Morgunblaðið - 15.05.2009, Blaðsíða 40

B
A
-1
5-
05
-2
00
9-
1-
1-
F
E
R
D
-2
7-
ha
rp
a-
C
M
Y
K
Aðalheiður Borgþórsdóttir
ferða- og menningarmálafulltrúi
er betur þekkt sem LungA-
mamma meðal yngri kynslóð-
arinnar á Seyðisfirði. Hún held-
ur utan um praktískar hliðar
LungA – listahátíðar ungs fólks
sem haldin verður vikuna 13.-
19. júlí.
Ekki passífir áhorfendur
„Hátíðin er nú haldin í tíunda
sinn en söguna má rekja aftur
til ársins 2000 þegar dóttir mín
var 16 ára og skælandi yfir því
að ekkert væri við að vera í
bænum. Hún kom síðan einu
sinni með tvo vini sína í heim-
sókn og þá ákváðum við að búa
til listahátíð sem yrði stíluð inn
á ungt fólk á aldrinum 16-25
ára. Svokallað framkvæmdaráð
hátíðarinnar eru ungmenni sem
hafa meira og minna alist upp
með hátíðinni og þau eru list-
rænir stjórnendur á meðan ég
held utan um fjármálin og aðra
praktíska hluti. Velvilji fólks og
það að hafa góða styrktaraðila
hefur mikið að segja enda er
reynt að halda kostnaði eins
mikið niðri og mögulegt er.
Þetta á sérstaklega við í smiðj-
unum enda er okkur mikið
kappsmál að ungt fólk fái að
kynnast listinni innan frá og sé
ekki bara passífir áhorfendur,“
segir Aðalheiður.
Kvótalaus hljóðútgerð
Ungt fólk alls staðar að úr heim-
inum sækir hátíðina og hafa á
annað hundrað manns verið að
vinna í og við smiðjurnar síðast-
liðin ár. Í ár verða Mugison og
Davíð Þór með smiðjuna Hljóð-
bátinn, kvótalausa hljóðútgerð
eins og þeir kalla hana. Hall-
dóra Geirharðs og Bergur verða
með trúðasmiðju, Hugleikur
með teiknimyndasmiðju og
Henrik Vibskov, þekktur dansk-
ur hönnuður, með gjörninga-
smiðju svo fátt eitt sé nefnt, en
Aðalheiður segir mikinn metn-
að lagðan í að fá gott fólk til að
vinna með krökkunum. Á laug-
ardeginum má síðan segja að
hátíðin breytist í útihátíð þegar
haldin er stór tónlistarveisla og
bærinn fyllist af ungu fólki.
Meðal þeirra sem stíga á pall
eru Jagúar, Mugison, GusGus,
Skakkamanage og B. Sig.
Sköpunargleði Á LungA fær ungt fólk að njóta sín í tónlist og listum en hátíðin er nú haldin í tíunda sinn.
Að kynnast listinni innan frá
LungA – listahátíð ungs fólks
http://lunga.is
Rokkhátíðin Eistnaflug verður haldin í
fimmta sinn nú í sumar á Norðfirði þar
sem rjóminn af íslenskum rokk-
hljómsveitum kemur fram auk erlendra
gestahljómsveita.
Sífellt fleiri hljómsveitir
Frumskipuleggjandi hátíðarinnar er Stef-
án Magnússon, trommuleikari í hljóm-
sveitinni Dys, sem fluttist á Neskaupstað
til að gerast þar leikfimiskennari og þótti
ekki nóg við að vera þar á þessu sviði.
Árið 2005 ákvað hann því að halda tón-
leika og komu þá átta hljómsveitir fram
en síðan hefur hátíðin undið upp á sig,
fleiri hljómsveitir spilað með ári hverju og
sífellt bæst í gestahópinn.
Nafn hátíðarinnar er nokkuð sérstakt
og minnir á nafn annarrar hátíðar sem
haldin er á sama stað í lok júlí. „Nafnið
lá svo vel við staðsetningunni og er gott
dæmi um húmorinn í Stebba. Við erum
ekkert að setja út á hitt nafnið heldur er
þetta frekar bara hnyttni. Margar hljóm-
sveitir sækjast eftir að spila á hátíðinni
en við veljum úr og reynum að hafa alla
flóruna með, bæði þungt og létt rokk
þannig að allir geti fundið eitthvað við
sitt hæfi,“ segir Hafsteinn Árnason sem
skipuleggur hátíðina ásamt Stefáni
Magnússyni
Íslenskt, sænskt og þýskt
Þekktasta hljómsveitin í ár verður Ham
en meðal annarra íslenskra sveita má
nefna Sólstafi, Mínus, Brain Police,
Mammút og harðkjarnahljómsveitina
Klink sem var mjög vinsæl fyrir nokkrum
árum og einnig mun Andlát heiðra gesti
hátíðarinnar með nærveru sinni. Þær er-
lendu hljómsveitir sem spila í ár verða
sænska hljómsveitina Tyrant og þýska
hljómsveitin Actress. Hátíðin verður hald-
in dagana 9.-12. júlí og hægt er að
kaupa miða á www. midi.is
Ham spilar á Eistnaflugi
Stemning Á Eistnaflugi stíga öll helstu
rokkbönd landsins á stokk.
Eistnaflug
http://eistnaflug.is/
40| ferðasumar 2009 Morgunblaðið