Morgunblaðið - 07.01.2009, Side 36

36 MenningFÓLK
MORGUNBLAÐIÐ MIÐVIKUDAGUR 7. JANÚAR 2009
 Sænski raftónlistarmaðurinn
Johan T. Karlsson sem Íslend-
ingar þekkja eflaust betur undir
nafninu Familjen er væntanlegur
hingað til lands þann 6. febrúar
næstkomandi. Mun hann troða
upp á skemmtistaðnum NASA.
Familjen sló heldur betur í gegn á
síðustu Airwaves-hátíð því eins og
margir muna myndaðist mörg
hundruð metra röð fyrir utan
Tunglið á föstudagskvöldinu fyrir
tónleika sveitarinnar. Lag Familj-
en „Det Snurrar i min Skalle“
naut mikilla vinsælda í aðdrag-
anda hátíðarinnar hér á landi og
mun það ekki síst hafa valdið þeim
mikla áhuga sem á sveitinni var á
Airwaves. Hún fékk Grammy fyrir
besta myndbandið á sænsku
Grammy-verðlaunahátíðinni.
Miðasala hefst í næstu viku á midi-
.is en nánari upplýsingar um
miðaverð og upphitun fást innan
tíðar. Róbert Aron Magnússon
(Robbi Kronik, DJ Rampage)
stendur að tónleikunum.
Familjen treður upp
á NASA í febrúar
Fólk
ÚTFLUTNINGSSKRIFSTOFA íslenskrar tónlistar
(ÚTÓN) stendur fyrir fræðslukvöldi í Norræna húsinu í
kvöld frá kl. 19.30-22. Hjörtur Smárason flytur erindi um
hvernig hægt er að byggja upp sterkt orðspor á netinu og
leitast við að svara spurningum um hvernig tónlistarmenn
geti haft áhrif á leitarvélar eins og Google og verndað
nafn/vörumerki sitt.
Einnig verður boðið upp á umræður um hvernig megi
bera sig að við að koma sér á framfæri erlendis. Gestir
kvöldsins verða Ólafur Arnalds, Sólrún Sumarliðadóttir
og Ketill J. Kolbeinsson og munu þau leitast við að svara
spurningum um margvíslega þætti þess hvernig best er að
koma sér á framfæri erlendis.
Kolbeinn er með þekktari óperusöngvurum þjóðarinnar.
Hann nam list sína í Reykjavík og Vín og kom fyrst fram
sem atvinnusöngvari í Þjóðaróperunni í Prag. Hann var á
sínum tíma fastráðinn við leikhúsið í Dortmund og Kölnar-
óperuna.
Ólafur Arnalds hefur unnið hörðum höndum að sóló-
ferli sínum síðasta árið. Á innan við sex mánuðum frá út-
gáfu fyrstu plötu sinnar, Eulogy for Evolution, tókst hon-
um að fjölga áheyrendum á tónleikum úr 50 manns í 1.000
og fór frá því að spila á litlum knæpum í það að fylla Barbic-
an Hall í London.
Sólrún Sumarliðadóttir sellóleikari er með MA-gráðu í
menningarstjórnun og hefur starfað með hljómsveitinni
amiinu undanfarin ár, auk þess að hafa unnið með Sigur
Rós frá árinu 1999.
Hvernig á maður að meika það?
Iðinn Ólafur Arnalds mun miðla af reynslu sinni í kvöld.
 Brottrekstur Sölva Tryggvason-
ar úr Íslandi í dag á Stöð 2 skömmu
fyrir áramót kom eflaust mörgum
mjög á óvart, enda þótti Sölvi hafa
staðið sig með miklum ágætum.
Engar skýringar hafa enn fengist á
brottvikningu Sölva, en fregnir
herma hins vegar að stjórnendur
stöðvarinnar hafi viljað létta þátt-
inn, og að Sölvi hafi einhverra hluta
vegna ekki passað inn í þau áform.
