Morgunblaðið - 24.05.2009, Qupperneq 34

34 Umræðan
MORGUNBLAÐIÐ SUNNUDAGUR 24. MAÍ 2009
Ævar Dungal
Löggiltur fasteignasali
Sölustjóri
Sími 440 6016
GSM 897 6060
dungal@domus.is
Landnámsjörðin Höskuldsstaðir
í Breiðdal, 917 hektarar
Á einstaklega fallegu bæjarstæði er um 135 m2 einbýlishús ásamt 33 m2 hlaða, sem
er notuð sem geymsla. Auk þess á hólnum við bæinn vandað sumarhús 40 m2
(heilsárs) með stórum sólpalli. Góð heimatún. Glæsileg fjallasýn. Fallegur garður,
há tré, limgerði. Vandað hesthús, 16 eins hesta stíur + stóðhestastía, vélgengur kjall-
ari. Við hesthúsið er stórt gerði og við það tvö stór beitarhólf til daglegra útiveru
hrossa. Hlaða notuð sem reiðskemma. Skjólhús fyrir útiganginn og öflugur skjól-
veggur, stór beitarhólf og lækur. Reiðgerði 20 x 40 m. Tvö hringgerði. „Höskuld-
staðaafréttur“ ca 2-300 hektarar grösugt svæði í fjallendi. Skógrækt ca 30 hektarar.
Hreindýraarður, laxveiðiarður. Fallegar reiðleiðir. Mjög gott GSM-samband. Ásett
verð 56 milljónir.
Kaupvangi 3A, Egilsstöðum, sími 440 6016 og 897 6060
Reykjavík
Sími 588 9090
Síðumúla 21 • 108 Reykjavík
www.eignamidlun.is
Sverrir Kristinsson, lögg. fasteignasali
Íbúðarhúsnæði óskast til leigu
Íbúð í Skuggahverfi óskast til leigu (101 Skuggi)
120–140 fm íbúð, gjarnan með húsgögnum, óskast til leigu nú þeg-
ar. Allar nánari upplýsingar veita Sverrir Kristinsson í síma
861-8514 eða Hilmar Þór Hafsteinsson í síma 824-9098.
Par- eða raðhús á Seltjarnarnesi óskast til leigu
Traustur aðili óskar eftir u.þ.b. 200 fm íbúðarhúsnæði til leigu á fram-
angreindu svæði nú þegar. Allar nánari upplýsingar veita Sverrir
Kristinsson í síma 861-8514 eða Hilmar Þór Hafsteinsson í síma
824-9098.
Einbýlishús í Vesturbæ eða Þingholtunum óskast
Traustur kaupandi óskar eftir 250-350 fm einbýlishúsi í vesturborg-
inni eða þingholtunum. Staðgreiðsla í boði fyrir rétta eign.
Allar nánari upplýsingar veitir Sverrir Kristinsson löggiltur fasteignasali
í síma 861 8514.
TRAUST FASTEIGNASALA
Sími: 464 9955
Til sölu
Sjafnarnes 2 og Ægisnes 3
Akureyri
Iðnaðar og athafna lóðirnar við Sjafnarnes 2 og Ægisnes 3
eru til sölu. Um er að ræða samliggjandi lóðir sem eru samtals
51.929,6 fm og skiptist þannig að Sjafnarnes 2 er 27.323,1 fm.
að stærð og Ægisnes 3 er 24.606,5 fm. að stærð.
Á lóðinni Sjafnarnes 2 er 344,7 fm. lagerhúsnæði og
43 fm. skrifstofuhúsnæði.
Tilboð óskast í eignirnar og er tilboðsfrestur
til mánudagsins 1.6. 2009 kl. 16:00.
Fasteignasalan BYGGÐ
Strandgötu 29
600 Akureyri
SÍMI: 464 9955  FAX: 464 9901  STRANDGATA 29  OPIÐ MÁN. - FÖS. KL. 9-12 & 13-17
Reykjavík
Sími 588 9090
Síðumúla 21 • 108 Reykjavík
www.eignamidlun.is
Sverrir Kristinsson, lögg. fasteignasali
Maltakur 7
- nýjar íbúðir í Garðabaæ
Stórglæsilegar og vel hannaðar 2ja-3ja herb. íbúðir á frábærum stað
á Arnarneshæðinni. Í íbúðunum eru stór og björt rými. Svefnherbergi
eru með innbyggðum fataherbergjum og mörg með sérbaðher-
bergjum. Sannkallaðar hjónasvítur. Góð herbergi og rúmgóðar stofur
með sambyggðu eldhúsi á móti suðri.
