Morgunblaðið - 19.12.2008, Blaðsíða 40

40 MenningFÓLK
MORGUNBLAÐIÐ FÖSTUDAGUR 19. DESEMBER 2008
 Ofurbloggarinn Stefán Friðrik
Stefánsson vakir eins og haukur yf-
ir fréttum mbl.is og bloggar oftar
en ekki við fréttir sem vekja athygli
hans. Fyrir klukkan 14 í gær var
Stefán Friðrik búinn að blogga við
þrjár fréttir mbl.is en ein þeirra,
þar sem fjallað var um varir Ásdís-
ar Ránar, varð honum tilefni til
gagnrýni á fréttamat mbl.is. Stefán
hafði m.a. þetta að segja um frétt-
ina: „Mér finnst allt talið um Ásdísi
Rán orðið svolítið hjáróma. Ég verð
eiginlega að velta því fyrir mér
hvaða erindi varir hennar eiga við
landsmenn alla í fjölmiðlum.“ Þess-
ar vangaveltur eru góðar og gildar
en nú spyrjum við Stefán á móti:
Hvers konar fréttir eiga við lands-
menn alla í fjölmiðlum? Og ef frétt
á borð við þá sem sögð var af Ásdísi
Rán á ekki við landsmenn, hvers
vegna í ósköpunum lásu rúmlega 30
þúsund manns fréttina – og þeirra á
meðal bloggari að nafni Stefán
Friðrik Stefánsson?
Nú verða sagðar
merkilegar fréttir!
Fólk
Eftir Jóhann Bjarna Kolbeinsson
jbk@mbl.is
„ÉG hef verið í hinu og þessu að undanförnu, og hef með-
al annars verið að skrifa svolítið fyrir sjónvarp. Það er
samt pínu leyndó ennþá hvað það er,“ segir leik- og
söngkonan Ágústa Eva Erlendsdóttir, sem fremur lítið
hefur farið fyrir að undanförnu. Hún ætlar þó að láta
taka til sín í kvöld þegar hún kemur fram á tón-
leikum ásamt hinum brasilíska Ife Tolentino í Frí-
kirkjunni.
„Ég er að fara að syngja á portúgölsku, bossanova
og samba. Svo syng ég líka eitt lag á íslensku og tvö
á ensku,“ segir Ágústa, en auk hennar og Ife koma
fram á tónleikunum þau Ómar Guðjónsson gítarleikari,
Davíð Þór Jónsson píanóleikari, Mattías M.D. Hemstock
sem leikur á trommur og Óskar Guðjónsson, sem leikur á
saxófón. Þetta er í annað skipti sem hópurinn kemur sam-
an, en hann lék á sama stað, í Fríkirkjunni, í sumar. Að-
spurð segir Ágústa virkilega gaman að flytja suðræna
tónlist í kuldanum í desember. „Þetta er svona eitthvað til
að hugga sig við í myrkrinu, enda mjög hlý músík. Hún
er líka góð til að ná jarðtengingu ef fólk er í einhverju
jólastressi,“ segir söngkonan, en hópurinn ætlar í hljóð-
ver milli jóla og nýárs, og líklegt verður því að teljast að
hann muni gefa eitthvað út.
Ekki er hægt að sleppa Ágústu án þess að spyrja hana
út í Silvíu Nótt – hvort von sé á meiru frá henni. „Nei,
þetta var bara svona gjörningur sem átti sinn líftíma.
Þetta eru bara ágætar heimildir um það sem var í gangi.“
Ágústa Eva skrifar nýtt efni fyrir sjónvarp
 Þá er komið að hinum sér-
íslenska sið að segja frá því þegar
afreksfólk úr okkar ranni nær ekki
árangri í einhverju. Ein efnilegasta
rokksveit sem fram hefur komið
hér á landi í langan tíma, hin marg-
verðlaunaða Agent Fresco, hélt til
London í vikunni og atti kappi við
25 sveitir í hljómsveitakeppninni
Global Battle of the Bands, GBOB.
