast gera mest og best
fyrir sitt starfsfólk."
„Harpa, þú varst í hópi sem ræddi
um afgreiðslutíma og vinnutíma. Eru
einhverjar nýjar hugmyndir í gangi
varðandi þetta mál?„
„Það var rætt um sveiganlegan vinnu-
tíma, en það er erfitt að koma honum
við í öllum deildum. Það var almennt
álitið að ekki væri þörf á að hafa banka
opna á laugardögum vegna þess að
fólk getur notað tékka og hrað- og tölvu-
banka. í Noregi mega bankar vera
opnir til kl. 20 á hverju kvöldi, en eru í
reynd opnir sex daga á ári til kl. 21.
Beðið eftir flugi. F.v. Sigríður, Harpa, Eva og Ragna.
Ragna útskýrir hvað við fengum út úr þessu
námskeiði.