Morgunblaðið - 24.05.2009, Qupperneq 39

Minningar 39
MORGUNBLAÐIÐ SUNNUDAGUR 24. MAÍ 2009
Lítill engill skottast á
götunum úti í Eyjum.
Ung kona ekki svo
löngu síðar, alvarleg,
greind og hlý. Þarna er
hann kominn aftur, sami engillinn.
Brúðkaup. Litli engillinn er að gifta
sig. Svo líða örfá ár. Lítill sólargeisli
kemur til sögunnar nokkru síðar. En
skyndilega er engillinn okkar horfinn.
Við sitjum eftir steini lostnar með all-
ar minningarnar sem engillinn skildi
eftir.
Þegar við sátum, spjölluðum og
hlógum saman í vetur, hvarflaði það
aldrei að okkur vinkonunum sem hitt-
umst reglulega frá því við unnum
saman á Laugaveginum að það væri
síðasta kvöldið okkar saman. En
svona kemur tilveran aftan að manni.
Nú er þín sárt saknað elsku Svanhvít.
Elsku Þröstur og Daney Rós ykkar
harmur er stór. Við getum aðeins
vottað ykkur okkar dýpstu samúð.
Við geymum góðar minningar um
vinkonu sem við áttum eftir að gera
svo margt með. En svona er víst lífið.
Þar ræður annað okkar örlögum.
Elsku vinkona, við þökkum þér fyr-
ir vináttuna. Það verður að vera
huggun í sorginni að einhvers staðar
situr kankvís fallegur engill sem mun
fylgjast með okkur þar til við hitt-
umst á ný.
Þínar vinkonur,
Katrín Ævarsdóttir
og Ingibjörg Hilmarsdóttir.
Elsku Svanhvít.
Við sitjum hérna saman vinkonurn-
ar með tárin í augunum. Við trúum
því ekki að þú sért farin. Okkur lang-
ar til að þakka þér fyrir að hafa fengið
að kynnast þér vorið 1992. Það er svo
margt sem kemur upp í hugann þegar
við hugsum til þín, t.d. í fyrsta partí-
inu hjá Gunna og Guðrúnu. Við
bjuggumst við að hitta feimna stúlku,
en þá birtist þessi flotta skvísa með
Þresti sínum. Lifnaði allt við í partí-
inu og stuðið magnaðist með hverri
mínútu. Einnig minnumst við þess
þegar við Sagaklasskonur höfðum
dekurdag, sem fólst í því að panta
herbergi á Hótel Sögu, mættum þar
um hádegi og byrjuðum á að fara í
nudd, ljós og jafnvel var tekin ein
hvítvín í heita pottinum, þar fórum við
á trúnó eða hlógum okkur máttlausar.
Síðan var farið upp á herbergi og þá
var ýmislegt brallað (spádómar, förð-
un, leikir o.m.fl.). Eftir allar uppá-
komurnar fórum við niður í Súlnasal
og dönsuðum fram á rauða nótt við
undirleik hljómsveitarinnar Sagak-
lass. Þessir dagar standa okkur í
fersku minni, gleðin og vináttan sem
ríkti okkar á milli. Nú koma upp í
huga okkar ferðalögin til Lúxemborg-
ar, ekki var minna gaman þar. Ekki
er hægt að telja upp allar þær góðu og
yndislegu stundir sem við áttum með
þér.
Ekki má gleyma gleðistundinni
þegar í ljós kom að Svanhvít og Þröst-
ur ættu von á barni. Daney Rós fædd-
ist 14. maí 1997, algjör gullmoli þessi
prinsessa.
Elsku Svanhvít, þú munt alltaf eiga
stóran sess í hjörtum okkar, við sökn-
um þín ótrúlega. Við biðjum góðan
Guð að varðveita Þröst og Daney Rós.
Þínar Sagaklass-vinkonur,
Bryndís, Edda,
Guðrún og Sigrún.
Kæra vinkona, það er svo óraun-
verulegt og skrýtið að sitja hérna og
skrifa um þig. Aldrei datt mér í hug
að þú gætir horfið frá mér svo snögg-
lega og óvænt. Ég verð að segja að ég
er ekki enn búin að átta mig á því að
Svanhvít Rósa
Þráinsdóttir
✝ Svanhvít RósaÞráinsdóttir fædd-
ist í Vestmannaeyjum
6. janúar 1964. Hún
lést á Landspítalanum
í Fossvogi 7. maí síð-
astliðinn og fór útför
hennar fram frá
Kópavogskirkju 19.
maí.
þú sért farin.
Ég fékk þá blessun
að kynnast þér árið
1990 er við störfuðum
saman í Sautján.
Fljótlega tókst með
okkur einstök vinátta
sem hefur haldið allar
götur síðan. Með ár-
unum urðum við svo
samrýndar og líkar í
háttum að fólk rugl-
aði okkur oft saman
og héldu margir að
við værum systur.
Það hefur verið svo
einstakt að eiga vin eins og þig, vin
sem ég gat verið ég sjálf með, vin sem
ég gat setið með án orða eða talað við
um allt sem okkur lá á hjarta. Þú
varst alltaf til staðar fyrir mig.
Heimili þitt stóð mér alltaf opið,
ekki síst eftir að ég flutti til London
og kallaðir þú mig oft villta heimilis-
köttinn þegar ég var hjá ykkur. Kæra
vinkona, ég vil þakka þér fyrir að
opna heimili þitt fyrir mér og leyfa
mér að vera eins og einni af fjölskyld-
unni.
Samvera okkar hefur veitt mér svo
ótalmargar minningar sem ég get
núna brosað að í gegnum tárin. Nú
þegar ég sit hér og skrifa til þín
sveimar hugurinn til dæmis til þess
