Morgunblaðið - 24.04.2009, Blaðsíða 43

Menning 43FÓLK
MORGUNBLAÐIÐ FÖSTUDAGUR 24. APRÍL 2009
BRESKA hljómsveitin Oasis mun ekki
gefa út aðra plötu fyrr en í fyrsta lagi
árið 2014. Ástæðan mun vera sú að Noel
Gallagher er kominn með ógeð á bróður
sínum Liam. Í viðtali við tónlistartíma-
ritið Q sagði Noel að hann vildi í það
minnsta komast í fimm ára frí frá bróður
sínum vegna þess að honum finnst hann
ekki taka hljómsveitina nógu alvarlega.
„Það eru enn tvö lög ókláruð sem áttu að
fara á síðustu plötu vegna þess að Liam
ákvað allt í einu að gifta sig. Það pirrar
mig óendanlega mikið. Við vorum búnir
að taka upp 50 manna kór og allt. Ef
hann tekur þetta ekki alvarlega þá er það
bara þannig en þá vil ég ekki vita af hon-
um meir. Næst þegar við förum í hljóð-
verið verðum við fimm árum eldri,“
sagði Noel sem bætti því svo við að
samband hans við bróður sinn væri svo
slæmt að Liam hefði ekki einu sinni hitt
10 ára frænda sinn. „Það hljómar fárán-
lega en er dagsatt og þið mynduð trúa
mér ef þið þekktuð hann. Þið
mynduð ekki einu sinni hleypa
honum inn fyrir hússins dyr ef
hann kæmi fram við ykkur
eins og hann kemur fram við
mig og mína fjölskyldu. Hann
er dónalegur, hrokafullur og
latur. Hann er reiðasti mað-
ur sem ég þekki. Ef veröldin
væri súpa héldi hann á
gaffli.“
Fimm ára bið í næstu Oasis-plötu
Oasis-bræður
Hafa lengi eldað
grátt silfur saman.
DEILUR spunnust suður í Ástralíu í
vikunni þegar þessi stúlka, fyr-
irsætan Stephanie Naumoska,
komst í úrslit fegurðarsamkeppni í
Sydney sem kennd er við Ungfrú al-
heim. Naumoska er hávaxin, 180
cm á hæð, en ekki nema 49 kíló,
langt undir meðalþyngd. Læknar
og næringarfræðingar kvörtuðu
undan því að hún væri ekkert nema
„skinn og bein“ og hættulega van-
nærð.
Reuters
Sögð hættu-
lega vannærð
ÞRIÐJU Grasrótartónleikar
Reykjavík Grapevine og gogoyoko
verða haldnir í kvöld í Nýlendu-
vöruverzlun Hemma og Valda að
Laugavegi 21. Fram koma 701, Mag-
noose og Mikael Lind, en þeir eiga
það allir sameiginlegt að vera sóló-
raftónlistarmenn og vinna í Bókabúð
Máls og Menningar.
Mikael Lind er 28 ára Svíi sem
hefur verið búsettur á Íslandi síðan
2006. Hann gaf út plötuna Alltihop
fyrir stuttu en á henni má finna mel-
ódíska raftónlist með snefil klass-
ískra áhrifa.
701 er hliðarsjálf Jóhanns F. Jó-
hannssonar, 27 ára gamals Ísfirð-
ings sem gaf út sína fjórðu plötu á
dögunum, Dońt Push The Rocks In
My Face.
Magnoose er 26 ára listamaður,
útskrifaður í myndlist, sem hann
starfar að samhliða tónlist. Hann
skipar helming dúettsins Mr. Silla
og Mongoose en í kvöld spreytir
hann sig einn á hávaðakenndri raf-
tónlist. Tónleikarnir hefjast klukkan
21.00.
Morgunblaðið/Kristinn
Kemur einn fram Mikael Lind er
einn flytjendanna í kvöld.
Raftónlist-
armenn
koma fram