Morgunblaðið - 11.12.2009, Blaðsíða 40

40 MenningFÓLK
MORGUNBLAÐIÐ FÖSTUDAGUR 11. DESEMBER 2009
 Í tengslum við loftslags-
ráðstefnu Sameinuðu þjóðanna í
Kaupmannahöfn sem hófst 7. des-
ember, var efnt til fatahönnunn-
arkeppni meðal fremstu fatahönn-
uða á Norður-löndum. Keppnin
sem fór fram í gær, var haldin í
Óperuhúsinu í Kaupmannahöfn.
María krónprinsessa veitti
verðlaunin en þau hlaut finnski
fatahönnuðurinn Saara Lepo-
korpi, 50 þúsund danskar krónur.
Fjórir íslenskir hönnuðir eða fata-
merki tóku þátt: Eygló, Mundi
Design, Rey og Ostwald Helga-
son.
Tilgangur keppninnar var að
vekja athygli á því hvernig hægt
væri að gera tískuiðnaðinn og
fatahönnun sjálfbæra, sýna græna
hönnun, svo að segja. Sem dæmi
um slíka hönnun voru sýnd föt
hönnuð úr endurnýttu plasti.
María krónprinsessa sagði við
þetta tækifæri að hönnunargeir-
inn væri fullur af skapandi fólki
sem endurspeglaði tíðarandann
með hönnun sinni.
Íslenskir hönnuðir
í Kaupmannahöfn
Fólk
JÓLALAGAKEPPNI Rásar 2 er haldin sjöunda
sinni í ár. Dómnefnd hefur valið tíu lög úr tæp-
lega 80 sem send voru inn og gefst hlustendum
nú tækifæri á því að velja besta lagið á heima-
síðu útvarpsþáttarins Popplands: ruv.is/
poppland. Að vanda eru jólalögin af öllum toga,
krúttleg jafnt sem hátíðleg og flytjendur á ýms-
um aldri. Sá þekktasti er eflaust Björgvin Hall-
dórsson en sá yngsti er aðeins fjögurra ára, Hró-
ar Hrólfsson, en var að vísu þriggja ára þegar
hann söng lagið „Jólablúsinn kreppukjaftæði“
fyrir föður sinn, Hrólf Hreiðarsson.
Hrólfur segir vinnslu lagsins hafa verið nokk-
uð flókna, mikil klippivinna liggi að baki og eðli-
lega hafi höfundur lagsins þurft að leiðbeina
söngvaranum þónokkuð. „Við tókum þetta upp
fyrir um ári, hann var þá nýorðinn þriggja ára,“
segir Hrólfur. Hvað textann varðar segir Hrólf-
ur boðskapinn þann að hvíla börnin á krepputal-
inu. En kunni stráksi eitthvað að blúsa? „Nei,
hann söng bara svona með, hann hefur mjög
gaman af músík og það er mikill taktur í hon-
um,“ svarar stoltur faðirinn sem leikur á gítar í
jólablúsnum.
Ólafur Páll Gunnarsson, einn stjórnenda
Popplands, segir fagmennsku áberandi í jóla-
lagakeppninni i ár. Þekktir tónlistarmenn taki
þátt og gæði laganna það mikil að þau geti hæg-
lega átt sér framhaldslíf, t.d. á plötu.
Lögin tíu munu hljóma á Rás 2 til 16. desem-
ber en þann dag verður tilkynnt um sigurveg-
ara. helgisnaer@mbl.is
Söng jólablús um kreppuna þriggja ára
Hróar
Yngsti
blússöngvari
Íslands?
 H-in tvö, Hjálmar & Hjaltalín,
munu koma fram á tónleikum á
NADA laugardagskvöldið 19. des-
ember. Þá segir í tilkynningu að
sértakir gestir eigi eftir að bætast
við og tilkynnt verði síðar hverjir
þeir eru. Tónleikarnir, sem kallaðir
eru stórtónleikar, eru haldnir undir
merkjum Jólagrautsins en Jóla-
grauturinn er árleg tónlistarveisla
sem haldin hefur verið um hátíð-
arnar frá árinu 2005. Hljómsveit-
irnar Hjaltalín og Hjálmar eiga
báðar plötur í jólaplötuflóðinu, þ.e.
