Bankablaðið - 01.12.1989, Blaðsíða 47
Frá starfsmannafélögunum
47
Iðnaðarbankinn:
Þróttmikil starf-
semi, sameining
framundan
„Á heimleið", fundur í Iðnaðarbankanum á Akureyri sl. vor.
Starfsmenn Iðnaðarbankans hafa haft í
ýmsu að snúast varðandi félagslífið
síðastliðna mánuði. Metaðsókn var á
árshátíðina '88 og þó heldur væri
þröngt um mannskapinn var glatt á
hjalla. Kvöldstund eina í desember
bauðst fólki síðan að föndra fyrir jólin
með hjálp leiðbeinanda og barnajóla-
ball með öllu tilheyrandi var haldið
milii jóla og nýárs við góðar undirtekt-
ir.
íþróttafólk okkar tók þátt í afmælis-
móti Landsbankans og stóð sig þar
með sóma. Stelpurnar unnu þar fræki-
legan sigur í handknattleik og strák-
arnir stóðu sig einnig vel. Því miður
höfum við ekki haft góða aðstöðu varð-
andi boltaæfingar þar sem flestir salir
virðast uppteknir nema þegar nálgast
miðnættið. Hins vegar stunduðum við
Iíkamsæfingar með þreki og teygjum í
Héðinshúsinu og hjá Dansstúdíói Sól-
eyjar. Þá tókum við þátt í árlegu
íþróttamóti SÍB og unnu stúlkurnar
okkar gullverðlaun í körfubolta mörg-
um að óvörum og strákarnir unnu gull-
ið í fótboltanum. í keilumóti SÍB unnu
stúlkurnar í Iðnaðarbankanum í Hafn-
arfirði en strákarnir úr Firðinum urðu í
öðru sæti karla. Rétt er að minna á að
stigahæsti maður mótsins er starfs-
maður á rafreiknisviði okkar. í haust
var sett á laggirnar íþróttanefnd ís-
landsbanka og voru teknir á leigu salir
í Gerpluhúsinu og leikfimisal Verslun-
arskólans.
í byrjun febrúar var lagt af stað í
skíðaferð, en vegna veðurs urðum við
að snúa við hjá Litlu kaffistofunni. Við
lögðum aftur í hann í aprílbyrjun og
komumst þá alla leið á skíðasvæðið í
Henglinum. Aðstöðu fengum við í
skíðaskála Víkings og þar gátum við
hitað súkkulaði og slakað á.
Aðalfundurinn var að venju haldinn
í lok febrúar og var stjórnin endurkjör-
in utan þess að varagjaldkeri gaf ekki
kost á sér. Á aðalfundinum kom til at-
kvæðagreiðslu um samning við bank-
ann þess efnis að fram til loka júní-
manaðar skyldi frí tekið á móti yfir-
vinnu. Nokkrar umræður spunnust
um þetta mál en svo fór að meirihlut-
inn samþykkti.
Eina kvöldstund í apríl fengum við
Heiðar Jónsson snyrti til að koma í
heimsókn. Margir mættu og varð úr
þessu hin besta skemmtan. Heiðar las
stjörnumerki fólks úr fatavali og fram-
komu viðkomandi og hitti iðulega
naglann á höfuðið. Fyrirlestur hans var
bráðfyndinn og hrundu mörg hlátur-
tárin þetta kvöld. Ymsir kvörtuðu yfir
harðsperrum í andliti daginn eftir en
þó er fólk hér vant ýmsu gamni innan-
húss.
Skömmu fyrir sumardaginn fyrsta
fór stjórnin til Akureyrar til þess að
þrífa íbúðina við Melasíðuna. Þá
heimsótti stjórnin einnig útibú Iðnað-
arbankans þar og var svo heppin að
lenda á „Heimleiðafundi". Skemmti-
legar umræður spunnust og kom með-
al annars í ljós að skemmtanalíf
starfsmanna þar er mjög blómlegt.
Haldnar eru grillveislur og skemmtanir
fyrir börn og fullorðna og fólk er einnig
mjög duglegt að mæta á árshátíðina.
Því miður komst stjórnin ekki til
þess að heimsækja Selfossútibú, en
þaðan er allt hið besta að frétta. Útibú-
ið þar, eins og reyndar flest útibú Iðn-
aðarbankans, er yfirleitt með einhverj-
ar skemmtanir á eigin vegum. Starfs-
menn þar halda til dæmis alltaf þorra-
blót og einnig hafa þeir þann skemmti-
lega sið að kveðja sumarstarfsfólkið sitt
með því að fara eitthvað saman, til
dæmis út að borða.
Árlegur vorfagnaður okkar var hald-
inn að Garðaholti í lok maí. Að þessu
sinni bar hann yfirskriftina „Blóma-
ball" og var fólk beðið um að mæta í
hippafötum. Valinn var hippi kvölds-
ins og reyndist það erfitt val því margir
voru skrautlegir.
Fyrirhugað var að fara í sumarferð til
Vestmannaeyja en þar sem þátttaka
var Iítil þegar upp var staðið var hætt
við þá ferð.
í lok sumarsins færði bankastjórn
Iðnaðarbankans starfsmannafélaginu
gjöf. Um var að ræða sumarbústað
bankans í Húsafelli og var þetta gert í
þakklætisskyni fyrir góðan stuðning
starfsmanna í sparnaðarátaki bankans.
Þess má geta að bankinn efndi til hug-
myndasamkeppni vegna sparnaðar-
átaksins og veitti verðlaun fyrir tillögur
starfsmanna.
Nokkuð hefur verið um að félagið
hafi fengið ágætis tilboð varðandi miða-
verð í leikhús og hafa þó nokkrir
starfsmenn nýtt sér það.
Þegar þetta er ritað er undirbúning-
ur fyrir árshátíðina í fullum gangi.
Hún verður haldin í Broadway þann
25. nóvember og þar sem þetta er síð-
asta árshátíð félagsins verður allt lagt í
sölurnar til að gera hana sem vegleg-
asta. Þá segja raddir fólksins okkur að
búast megi við dúndur mætingu.
Á þessum tímamótum sameiningar
íslandsbanka hrærist margt í hugum
fólksins. Við í Iðnaðarbankanum erum
ánægð með bankann okkar og vonum
að andi hans verði til staðar innan ís-
landsbanka. Er það ósk okkar í Starfs-
mannafélagi Iðnaðarbankans að sem
best samvinna náist milli bankanna
fjögurra.
Að lokum sendum við bestu jóla- og
nýárskveðjur til allra félagsmanna og
sér í lagi stjórnar og starfsmanna SÍB
með von um velgengni í komandi
samningamálum.
Elísabet Einarsdóttir
ritari Starfsmannafélags Iðnaðarbankans.