Morgunblaðið - 07.01.2009, Blaðsíða 4

4 FréttirINNLENT
MORGUNBLAÐIÐ MIÐVIKUDAGUR 7. JANÚAR 2009
Ábyrg umræða um Evrópustefnu Sjálfstæðisflokksins þar
sem þitt álit skiptir máli. Allir velkomnir!
Fimmtudagur 8. janúar kl. 12.00 í Valhöll
Um hvað yrði samið?
Eiríkur Tómasson, forstjóri Þorbjörns ehf. í Grindavík og varafor-
maður LÍÚ, og Vilhjálmur Egilsson, framkvæmdastjóri Samtaka
atvinnulífsins, eru framsögumenn á opnum fundi í Valhöll.
Þeir ræða helstu viðfangsefnin, ef gengið yrði til aðildarviðræðna við
Evrópusambandið, m.a. með tilliti til auðlinda þjóðarinnar ásamt því
að ræða mikilvægustu málin, sem Íslendingar ætla að leggja áherslu
á.
Auðlindahópur Evrópunefndarinnar stendur fyrir fundinum og eru
allir velkomnir.
Taktu þátt í að móta framtíðina
Evrópunefnd Sjálfstæðisflokksins
Nánari upplýsingar um fundina og félagsstarf Sjálfstæðisflokksins má finna á heimasíðu flokksins, www.xd.is, eða í síma 515 1700.
tekið fyrir 27. janúar. Hann segir
samtökin einnig vilja rökstuðning
fyrir því hvers vegna bankinn þarf
að gera upp. Miðað við þær upplýs-
ingar sem samtökin hafi orki sú
ákvörðun tvímælis.
Jón Björgvin Stefánsson er með-
al fyrrverandi starfsmanna bank-
ans. Hann segir stöðuna erfiða en
verri hjá mörgum þar sem kona
hans hafi haldið vinnunni hjá bank-
anum. Hún lækkaði verulega í laun-
um. „Við vorum ein af fáum fjöl-
skyldum sem vorum bæði að vinna.
Eins og er náum við að standa við
skuldbindingar okkar, en við lifum
ekki í marga mánuði á þessum
launum hennar.“ Þau sjái ekki fyrir
sér að flytja heim vegna gengis
krónunnar.
Eftir Gunnhildi Örnu Gunnarsdóttur
gag@mbl.is
SEXTÍU fyrrverandi starfsmenn
Landsbankans í Lúxemborg hafa
ekki enn fengið greidd desem-
bermánaðarlaun sín. Skiptastjórar í
bankanum hafa þráast við að greiða
út.
Samtök bankamanna í Lúxem-
borg, ALEBA, fóru yfir stöðuna
með starfsmönnunum fyrrverandi á
veitingahúsi í borginni í gær. Þau
telja að staðið hafi verið ólöglega að
uppsögnum starfsmannanna og
hafa herjað á þingmenn að koma
fólkinu til hjálpar.
Félix Walisch, talsmaður samtak-
anna, segir ákvörðun skiptastjór-
anna hafa verið kærða. Málið verði
Landsbankamenn í Lúx
hafa ekki enn fengið laun
Í HNOTSKURN
»Óljóst var í upphafi hvortLandsbankinn hefði farið
í gjaldþrot eða verið gert að
gera upp. Þar sem bankinn
verður gerður upp er réttur
starfsmanna ríkari en ann-
ars, segir talsmaður ALEBA.
»Framkoma skiptastjór-anna hefur vakið athygli
ytra og var greint frá mál-
inu í útvarpi og sjónvarpi í
gær.
»35 Íslendingar unnu hjáLandsbankanum í Lúx-
emborg.
Eftir Sigtrygg Sigtryggsson
sisi@mbl.is
UNDANFARIN ár hefur myndast
halli á vetrarþjónustu Vegagerð-
arinnar og nemur hann nú liðlega 700
milljónum króna. Þessi halli fékkst
ekki bættur á fjáraukalögum ársins
2008 þegar þau voru afgreidd á Al-
þingi fyrir jól.
Í ljósi þess og almenns nið-
urskurðar hefur yfirstjórn Vegagerð-
arinnar ákveðið að nauðsynlegt sé að
fara í öllu eftir snjómokstursreglum
Vegagerðarnnar og beita aðhaldi
eins og kostur er. Ekki sé heldur úti-
lokað að skerða þurfi þjónustuna frá
því sem nú er. Engar ákvarðanir hafa
þó verið teknar um slíkt, samkvæmt
upplýsingum Gunnars Gunnarssonar
aðstoðarvegamálastjóra.