Í stað hans voru ráðin þau Sindri
Sindrason og Sigrún Ósk Kristjáns-
dóttir sem hafa strax látið til sín
taka. Þannig hafa viðtöl við stjórn-
málamenn og hagfræðinga vikið
fyrir viðtölum við Lindu P. og
Gillzenegger, og því virðist sem Ís-
land í dag hafi endanlega gefist upp
í baráttunni við Kastljósið um djúp
og innihaldsrík viðtöl um ástandið í
þjóðfélaginu. Forvitnilegt verður
að sjá hvort þessi breyting verður
til þess að auka áhorfið á Ísland í
dag, sem hefur ekki verið upp á
sérlega marga fiska hingað til.
Ísland í dag gefst upp
fyrir Kastljósinu
Eftir Jóhann Bjarna Kolbeinsson
jbk@mbl.is
„VIÐ erum enn á þeim brautum sem
við höfum verið á, og hafa skilað okk-
ur miklum árangri,“ segir Pálmi Guð-
mundsson, sjónvarpsstjóri Stöðvar 2,
þegar hann er spurður hvernig
kreppan leiki innlenda dagskrá
stöðvarinnar. „Við erum að byrja að
sýna Rétt þarnæsta sunnudag, og
svo byrjar Idol stjörnuleit hinn 13.
febrúar. Svo förum við af stað með
bæði Fangavaktina og Ástríði í
haust,“ segir Pálmi, en þar eru á
ferðinni nýir íslenskir sjónvarps-
þættir. „Svo verðum við náttúrlega
áfram með þá þætti sem við höfum
verið með, þ.e. Sjálfstætt fólk, Komp-
ás, Mannamál, Markaðinn og Loga í
beinni.“
Hvað Idol stjörnuleit varðar segir
Pálmi að það verði aðeins minna í
sniðum en síðast, eða alls 15 þættir.
Þátturinn verði þó áfram sendur út
frá Vetrargarðinum í Smáralind.
„Það eru komnar 2.000 skráningar
í þáttinn, við höfum áður farið hæst í
1.500. Þannig að það er metskrán-
ing,“ segir Pálmi.
Þá má geta þess að þeir Sveppi og
Auddi fara fljótlega af stað með nýja
þætti á föstudagskvöldum. Hvað
önnur innlend verkefni varðar segir
Pálmi ýmislegt í skoðun, þótt ekkert
sé enn fast í hendi.
Sjónleikur á sunnudögum
„Káta maskínan féll fyrir hnífnum,
við þurftum að skera hana niður,“
segir Þórhallur Gunnarsson, dag-
skrárstjóri Sjónvarpsins, aðspurður
hvar hafi helst verið skorið niður í
innlendri dagskrá stöðvarinnar. „Svo
þurfum við að breyta áherslum varð-
andi Gettu betur og Evróvisjón, við
tökum þættina upp í myndveri hjá
okkur, í staðinn fyrir að hafa þá í
Smáralind.“
Undankeppni Evróvisjón hefst
núna á laugardaginn, en alls verður
um sex þætti að ræða. Laugardaginn
eftir það, hinn 21. febrúar, hefst svo
Gettu betur. Að sögn Þórhalls tekur
Evróvisjón við af Góðu kvöldi, sem
hefur verið lagt af. „Það er hins vegar
ástæða til að leiðrétta það sem kom
fram í Morgunblaðinu að ég hafi
ákveðið að slá Gott kvöld af vegna
minnkandi áhorfs. Áhorf á nánast allt
sjónvarpsefni minnkaði þegar des-
ember nálgaðist, og maður tekur
ekki skyndiákvarðanir út af slíku. En
þátturinn átti aldrei að vera lengur
en fram í desember,“ segir Þórhallur.
Í febrúar hefur svo nýr þáttur
göngu sína, en sá heitir Sjónleikur.
„Þar erum við að fjalla um íslenska
leikara og leiklist sem hefur verið
unnin á vegum Sjónvarpsins í gegn-
um áratugina.“
Þá mun Sjónvarpið halda áfram að
sýna íslenskar heimildar- og stutt-
myndir, auk þess sem ný spennu-
þáttaröð, Hamarinn, verður á dag-
skránni áður en langt um líður. „Það
er hins vegar enn til skoðunar hvort
við sýnum þá í vetur eða næsta
haust,“ segir Þórhallur.