OPIÐ HÚS SUNNUDAG FRÁ KL. 13:00–15:00
OP
IÐ
HÚ
S
ÞAÐ ER alltaf sárt
að heyra gáfað fólk
þrátta, einkum þegar
það er næstum sam-
mála um allt. Þetta
næstum því er sá
herslumunur sem þarf
til að íslensku miðju-
eða segjum heldur
jafnaðarflokkarnir þrír
geti sameinast í eina
breiðfylkingu ásamt Samfylkingunni.
Nú er lag til að mynda langstærsta
flokk Íslands, flokk sem sameinar
hugsjónir Íslendinga í eina fylkingu.
Bæði Borgarahreyfingin og Lýðræð-
ishreyfingin geta hjálpað þessari
Samfylkingu að fínpússa agnúana í
íslenska stjórnkerfinu og um leið Ís-
lendingum til að taka lýðræðisleg
vinnubrögð fram yfir flokkaerjur og
spillingu í valdatafli misviturra
stjórnmálamanna. Þangað til þurfum
við hins vegar að sameinast um
grundvallarviðhorf til stjórnmálanna,
sameinast um þau markmið sem
flestir eru sammála um að Ísland
þurfi að setja sér til að reisa efnahag-
inn úr rústum rangrar og skamm-
sýnnar peningastefnu og því miður
alltof oft kolvitlausrar fjárfesting-
arstefnu. Nú þarf að laga grunninn
og sameinast um að styrkja und-
irstöðurnar, landið, náttúruna,
hreina ímynd Íslands, forvarnir gegn
sjúkdómum og vímuefnum, menn-
ingu, listir, hugvit og vísindi, mennt-
un og handverk, landbúnað og sjáv-
arútveg. Og umfram allt þurfum við
að gefa landsmönnum von með raun-
hæfum en róttækum aðgerðum í pen-
ingamálum.
Hagfræðinga og peningasérfræð-
inga greinir á um margt
en allir eru þeir nú sam-
mála um nauðsyn þess
að Íslands fari af stað í
aðildarviðræður við
ESB um inngöngu í hið
hugsjónaríka og metn-
aðarfulla bandalag ríkja
í Evrópu sem eiga ým-
islegt sameiginlegt
þrátt fyrir allt. Rann-
sóknir hafa sýnt að
meira að segja þeir sem
óttast mest slíkan sam-
runa hér á landi hafa einmitt mest út
úr honum fjárhagslega. Finnar hafa
nú áttað sig á því að þeir græða
mikla meira á því að vera innan ESB
en utan. Bændur, (a.m.k. flestir
bændur) fá að jafnaði meiri styrki við
það að vera innan ESB og unnt er að
markaðssetja vörur þeirra og ann-
arra sjálfbærra aðilja í Evrópu með
mun árangursríkari hætti en áður.
Sjávarpláss sem áður urðu útundan
eygja líka von í ESB vegna nýrra
laga sem taka tillit til sérstöðu
þeirra. Íslendingar munu þannig
rjúfa einangrun sína með marg-
víslegum hætti ef þeir ganga í ESB.
Þeir munu losa sig við kolónýta
krónu og styrkja efnahagslífið með
sterkum gjaldmiðli en síðast en ekki
síst munu Íslendingar bæta til muna
samkeppnisstöðu sína hér sem er-
lendis. Útrásin mun ekki verða
dauðadæmd fyrirfram eins og svo oft
áður vegna sveiflukenndrar og óá-
reiðanlegrar gengisstefnu og glæp-
samlega hárra vaxta.
Okkur Íslendingum hættir til að
gleyma því að efnahagsástandið var
fjarri því að vera glæsilegt áður en
útrásin hófst og mörg fyrirtæki
römbuðu á barmi gjaldþrots, þó
skuldir þeirra hafi ekki verið eins há-
ar og nú. Hins vegar voru mögu-
leikar þeirra mjög takmarkaðir og í
raun fyrirfram dauðadæmdir vegna
slæmra efnahagslegra skilyrða. Út-
rásin hefði aldrei getað mistekist
jafnhrikalega ef ekki hefði verið til
falið krabbamein í rótum íslensks
efnahagslífs fyrir útrásina. Og þetta
krabbamein má rekja beint og óbeint
til óstjórnar afturhaldsaflanna í
Sjálfstæðisflokknum, a.m.k síðustu
20 árin. Hyggilegast er að við Íslend-
ingar útkljáum ólík sjónarmið varð-
andi aðild að Evrópusambandinu
sem allra fyrst og þegar útkoman er
klár sameinumst um að byggja upp
nýtt Ísland.