Á vef Vegagerðarinnar kemur
fram að snjómokstursreglur eru
margar og mismunandi eftir hverjum
stað. Allt frá því að mokað sé daglega
í að mokað sé tvo daga í viku og þá
bara vor og haust en ekki að vetri til.
Þá eru nokkrir vegir sem ekki eru
mokaðir.
Fram kemur að undanfarin ár hafi
snjólétt tíðarfar leitt til þess að regl-
urnar hafi verið túlkaðar nokkuð
rúmt og mokað þar sem samkvæmt
reglnanna hljóðan átti ekki að moka.
Þannig hafi þjónustan smátt og
smátt aukist umfram snjómokst-
ursreglurnar. Þetta ásamt fleiri þátt-
um, svo sem meiri verðhækkunum en
ráð var fyrir gert, hafi leitt til þess að
meira fé hafi verið varið til vetr-
arþjónustunnar en fjárveitingar
leyfðu.
1.400 milljónum verður
varið til vetrarþjónustu í ár
Samkvæmt upplýsingum Gunnars
Gunnarssonar var 1.300 milljónum
króna varið til vetrarþjónustunnar á
fjárlögum í fyrra. Á þessu ári hljóðar
þessi liður upp á 1.400 milljónir og
1.450 milljónir eru ætlaðar til vetr-
arþjónustunnar árið 2010. Á und-
anförnum árum hefur Vegagerðin
óskað eftir hærri upphæðum til vetr-
arþjónustu en ekki fengið. Vegagerð-
inni er óheimilt að taka fé af öðrum
liðum til að greiða vetrarþjónustuna
en frestun framkvæmda hefur leitt til
þess að Vegagerðin hefur staðið
þetta af sér tímabundið, að sögn
Gunnars.
Hann segir að ótrúlega litlir pen-
ingar sparist þótt tíðarfar sé hag-
stætt eins og nú háttar. Vegagerðin
sé með samninga við verktaka, sem
séu ætíð í startholunum. „Þetta er
eins og slökkviliðið, alltaf viðbúið,“
segir Gunnar.
Í vetrarþjónustu Vegagerðarinar
er m.a. öll vinna við framkvæmd, eft-
irlit, aðstoð og beina verkstjórn á
verkstað við snjómokstur og hálkuv-
arnir, hreinsun og flutningur á ís og
krapa af vegi, úr vegrásum, ræsum
og niðurföllum og frá umferð-
armerkjum og öðrum mannvirkjum
við veginn. Einnig hreinsun veg-
yfirborðs og rása eftir hrun í þeim til-
fellum þar sem það er af völdum
snjóskriðna eða ísmyndunar.
Mokstur Vegagerðarmenn glíma oft við myndarlega skafla á vegum landsins yfir háveturinn.
Minni mokstur?
 Rúmlega 700 milljóna króna halli á vetrarþjónustu Vega-
gerðarinnar  Viðbótarfjármagn fékkst ekki frá Alþingi
GUNNAR Gunnarsson segir að aðeins sé eitt til ráða til að ná niður hall-
anum á vetrarþjónustu vegagerðarinnar, ef aukið fjármagn kemur ekki til,
þ.e. að hálkuverja minna og moka sjaldnar. Gunnar segir að viðbúið sé, að
slíkur niðurskurður valdi óánægju á landsbyggðinni. Hjá Vegagerðinni sé
mönnum ljóst, að vegfarendur og landsmenn allir geri eðlilega auknar
kröfur um bætta þjónustu á vegakerfinu. Vilji sé til þess að bæta þjón-
ustuna en það verði ekki gert án fjármagns. Hann segir að tilkynning um
hertar aðhaldsaðgerðir hafi verið sett inn á vef Vegagerðarinnar á föstu-
daginn og hafi hún strax kallað á mikil viðbrögð.
Viðbúið að valdi óánægju
Eftir Önund Pál Ragnarsson
onundur@mbl.is
LÖGREGLUMENN eru í sömu
stöðu og almenningur gagnvart nú-
gildandi lögum og reglum, ef þeir
vilja fá leyfi til að eiga óvenjuleg
skotvopn, t.d. skammbyssur.