Terminal og IV. Miðasala hefst í
dag kl. 10 og fer fram í verslunum
Skífunnar og á Midi.is.
Hjaltalín og Hjálmar
saman á NASA
Eftir Helga Snæ Sigurðsson
helgisnaer@mbl.is
ÞAÐ er ótrúlegt en þó satt að söng-
konan Anna Mjöll Ólafsdóttir hefur
aldrei gefið út sólóplötu, þ.e.a.s. ekki
fyrr en nú. Platan heitir Shadow of
your Smile og geymir þekktar ball-
öður eftir meistara á borð við Cole
Porter, Carlos Jobim og Burt Bach-
arach en einnig lag eftir föður Önnu
Mjallar, Ólaf Gauk, sem er pródú-
sent plötunnar og Tónaljón Records
gefur hana út. Anna Mjöll býr og
starfar í Los Angeles og blaðamaður
sló á þráðinn til Önnu Mjallar í L.A.
– Hvernig stendur á því að þú hef-
ur ekki gefið út sólóplötu áður?
„Ég bara veit það ekki, þetta hef-
ur bara þróast svona. Það hefur allt-
af eitthvað annað komið í staðinn,
maður hefur alltaf ætlað að gefa út
plötu en svo hefur vegurinn legið
þvers og kruss,“ svarar Anna Mjöll.
Brasilískt, já takk
„Ég hef bara verið að skrifa mús-
ík, semja fyrir hina og þessa og taka
upp auglýsingalög hér og þar sem
hefur nú reyndar minnkað,“ segir
Anna Mjöll, spurð að því hvað hún
hafi verið að gera hin seinustu ár.
Hún segist hafa haft í nógu að snú-
ast í tónlistinni. „En loksins er plat-
an komin,“ bætir hún við hlæjandi.
Anna Mjöll söng inn á plötuna á
Íslandi í október sl. en allur annar
tónlistarflutningur var tekinn upp í
L.A. Hún segist alltaf hafa verið
mjög hrifin af tónlist Antonio Carlos
Jobim hins brasilíska og Brasilíu al-
mennt. Að ekki sé minnst á meist-
arann Burt Bacharach.
„Ég er einmitt að senda Burt kóp-
íu af þessu. Voða góður gæi,“ segir
Anna Mjöll og hlær.
– Þú lofar því að láta menning-
ardeild Morgunblaðsins vita þegar
þú ferð að vinna með honum?
„Jú, þá hringi ég í þig og læt þig
vita.“ Þá er það komið á prent.
Með vellíðan að leiðarljósi
– Er þetta ekki plata til að hlusta
á við kertalog með rautt í glasi?
„Ja, ég vona það, Jesús. Ef það er
hægt að hafa það huggulegt og láta
þetta á fóninn ... á fóninn! Ég sagði á
fóninn (hlær) ... hvað er langt síðan
það var? En það væri bara æðislegt.
Eins lengi og platan lætur fólki líða
vel, þá er ég ánægð. Þetta snýst allt
um það, sérstaklega í þessu ástandi
sem er núna.“
Það eru engir aukvisar sem spila á
plötu Önnu Mjallar, allt góðir vinir
og kunningjar hennar. Trommarinn
Vinnie Colaiuta hefur leikið með
Frank Zappa og Sting m.a. og annar
trommari, John Jr. Robinson, hefur
leikið með Madonnu og fleirum
frægum. Þannig mætti áfram telja.
„Þetta er í raun ofsalega lítill
hringur hérna, voðalega lítið músík-
samfélag í rauninni, bara nokkrir
sem maður hringir í,“ segir Anna
Mjöll hógvær. Hún sé bara heppin
að eiga góða vini í bransanum.
Anna Mjöll heldur útgáfutónleika
hér á landi, á Sólon 20. desember kl.
21, með föður sínum Ólafi Gauki.
Burt er „voða góður gæi“
 Anna Mjöll Ólafsdóttir gefur út sólóplötuna Shadow of your Smile
 Ólafur Gaukur faðir hennar gefur plötuna út  Burt Bacharach fékk eintak
Ljósmynd/ess
Anna Mjöll Vonar að platan auki vellíðan þeirra sem á hana hlusta.