Mikilvægt er að fulltrúar jafn-
aðarmannaflokkanna brjóti odd af
oflæti sínu og sameinist um helstu
stefnumál sín og fylgi þeirri nið-
urstöðu sem almenningur hefur
markað í Evrópumálinu. Út úr þeirri
stefnumörkun gæti orðið til nýr jafn-
aðarmannaflokkur eða ný Samfylk-
ing á Íslandi, þar sem framsókn-
armenn og vinstri grænir ganga inn í
eina stóra breiðfylkingu, hvort held-
ur hún kallar sig Samfylkingu ell-
egar gengur undir öðru heiti. Al-
menningur á rétt á samstöðu
sigurvegara síðustu kosninga!
Jafnaðarmannaflokkarnir þrír
sameinist í eina breiðfylkingu
Eftir Benedikt S.
Lafleur »Útrásin hefði aldrei
getað mistekist
jafnhrikalega ef ekki
hefði verið til falið
krabbamein í rótum
íslensks efnahagslífs
fyrir útrásina.
Benedikt S. Lafleur
Höfundur er listamaður,
talnaspekingur og útgefandi.
ÞAÐ ERU merki-
legir kappar sem sitja í
stjórn lífeyrissjóðsins
Gildis. Það er sent út
bréf til allra sem eiga
réttindi í sjóðnum.
Bréfið er dagsett 15.
maí 2009 og sjóðs-
félagar minntir á að frá
og með 1. júní verði
réttindi þeirra skert um
10% og harmar sjóð-
urinn þessar skerðingar í sama bréfi.
En jafnframt er sagt frá því að lífeyr-
issjóðurinn Gildi hafi verið valinn
besti lífeyrissjóðurinn 2005, 2006,
2007 og 2008 af tímarit-
inu IPE (sem er fag-
tímarit um lífeyrismál).
Ef lífeyrissjóðurinn hef-
ur staðið sig svona vel,
hvers vegna þarf hann
þá að skerða rétt sjóðs-
félaga þetta mikið?
Í sama bréfi er sjóðs-
félögum bent á það að
réttindi voru hækkuð
7% 1. janúar 2006 og
10% 1. janúar 2007. En
ekki er getið um
tugprósenta skerðingu
sem varð 1. desember 2007 og var
mér tjáð af starfsfólki sjóðsins að það
væri annað mál, óskylt þessu. Þetta
er mjög einkennilegt því 1. desember
2007 og svo núna 1. júní 2009 er mér
bent á það í bréfinu frá sjóðnum að
kanna hvort ég eigi ekki rétt á hækk-
un á móti frá Tryggingastofnun rík-
isins. Með þessari skerðingu nú 1.
júní, eru skerðingar frá sjóðnum
u.þ.b. 30 þús. á mánuði á einu og hálfu
ári, eða samtals 360 þús. ári, og koma
engar hækkanir frá Trygg-
ingastofnun á móti.
Það er sama með stjórn lífeyris-
sjóðsins Gildis og útrásarvíkingana
(þotuliðið): að leita til ríkisins, það er
okkar þegar búið er að klúðra hlut-
unum. Er þetta sanngjarnt, að stjórn
sjóðsins hrósi sér í sama bréfi og
harmi líka að það þurfi að skerða líf-
eyrisgreiðslur? Ekki eru laun stjórn-
armanna lækkuð eða skert.
Ekki má gleyma því að sjóðurinn
var valinn besti sjóðurinn 2005-2008.
Ef sjóðurinn hefur staðið sig svona
vel, hvernig getur hann þá tapað tug-
um milljarða?
Þetta er óskiljanlegt og með ólík-
indum að stjórn sjóðsins skuli láta
svona bréf frá sér fara.
Þetta segir mér að stjórn lífeyris-
sjóðsins Gildis sé ekki hæf í sínu hlut-
verki og beri að segja af sér nú þegar.
Það er krafa mín og margra annarra
sjóðsfélaga að það verði boðað til
auka-aðalfundar, ársfundar og kosin
ný stjórn sem er hæf í sínu hlutverki.
Jafnframt er það krafa að þeir sem
hafa verið við völd í sjóðnum axli
ábyrgð.
Stjórn lífeyrissjóðsins
Gildis segi af sér strax
Eftir Þóri Karl
Jónasson »Er þetta sanngjarnt,
að stjórn sjóðsins
hrósi sér í sama bréfi og
harmi líka að það þurfi
að skerða lífeyris-
greiðslur?
Þórir Karl Jónasson
Höfundur er fv. formaður Sjálfsbjargar
og sjóðsfélagi í lífeyrissjóðnum Gildi.