tíma er við borðuðum humar í öll mál
þó við ættum ekki krónu með gati því
þú fékkst hann alltaf sendan úr Eyj-
um. Einnig hugsa ég til allra þeirra
skipta þegar við vöktum Þröst til að
elda spælt egg og brauð handa okkur
þegar við komum seint heim. Guð
hvað við gátum hlegið.
Ég fæ þér aldrei fullþakkað
fyrir að vera hjá mér,
þú stóðst með mér,
hvattir mig til dáða,
en hélst þó í tauminn.
Þú reistir mig við
og styrktir mig.
Ég er minnisvarði
hugsana þinna og umhyggju.
Þakka þér fyrir.
(Höf. ókunnur.)
Elsku Svanhvít, það var allt ljós og
gleði hjá þér og sérstaklega þegar
hún Daney Rós fæddist árið 1997.
Hún er liturinn og sólin í hjarta ykkar
beggja. Orð fá því ekki lýst hvað það
var gaman að horfa á ykkur þrjú
saman, þið voruð eins og stór sólar-
geisli.
Síðustu daga hef ég verið að hugsa
um allar okkar stundir saman, bæði
hér heima og þegar þú komst að
heimsækja mig til London. Þessar
samverustundir eru mér ómetanleg-
ar og mun ég geyma þær í huga mér
og hjarta um ókomna tíð.
Elsku Svanhvít, þakka þér fyrir að
vera bara þú, staðföst í vináttu og
óþreytandi í gæsku.
Ég gæti hrópað orðin af hæstu tindum
svo allur heimurinn heyrði.
Ég gæti málað þau þvert yfir himininn
svo öll veröldin sæi.
Ég gæti steypt þau í brons
svo þau yrði öllum áþreifanleg.
En hvernig sem ég tjái þakkir mínar,
Er engin leið til að lýsa til fulls hve
þakklátur ég er.
(Stuart McFarlane)
Kæra vinkona, við sögðum alltaf að
ef eitthvað myndi koma upp á þá
myndum við styrkja hvor aðra og
styðja. Ég skal lofa því, elsku Svan-
hvít mín, að ég mun gera mitt besta
til að hlúa að Þresti og Daney Rós.
Ég elska þig svo mikið og sakna
þín svo sárt.
Þín vinkona,
Guðbjörg.
Kæra vinkona, hvern gat grunað
það þegar ég heimsótti ykkur nú í
febrúar að það yrði í síðasta sinn sem
við hittumst. Ýmislegt var rætt þá,
meðal annars um unglingsárin okkar
í Eyjum, Þjóðhátíð og litlu prins-
essurnar okkar. Þú sagðist ætla að
verða duglegri að heimsækja Eyjarn-
ar þegar þú værir búin að jafna þig á
þessum slappleika sem hrjáði þig.
Vinskapur okkar nær aftur til þess
tíma sem við vorum saman í nem-
endaráði framhaldsskólans í Vest-
mannaeyjum. Með tilkomu Önnu og
Þrastar styrktist vinskapurinn og
þegar Sævör og Daney fæddust átt-
um við enn meira sameiginlegt sem
við gátum glaðst yfir og talað um.
Þau eru ófá skiptin sem við höfum
gist hjá ykkur í Víðilundinum þegar
við höfum komið til suður og munum
við halda því áfram. Við viljum þakka
þér fyrir góða vináttu og ómetanleg-
ar samverustundir öll þessi ár.
Elsku Þröstur og Daney Rós, ykk-
ar missir er mikill og vottum við ykk-
ur okkar innilegustu samúð.
Ykkar vinir
Erlendur, Anna og
Sævör Dagný.
Þó að fornu björgin bresti,
bili himinn og þorni upp mar,
allar sortni sólirnar,
aldrei deyr, þótt allt upp þrotni,
endurminning þess, sem var.
(Grímur Thomsen.)
Við sem urðum þeirrar gæfu að-
njótandi að fá að vera Svanhvíti sam-
ferða, kynnast henni sem smástelpu
og eiga hana að sem vinkonu í gegn-
um súrt og sætt, verðum ævinlega
þakklátar fyrir þá gjöf.
Æskuárin í Eyjum er oft búið að
rifja upp í saumaklúbbnum Ráptuðr-
um sem við 10 æskuvinkonurnar
stofnuðum hér á höfuðborgarsvæð-
inu fyrir margt löngu. Prakkarastrik-
in, diskótekin, handboltaæfingarnar
og allar minningarnar úr Eyjum. Já,
þar var nú ýmislegt brallað. Eftir að
við urðum „fullorðnar“, breyttust
prakkarastrikin í ferðalög, diskótek-
in í kaffihúsarölt, handboltaæfing-
arnar í dansæfingar, labbitúra og
matarboð.
Það er sárt að sjá á eftir elskulegri
vinkonu sem var í gegnum öll okkar
samveruár iðandi af lífi, krafti, dugn-
aði, gleði og hjálpsemi. Svanhvít var
einstaklega vinamörg og vinsæl
manneskja sem mátti ekkert aumt
sjá. Skipulagshæfni og dugnaður
voru henni í blóð borin og var hún því
gjarnan í forsvari fyrir hverskonar
samkomur, nú síðast í haust hjá ár-
gangi 1964 í Vestmannaeyjum. Það
hvarflaði ekki að okkur þá að þetta
yrði okkar síðasta samstarfsverkefni.
Við reiknuðum með meiri tíma. Við
kveðjum Svanhvíti með þakklæti,
virðingu og kærleika.
Elsku Þröstur, Daney, Þráinn,
Svava og Víðir. Við biðjum algóðan
guð að styrkja ykkur í þessari miklu
sorg.
Ágústa, Elva Ósk, Guðrún
Kristín, Helga Bryndís,
Kolbrún, Linda Kristín,
Ósk, Rúna og Sigrún.