Í vinnslu
„Við erum að vinna í þessum verk-
efnum og við ætlum að leggja áherslu
á að vera með fleiri innlenda dag-
skrárliði en við höfum verið með, þótt
þeir verði smærri í sniðum,“ segir
Sigríður Margrét Oddsdóttir, fram-
kvæmdastjóri Skjás eins, um stöðu
mála hjá fyrirtækinu. Hún segist þó
lítið geta gefið upp um hvern dag-
skrárlið fyrir sig, en geti þó staðfest
að Game tíví verði áfram á dagskrá,
þótt Singing Bee hafi verið lagður af í
bili, enda gríðarlega kostnaðarsamur
þáttur.
Sjónvarpsstöðvar halda sjó
 Sjónvarpið og Stöð 2 halda nokkurn veginn sínu striki í innlendri dagskrá
 Nýr leiklistarþáttur á dagskrá Sjónvarpsins  Dagskrá Skjás eins í vinnslu
Réttur Magnús Jónsson, Víkingur Kristjánsson og Jóhanna Vigdís Arn-
ardóttir leika aðalhlutverkin í þáttaröðinni sem hefst í 18. janúar.
Eftir Birgi Örn Steinarsson
biggi@mbl.is
ROKKHLJÓMSVEITIN Vicky [áð-
ur Pollard] er gaf út plötuna Pull
Hard fyrir síðustu jól undirbýr nú
tvær tónleikaferðir erlendis. Fyrst
verður haldið til St. Louis í Banda-
ríkjunum en þangað fer hópurinn í
byrjun febrúar á vegum Iceland Mu-
sic Export og Útflutningsráðs.
„Þetta var einhver ráðstefna sem
þau voru með í fyrra líka en þá fór
Pétur Ben,“ segir Orri Guðmunds-
son, trommuleikari sveitarinnar og
eini karlmaðurinn. „Við spilum svo
væntanlega í New York á bakaleið-
inni.“
Vicky var síðast í St. Louis í sept-
ember á síðasta ári en þá komu þau
fram á tónleikahátíð þar.
Ævintýri í Kína
Vicky heldur svo til Kína í maí þar
sem sveitin kemur fram á Midi-
festivalinu, einni stærstu tón-
leikahátíð Kínverja, í annað sinn.
Þar lenti sveitin í ýmsum svað-
ilförum í fyrra þar sem hátíðin var
nánast blásin af vegna mótmæla í
kringum Ólympíuleikana. Stjórn-
völd bönnuðu þá á síðasta snúningi
allar utandyrauppákomur og þar af
leiðandi neyddust aðstandendur há-
tíðarinnar til að minnka hana veru-
lega og halda hana innandyra. Önn-
ur stór hátíð var svo haldin um
haustið. Ferðin í ár ætti því að skila
góðum árangri.
„Hún er haldin í Peking og
Sjanghæ og mér skilst að það standi
til að við spilum í báðum borgum.“
Sveitin undirbýr nú upptökur á
nýju myndbandi er ætti að verða
tilbúið fyrir sumarið.
Vicky á leið í svaðilför til
stórveldanna tveggja
Morgunblaðið/Frikki
Vicky Eflaust búin að spila meira erlendis en heima þrátt fyrir ungan aldur.
Hafnfirska rokksveitin á leið til Bandaríkjanna og Kína
Sjónvarpið
Kastljós
Kiljan
Silfur Egils
Gettu betur
Evróvisjón
Útsvar
Spaugstofan
Sjónleikur
Alla leið
Stundin okkar
Hamarinn
Stöð 2
Idol stjörnuleit
Réttur
Logi í beinni
Mannamál
Markaðurinn
Kompás
Sveppi og Auddi
Ástríður
Fangavaktin
Innlend dagskrá