Árdís - 01.01.1963, Page 57

Ársrit Bandalags lúterskra kvenna 55
honum, jafnvel þó hún vissi að hún hefði ekkert getað gjört honum
til hjálpar.
Eftir lát Franklins flutti hún búferlum til New York og þar
hélt hún áfram að vinna fyrir áhugamálum sínum. Svo var hún
kosin í nefnd Bandaríkjanna á þing Sameinuðu þjóðanna og þar
starfaði hún með dugnaði og réttsýni. Má því réttilega segja að
hún hafi varið mest af æfi sinni til að bæta kjör alþýðunnar.
Alla æfi fann Eleanor sárt til þess að hún átti fáa vini. Svo
segir hún sjálf frá, að fjölskyldunni og bróðir undanskildum, var
það aðeins Miss Thompson (Tommy) sem hún treysti og trúði fyrir
sínum innstu tilfinningum og hugsunum, en minning Eleanor
Roosevelt lifir og mun lifa í hjörtum og hugum samtíðar manna
hennar víðsvegar um heim. Þeir minnast hennar með þakklæti og
kalla hana vin.
„This I Remember“ — sjálfsæfisaga Eleanor Roosevelt.
Allt metur rétt hin mikla náð
um manna hug og vilja;
eitt hjartans orð um eilífð skráð
á orku, er himnar skilja.
Nú les hún herrans hulin ráð
um hlut og örlög þjóða,
þar sést í lífsbók sérhver dáð
hins sanna, fagra og góða.