Úrslitin fóru fram þann 15. desem-
ber en okkar menn höfðu ekki er-
indi sem erfiði. Sigurvegari var
Brighton-sveitin Floors and Walls,
og leikur hún rokkrapp.
Við lýsum að sjálfsögðu frati á
þessa keppni, það er klárlega
maðkur í mysunni og hæg heima-
tökin fyrir breska sveit að sigra
þegar dómararnir þrír eru allir
Bretar en þeir voru Glen Matlock,
fyrrum bassaleikari Sex Pistols og
upptökustjórarnir Jim Lowe (Ste-
reophonics) og Ben Adams.
Agent Fresco
sigraði ekki í GBOB
Eftir Birgi Örn Steinarsson
biggi@mbl.is
ÞAÐ eru engin jól nema Helga Möll-
er komi við sögu. Jólalögin sem hún
hefur sungið í gegnum tíðina eru
fastagestir á hvers kyns safnplötum
sem mallaðar eru saman fyrir hver
jól. Það eru aðallega lögin „Í hátíð-
arskapi“ og „Heima um jólin“. Í
fyrra kom svo loks út, korter fyrir
jól, fyrsta jólaplata Helgu er hét ein-
faldlega Hátíðarskap. Þar var að
finna lágstemmdar útgáfur af mörg-
um þeirra jólalaga er Helga hefur
sungið í gegnum tíðina, auk nokk-
urra sem hún snerti á í fyrsta sinn.
Vegna tímaleysis gafst aldrei tími til
þess að halda útgáfutónleika fyrir þá
plötu, og skiljanlega hefur ekki gef-
ist tækifæri til þess eftir að þeirri
jólahátíð lauk, fyrr en nú.
Ekki svo líkar raddir
Helga undirbýr því notalega jóla-
tónleika í Laugarneskirkju á sunnu-
dag þar sem hún kemur fram með
einvala liði hljóðfæraleikara og
fimmtán ára dóttur sinni, Elísabetu
Ormslev.
„Hún söng allar bakraddirnar á
jólaplötunni minni í fyrra og gerir
það líka á tónleikunum en svo ætlar
hún að syngja eitt lag ein,“ segir
Helga og hljómar stolt af dóttur
sinni. „Hún tekur gamalt lag sem ég
söng hér áður, það er „Hann verður
hjá mér um jólin“.“
Dóttur Helgu er söngurinn í blóð
borinn og hún hefur greinilega ekki í
hyggju að reyna að sporna við þeirri
köllun sinni. En hafa þær mæðgur
líkar raddir? „Já og nei. Ég held að
hún komi til með að hljóma dálítið
öðruvísi en mamma hennar. Hún er
mjög efnileg og áhugasöm og er að
læra hjá FÍH.“
Laugarneskirkja
Það er ekki bara ótrúlega góður
hljómur Laugarneskirkju sem var
ástæða þess að hún varð fyrir val-
inu. Helga segir helstu ástæðuna
vera þá að hún vilji skapa rólegt og
þægilegt umhverfi er virki stresslos-
andi en viðurkennir svo að kirkjan
eigi sérstakan stað í hjarta hennar.
„Þetta er mín kirkja. Þarna
fermdist ég og dóttir mín líka.
Þannig að okkur þykir vænt um
hana. Ég hef þó ekki sungið þarna
áður.“
Minning um Rúnar Júlíusson
Helga hefur haldið tónleika áður í
kirkju og oft sungið í brúðkaupum
og jarðarförum. Aðventutónleikar
sem hún söng á í Keflavík fyrir
nokkrum árum eru henni sér-
staklega eftirminnilegir.
„Þá söng ég með Rúnari Júl. Þá
var hann alveg frábær. Hann söng
„Það er gott að gefa“ og kom gang-
andi inn kirkjugólfið og fólk stóð
upp af hrifningu. Hann var rosaleg-
ur töffari.“
Á dagskránni verða aðallega lög
af jólaplötunni frá því í fyrra en um
tónlistina sjá Björn Thoroddsen,
Magnús Kjartanson, Jón Rafnsson
og Ásgeir Óskarsson.
