Bankablaðið - 01.12.1989, Blaðsíða 24

Trésmiður að iðnf
í tónlistarnámi -
og vinnur í banka
- Spjallað við Braga Vilhjálmsson,
starfsmann í Alþýðubankanum
Bragi Vilhjálmsson: „Hef ekki hugsað mér þetta sem framtídarstarf".
Pegar komið er inn í afgreiðslusali
bankanna er áberandi að konur eru
í miklum meiri hluta í störfum þar,
það er næstum að verða undantekning
að karlmaður sjáist í almennum af-
greiðslustörfum. Petta er í sjálfu sér
ekkert undarlegt, konur eru 75% af
bankastarfsmönnum og flestar í al-
mennum störfum.
Þó er undantekning á þessu, einn
og einn karlmaður er að vinna við al-
menn bankastörf, og í Alþýðubankan-
um hf. að Laugavegi, þessu líka
kvennaveldi, var einn ungur maður,
sem mér fannst alveg tilvalið að hafa
viðtal við og forvitnast um afhverju
hann valdi sér þetta starf.
Þessi ungi maður heitir Bragi Vil-
hjálmsson, 25 ára gamall og trésmiður
að mennt.
Hann hefur starfað í Alþýðubankan-
um í tæplega tvö ár og vinnur í lána-
deild.
- Bragi, trésmiður í banka, af hverju?
- Ég vildi nú gjarnan prófa eitthvað
nýtt, en það sem réði fyrst og fremst
þessu vali var ef til vill það að ég er í
tónlistarnámi og samrýmdist þetta
starf vel því námi.
- Pað lá að, það eru sem sagt hvorki
laun né áhugi fyrir bankamálum sem hefur
lokkað Braga til bankastarfa, en hvaðfinnst
þér nú um starfið eftir tæp tvö ár?
- Mér líkar það miklu betur en ég
bjóst við, nema launin mættu vera
betri. Ég bý einn og er í leiguhúsnæði
og launin rétt nægja fyrir framfærslu,
þannig að ég get ekki ímyndað mér að
þau nægi til að framfleyta fjölskyldu.
- Gætirðu hugsað þér þetta sem framtíð-
arstarf, telurðu að þú eigir einhverja mögu-
leika á að vinna þig upp, og ef svo væri
hvaða menntunarmöguleika mundir þú
velja til að öðlast meiri þekkingu í banka-
málum?
- Nei eiginlega hef ég ekki hugsað
mér þetta sem framtíðarstarf enda tel
ég mig ekki hafa mikla möguleika á að
Þóra Þorsteinsdóttir
tók viðtalið. Hún
vinnur í bókhaldi
Alþýðubankans.
vinna mig upp innan bankans. Hins
vegar finnst mér að Bankamannaskól-
inn og námskeið innan bankans séu
leiðir fyrir bankamenn að mennta sig í
bankamálum, því að við vitum að auk-
in menntun eykur sjálfsöryggi og gerir
okkur að hæfari starfsmönnum.
- Nú er kvenfólk meirihluti starfsmanna
í bönkum. Telur þú að það fæli karlmenn
frá að sækja um almenn störf í bönkum og
heldur þú að það hafi áhrif á laun?
- Ég veit það ekki, ég gæti þó trúað
því að það fæli menn frá, en ég veit
ekki hvort það hefur áhrif á laun, hef
ekkert hugsað út í það.
- Nú vinnur þú eingöngu með konum,
en þegar þú vannst sem smiður vannstu
rnest með karlmönnum. Er mikill munur á
þessum vinnustöðum?
- Já, hann er mjög mikill en ég get
ekki sagt að annað sé betra en hitt. Mér
finnst mjög erfitt að útskýra í hverju
þessi munur er fólgin. Umræðuefnin í
vinnunni eru ólík, en að öðru leyti á ég
ekki gott með að koma orðum að því í
hverju munurinn liggur, en hann er
mjög mikill.
- Fannst þér erfitt að aðlaga þig að
kvennaumhverfinu?
- Nei, alls ekki.
- Hvað finnst þér svo um sapeiningu
bankanna fjögurra, heldurðu að hún kotni
til með að snerta þig eitthvað persónulega?
- Sameiningin gæti auðvitað orðið til
góðs, en mér finnst nú ekki gott að sjá
hvert þetta leiðir, tíminn verður að
leiða það í ljós. Hvað mig varðar, veit
ég ekki til þess að þetta eigi eftir að
snerta mig í sambandi við vinnuna,
ekki nema þetta útibú yrði lagt niður.
Þá yrði auðvitað einhver röskun á
starfsfólkinu, en að öðru leyti ekki.
- Að lokum Bragi, á hvað ertu að læra í
tónlistarskólanum?
- Ég er að læra á saxafón.
- Gangi þér vel og kærar þakkir fyrir
spjallið.