Anna Mjöll hóf tónlistarnám í
Grove School of Music í L.A. ár-
ið 1992 og hélt þaðan í hljóm-
borðsnám í Musicians Institute
í Hollywood en endaði með því
að syngja þar á öllum skemmt-
unum. Æ síðan hefur hún verið
á flakki milli L.A. og Íslands,
samið tónlist, sungið í auglýs-
ingum og inn á plötur. Djass-
söngur er þó hin sanna ástríða
og hún hefur m.a. sungið á
djassklúbbinum Baked Potato í
L.A. Önnu Mjöll má finna á Face-
book og óska eftir vinskap.
Djass í uppáhaldi
Getur þú lýst þér í fimm orðum? Dökkhærð,
stríðin, jákvæð, fljótfær, ótrúlega hávaxin.
Hvar verður þú á aðfangadagskvöld? (spyr
seinasti aðalsmaður, Berglind Häsler) Heima
hjá mér í faðmi fjölskyldunnar.
Hvaða persónu myndir þú vilja
hitta í mannkynssögunni? Ég
gæti sagt eitthvað voðalega vit-
urlegt eins og Ghandi eða móður
Theresu en ég hugsa að ég hefði mest
að segja við Mörthu Stewart. Gæti nú líka
lært eitthvað af henni í leiðinni, þó ekki
neitt í fjármálum.
Ertu jólabarn? Eh... já!
Hvert er draumastarfið? Nákvæmlega það
sem ég er að gera í dag. Ég er mjög þakklát
fyrir það.
Er allt að fara til fjandans? Nei, langt frá því.
Undir hvaða kringumstæðum myndir þú
koma nakin fram? Jahh... það þyrfti eitthvað
mjög mikið til. Get ekki ímyndað mér þær að-
stæður.
Hvað færðu ekki staðist? Úff, það er svo
margt. Ætli það sé ekki helst eitthvað sem
tengist mat og þá sætindum. Alveg vonlaus í
því að halda mig frá því.
Býrðu yfir leyndum hæfileika?
Nei, veistu, þeir eru allir á yfirborðinu.
Ef þú ættir að taka þér grípandi listamanns-
nafn, eins og t.d. Lady Gaga, hvert væri það?
Little miss sunshine.
Hvað tekurðu í bekkpressu?
Hmm, 30 kg held ég. Er nú enginn massi, er
betri í armbeygjum.
Hvers viltu spyrja næsta viðmælanda?
Ætlarðu að fylgjast með Wipeout?
Ég er ein af þeim sem hafa endalausa trú á
mannkyninu og held alltaf að það besta sé
rétt fyrir handan hornið.
Uppáhaldssjónvarpsmaður? Sindri Sindra-
son, óskaplega fríður og skemmtilegur mað-
ur.
Er gaman að gera grín að óförum annarra?
Stundum.
Gillzenegger eða Fjölnir Þorgeirsson? Mér
finnst þeir báðir yndislegir. Gillz er alveg
hrikalega fyndinn en Fjölnir er það nú líka.
En ég er búin að þekkja Fjölni frá því að ég
var barn þannig að hann verður fyrir valinu.
Verðurðu aldrei leið á því að elda? Nei, en ég
get alveg orðið löt. Þá er bara að panta pitsu.
Hvað óttast þú? Eins og allir foreldrar, býst
ég við, þá óttast ég um börnin mín.
Hvernig þýðir þú Wipeout? Buslugangur.
AÐALSMAÐUR VIKUNNAR, FRIÐRIKA HJÖRDÍS GEIRSDÓTTIR, ER SPYRILL Í SJÓNVARPSÞÆTTINUM WIPEOUT ÍSLAND SEM
FRUMSÝNDUR VERÐUR Í KVÖLD Á STÖÐ 2. ÞÁ HEFUR HÚN EINNIG GALDRAÐ FRAM LÉTTA RÉTTI Í ÍSLANDI Í DAG.
LITTLE MISS SUNSHINE
Rikka Í gríðarlegu
stuði við tökur á
þáttunum Wipeout
í Argentínu sl.
haust.