Skólablaðið - 01.04.1944, Qupperneq 19

að byrjað verði á henni strax og frost er úr
jörð.
Af öðrum nauðsynlegum framkvæmdum,
sem hafnar verða, þegar aðstæður leyfa, má
nefna bílfæra brú yfir ána, veg heim að sel-
inu og íþróttasvæði. Er sem stendur tilfinn-
anlegur skortur á slíku svæði. Þegar menn
dvelja langdvölum í selinu, er vart um aðra
skemmtun að ræða utan húss en ganga á
fjöll, og finnst mörgum harla fábreytt að
stunda hana dag eftir dag.
Einnig er ætlunin að gróðursetja tré við
húsið og lagfæra gilið og græða.
Allt kostar þetta geysilega vinnu. Hana
verða nemendur að leggja fram sjálfir. Það
er ekki nóg, að 5. bekkur vinni í viku á hverju
vori, því að mikill hluti þess tíma hlýtur að
fara til viðhalds á selinu, og þeim mun meiri,
sem mannvirkin verða þar fleiri. Með slíku
skipulagi tekur það tugi ára, sem gera þarf
í náinni framtíð. Nemendur verða sjálfir að
ganga hér á undan, því að þeir geta ekki
búizt við, að skólayfirvöldin taki upp for-
ystuna, ef þeim rennur ekki blóðið til skyld-
unnar.
Not selsins hafa ekki enn orðið sem skyldi.
Ætlunin var, að 3. bekkur dveldist þar að
haustinu, en 5. bekkur allt að mánuði á
vorin og væri þá unnið að sjálfstæðum rann-
sóknum og öðru verklegu námi. Af þessu hef-
ur ekki getað orðið og verður sennilega ekki,
meðan á styrjöldinni stendur. Einnig væri
æskilegt, að selið stæði opið nemendum ein-
hvern hluta sumarsins.
En til þess að sem bezt not verði að selinu,
verðum við nemendur að bindast samtök-
um um að bæta það og fegra og skila því
fullkomnara til eftirkomenda okkar en það
nú er. Við höfum fengið selið sem arf frá
fyrirrennurum okkar. Það er okkar eign, og
með því að sýna þessari dýrmætu eign hirðu-
leysi, bregðumst við skyldunni, sem á okkur
hvílir. Látum það aldrei á okkur sann-
ast.
Skólablaðið
17