  
   

 

   

 
 

 
   



  


 



 
    
       
✝
Elskuleg móðir okkar, tengdamóðir, amma og
langamma,
LOVÍSA HANNESDÓTTIR,
Gullsmára 10,
Kópavogi,
verður jarðsungin frá Kópavogskirkju mánudaginn
25. maí kl. 13.00.
Unnur S. Björnsdóttir,
Hannes Björnsson, Hafdís Ólafsdóttir,
Kristján Björnsson, Helga Haraldsdóttir,
Sigríður Björnsdóttir, Brynjar Guðmundsson,
Illugi Örn Björnsson, Fanný M. Ágústsdóttir,
barnabörn og barnabarnabörn.
✝
Ástkær eiginmaður minn, faðir, tengdafaðir, afi og
langafi,
SNORRI P. SNORRASON
læknir,
sem lést á Droplaugarstöðum laugardaginn
16. maí, verður jarðsunginn frá Dómkirkjunni
þriðjudaginn 26. maí kl. 13.00.
Karólína Jónsdóttir,
Snorri P. Snorrason, Helga Þórarinsdóttir,
Kristín Snorradóttir, Magnús Eiríkur Jakobsson,
barnabörn og barnabarnabörn.
✝
Elskulegi maðurinn minn, pabbi okkar, fósturpabbi,
tengdapabbi, afi og langafi,
PÉTUR KRISTÓFER GUÐMUNDSSON
fyrrum bóndi,
Hraunum í Fljótum,
Hlíðarlundi 2,
Akureyri,
lést á dvalarheimilinu Hlíð á Akureyri sunnudaginn
17. maí.
Útförin fer fram frá Akureyrarkirkju þriðjudaginn 26. maí kl. 13.30.
Blóm og kransar vinsamlegast afþakkaðir en þeim sem vilja minnast
hans er bent á að láta dvalarheimilið Hlíð njóta þess.
Rósa Pálmadóttir,
Guðrún Björk Pétursdóttir, Friðrik Gylfi Traustason,
Elísabet Alda Pétursdóttir, Sigurður Björgúlfsson,
G. Viðar Pétursson, Anna Kristinsdóttir,
Pétur Sigurvin Georgsson, Jónína Halldórsdóttir,
Berglind Rós Magnúsdóttir, Ásgrímur Angantýsson,
barnabörn og barnabarnabörn.
✝
DONALD CHARLES BRANDT,
lést á Landspítala Landakoti þriðjudaginn 12. maí.
Útför hans fer fram frá Fossvogskirkju fimmtu-
daginn 28. maí kl. 15.00.
Fyrir hönd barna hans, barnabarna, systur og vina,
Bolli Davíðsson,
Einar Matthíasson.
✝
Ástkær sonur okkar, bróðir og barnabarn,
KRISTJÁN FALUR HLYNSSON,
lést af slysförum miðvikudaginn 20. maí.
Útför hans fer fram frá Keflavíkurkirkju föstudaginn
29. maí kl. 13.00.
Hlynur Steinn Kristjánsson, Helga Sigríður Halldórsdóttir,
Ragnar Hlynsson,
Kristján Sigurðsson, Ingunn Guðbjartsdóttir,
Halldór A. Brynjólfsson, Elísabet Ólafsdóttir.