Syngur með dóttur sinni
 Helga Möller heldur síðbúna jólatónleika í Laugarneskirkju um helgina
 Elísabet Ormslev, dóttir hennar, stígur þar sín fyrstu spor á söngbrautinni
Morgunblaðið/Ómar
Helga og Elísabet Æfðu saman jólalögin með hljómsveitinni í gær og eru
því eflaust komnar í jólaskapið. Syngja í Laugarneskirkju á sunnudag.
Tónleikarnir hefjast
klukkan 17:00 á sunnudag.
Það er ekki óalgengt að börn
listamanna feti í fótspor for-
eldra sinna. Hér eru nokkur
dæmi:
 Björgvin Halldórsson
Svala og Krummi
 Ragnhildur Gísladóttir
Dísa
 Helgi P.
Snorri í Sprengjuhöllinni
 Magnús Þór Sigmundsson
Þórunn Antónía
 Frank Sinatra
Nancy Sinatra
 John Lennon
Sean og Julian Lennon
Eplið og eikin
Hversu pólitískur ertu, á skalanum 1 til 10?
Sá skali hefur nú alltaf verið að hækka, eigum við að
sættast á svona 4.
Styðurðu ríkisstjórnina?
Nei.
Hver er besta jólagjöf sem þú hefur fengið? (Spyr
síðasti aðalsmaður, Alexandra Helga Ívarsdóttir,
Ungfrú Ísland)
Ullarhattur, sem nýtist mér svo á hverri Þorláks-
messu.
Hver ber ábyrgð á kreppunni?
Erfitt að svara þessu, en það er nokkuð ljóst að þeir
sem það gera ætla að láta þá sem minnst mega sín
borga skaðann og sitja svo samviskulausir áfram
við sín nægtaborð. Spilling í sinni verstu mynd.
Hvað uppgötvaðir þú síðast um sjálfan þig?
Að ég bý að öllum líkindum í spilltasta landi í heimi.
Hvaða plötu hlustar þú mest á þessa dagana?
Gilbert O’Sullivan, „The best of“; alltaf góður kall-
inn.
Hvaða bók lastu síðast?
Harðskafa eftir Arnald Indriðason.
Uppáhaldskvikmynd?
Verð að nefna tvær; Sling blade og Field of dreams.
Besta jólalagið?
Heims um ból.
Hugsarðu enn mikið um standard og gæði?
Minna upp á síðkastið, sérstaklega eftir að Sverrir
Ólafsson, sem kallar sig víst Sverri Stormsker,
kærði mig fyrir að kalla sig Ólafsson, ég hefði flengt
hann væri ég Ólafur pabbi hans. Annars er lítið
sameiginlegt með Sverri og standard og gæðum.
Hver eru þín mestu mistök?
Að setja ekki 90 sentímetra pútt á 18. holu á Hval-
eyrinni í sumar fyrir fugli og fara hringinn þar
með á 74 höggum. OK 75, ekki slæmt!
Og þinn stærsti sigur?
Að fara Hvaleyrina á 75 höggum í sumar
sem leið (hefði reyndar átt að fara hana
á 74 höggum).
Hver yrði titillinn á kvikmynd um
ævi þína?
„Brostnar vonir“ (saga um
endalausa leit að viðurkenn-
ingu).
Hver myndi leika aðalhlutverkið?
Sverrir Stormsker.
Hvers viltu spyrja næsta við-
mælanda?
Hvað er í gangi á þessu guðsvol-
aða landi?
EYJÓLFUR KRISTJÁNSSON
AÐALSMAÐUR VIKUNNAR HEFUR SAMIÐ ÓFÁA POPPSMELLINA Í GEGNUM TÍÐINA EN STEF-GJÖLDIN
FYRIR „NÍNU“ HLJÓTA AÐ FLEYTA HONUM Í SKATTAFLOKK MEÐ SÆGREIFUM LANDSINS OG ÖÐRUM
OFURLAUNAPLEBBUM. EYVI KEMUR FRAM MEÐ ULLARHÖTTUNUM Á NASA Á ÞORLÁKSMESSU.
Suðræn Ágústa Eva á tónleikunum í Fríkirkjunni í sumar.