Morgunblaðið - 15.05.2009, Blaðsíða 38

B
A
-1
5-
05
-2
00
9-
1-
1-
F
E
R
D
-2
5-
ha
rp
a-
C
M
Y
K
Hótel Bláfell er rómantískt
sveitahótel á Breiðdalsvík og
góður kostur fyrir þá sem eru á
ferðalagi um Austfirði og vilja
njóta þess að vera í fögru, þægi-
legu og rólegu umhverfi í faðmi
fjalla. Hótelið hefur verið rekið
síðan árið 1982 og er nú nýbúið
að taka allt hótelið í gegn,
mála, skipta um öll gólfefni og
setja nýjar sturtur í öll herbergi.
Plokkfiskurinn vinsæll
Á hótelinu er að finna 22 her-
bergi, öll með baði, sjónvarpi og
síma og þar er veitingastaður
þar sem alvöru íslenskur heim-
ilismatur er á matseðlinum yfir
sumarmánuðina. „Hingað koma
stundum margar rútur á dag í
hádegismat en hótelið er orðið
frægt fyrir heimilismat eins og
plokkfisk sem erlendir ferða-
menn þrá að fá. Við höfum feng-
ið til okkar jafnt af erlendum og
íslenskum gestum en búumst
við að þeir gætu orðið fleiri í
sumar,“ segir Friðrik Árnason,
eigandi hótelsins.
Margs konar afþreying
Breiðdalsvík er vel staðsett fyr-
ir ferðalanga og þar er hægt að
njóta náttúrunnar á ýmsan
hátt. Í Breiðdalnum er ein
þekktasta veiðiá landsins,
Breiðdalsá, og þar er einnig rek-
in hestaleiga auk þess sem
gönguleiðir og náttúruskoðun
eru vinsælar á svæðinu. Þá
verður jarðfræðisetur á Breið-
dalsvík opnað nú á vormán-
uðum 2009 en setrið er stofnað
til heiðurs breska jarðfræðipró-
fessornum George Leonard Pat-
rick Walker sem starfaði á
Austurlandi á árunum 1954 –
1965 og kortlagði stóran hluta
austfirskra jarðlaga.
Rómantík á
Breiðdalsvík
Notalegt Hótel Bláfell er í nálægð við fallega náttúru.
Hótel Bláfell
www.hotelblafell.is/blafell/
38| ferðasumar 2009 Morgunblaðið
Ætla mætti að leikritið Elvis,
leiðin heim, fjallaði um söngv-
arann góðkunna en svo er þó
ekki, því leikritið fjallar í raun
um hundinn Elvis sem þekkt-
ur er á Egilsstöðum fyrir
óknytti og ævintýramennsku.
Leikfélag Fljótsdalshéraðs
sýnir verkið í sumar.
Ævintýragjarn hundur
„Þetta er barnaleikrit sem ég
samdi en hugmyndin kom upp
fyrir um það bil ári þegar farið
var að tala um að leikfélagið
settti upp eitt slíkt. Þá sagði
ég í bríaríi við hópinn hvort ég
ætti ekki bara að skrifa
barnaleikrit en áður hafði ég
samið útfærslu af Lísu í
Undralandi fyrir mennta-
skólann og fannst skemmti-
leg tilhugsun að skrifa fyrir
börn. Á göngu minni heimleið-
is fór ég hins vegar að hugsa
hvað í ósköpunum ég væri bú-
inn að koma mér út í en hitti
síðan vin minn á leiðinni sem
sagði: „Þetta er ekkert mál,
þú skrifar bara leikrit um Elv-
is, hundinn þinn,“ og það
varð úr. Elvis hefur sloppið út
nokkrum sinnum og lent í alls
konar ævintýrum, þar á meðal
nokkrum sektum þannig að
verkið er um hund sem slepp-
ur að heiman frá sér og hittir
alls konar dýr á ferðum sín-
um,“ segir Sigurður Ingólfs-
son, höfundur og leikstjóri
verksins.
Sýnt í gömlum bragga
Það er tónlist í verkinu og
mörg börn sem leika í því en
eingöngu dýr koma fyrir í leik-
ritinu. Verið er að gera upp
gamla braggann við slátur-
húsið á Egilsstöðum sem sýn-
ingaraðstöðu og nú er unnið
að því að einangra hann, laga
og bæta. Svið er í bragganum
og þar hafa verið haldnir tón-
leikar en Sigurður segir að
stefnt sé að því að húsið geti
orðið leiklistaraðstaða fyrir fé-
lagið svo og leikfélag Mennta-
skólans á Egilsstöðum og
leikfélagið Frú Normu. Vonast
hann til að með góðum
árangri sýningarinnar verði í
framhaldi hægt að útvega
styrki til að vinna frekari end-
urbætur á húsinu.
Óknyttahundurinn Elvis
Morgunblaðið/Steinunn Ásmundsdóttir
Blómstrandi Vonast er til að bragginn geti orðið aðstaða leikfélaganna sem starfa á Egilsstöðum.