Árdís - 01.01.1955, Side 57

Ársrit Bandalags lúterskra kvenna
55
Kvennaþingið í Argylebyggð 1955
Eftir INGIBJÖRGU J. ÓLAFSSON
Mrs. Olga Arason, Mrs. Svava Thorsteinson, Mrs. Vilborg Frederickson,
Mrs. Hilda Johnson og Mrs. Aurora Arason.
Ársþing Bandalags lúterskra kvenna, sem haldið var í hinni
fögru Argylebyggð síðastliðið vor, lifir í minni sem sérstætt að
mörgu leyti. Fyrst vegna þess að frá því að konurnar stigu út úr
farar tækjum sínum um miðjan dag á föstudag 3. júní þar til þingi
var slitið á laugardagskvöld, sendi Drottinn blessun sína yfir hópinn
með stöðugri rigningu. Annað sérstætt var það að á þessu þingi
voru flutt erindi af tveimur starfskonur United Lutheran Church
of America, Mrs. Mabel Fenner og Miss Elenore Gillstrom. í þriðja
lagi mun það aldrei hafa komið fyrir áður, að þing okkar hafi
verið prýtt með því að móðir með fjórar giftar dætur sínar hafi
setið þingið. Fylgir hér með mynd af þeim mæðgum: Mrs. Vilborgu
Frederickson með dætrum sínum fjórum; eru þrjár þeirra leiðandi
konur í Argylebyggð, ein búsett í Winnipeg.