Spurningar hafa vaknað eftir að
sonur fyrrverandi lögreglumanns
gekk laus í borginni með hlaðna
skammbyssu úr fórum föður síns.
Að sögn Snorra Sigurjónssonar,
fulltrúa hjá lögreglunni á höf-
uðborgarsvæðinu, varð breyting
árið 1998 þegar ný vopnalög og
reglugerð um skotvopn, skotfæri
og fleira tóku gildi. Fyrir þann tíma
voru reglur ekki jafnskýrar. Hver
umsókn var metin fyrir sig eftir
sögu og orðspori umsækjandans og
því áttu lögreglumenn nokkuð
greiðan aðgang að slíkum leyfum.
Eftir 1998 urðu skilyrði fyrir
leyfum mun skýrari. Leyfi sem
voru gefin út fyrir þann tíma voru
hins vegar ekki afturkölluð við
breytinguna.
Bann er meginreglan
Leyfi vegna íþróttaskotfimi eru
gefin út af ríkislögreglustjóra eftir
að lögreglustjóri í viðkomandi um-
dæmi hefur gefið umsögn sína. Þar
að auki gilda ströng skilyrði fyrir
slíkri byssueign og er leyfið aft-
urkallað þegar þeim er ekki full-
nægt. M.a. er nauðsynlegt að hafa í
tvö ár stundað skotfimi hjá við-
urkenndu íþróttaskotfélagi og að
stunda hana enn. Hætti eigandi
byssunnar æfingum þarf hann að
selja hana eða lögregla gerir hana
upptæka. Hér er átt við hálf-
sjálfvirkar byssur sem eru sérhann-
aðar fyrir skotfimi.
Í vopnalögum er það skýrt að
bæði innflutningur og framleiðsla á
sjálfvirkum eða hálfsjálfvirkum
skammbyssum eru almennt bönn-
uð. Skammbyssu af gerðinni Glock
17, sem heimildir Morgunblaðsins
herma að pilturinn hafi gengið með
um götur og stræti, má því ekki
flytja inn til einkanota. Hins vegar
er að sögn Snorra mögulegt sam-
kvæmt núgildandi reglum, fyrir þá
sem hafa fengið útgefið leyfi til að
eiga skammbyssu, að fá slíkt vopn
keypt, ef það var til í landinu fyrir,
en er ekki flutt inn við kaupin.
Hríðskotabyssur óleyfilegar
Um byssur þær sem sérsveit rík-
islögreglustjóra notar við störf sín
gilda hins vegar sérstakar reglur
að sögn Snorra. Þar er m.a. um að
ræða Glock 17 og Heckler&Koch
MP5 hríðskotabyssur. Þær falla ut-
an gildissviðs vopnalaga og eru í
eigu lögreglunnar. Hvorki lög-
reglumenn né aðrir geta fengið
þær til persónulegrar eignar, þótt
einstakir lögreglumenn fái þjálfun í
notkun þeirra og beri þær á sér við
vissar aðstæður.
Hins vegar er ein leið fyrir ein-
stakling til að eignast hríðskota-
byssu, þ.e. að fá leyfi til að eiga
byssusafn. Að sögn Snorra eru slík
útgefin leyfi sárafá, en handhafar
þeirra geta flutt inn hríðskota-
byssur með vissum skilyrðum. Þá
er gerð krafa um að vopnið sé gert
ónothæft og að það haldist þannig.
Sömu reglur um
skotvopnaeign
gilda fyrir alla
Til 1998 voru skammbyssur auðsóttari
Morgunblaðið/Ásdís
Vopn Ströng skilyrði gilda um
skammbyssueign Íslendinga.
Í HNOTSKURN
»Nú um áramótin voru53.123 skotvopn skráð í
landinu.
»Þar af voru haglabyssurlangalgengastar. Þær
voru 32.079 talsins eða tæp
62% allra skotvopna.
»Rifflar voru hátt í átjánþúsund en skammbyssur
rúmlega tvö þúsund. Svo bæt-
ast við loftbyssur og „önnur
vopn“.
»Viðurlög við því að geymaskotvopn ekki í læstri
hirslu, líkt og faðir drengsins
sem gekk um með skamm-
byssu, eru vörslusvipting,
sektir eða fangelsi allt að fjór-
um árum.