SunnudagsMogginn - 28.02.2010, Page 43

28. febrúar 2010 43
Í
beinu framhaldi af síðasta pistli um munalosta er vert
að gefa gaum að líkamshlutum og hinum ýmsu svæðum
skrokksins.
Þykir sitt hvurjum um hvað sé æsandi í þeim efnum.
Vart þarf að nefna að rass og brjóst eru þeir líkamshlutar á
konum sem augu margra karla (og kvenna) dragast að og
vekja jafnan löngun.
Þrýstnir þjóhnappar karldýrsins, stoltur kassi og öflugir
kjálkar eru útlitsleg einkenni sem margar konur (og karlar)
heillast af.
En mörg eru þau svæði önnur eða líkamshlutar sem upp-
tendra fólk.
Eina þekki ég konu sem veit ekkert meira kynæsandi en
fagurt höfuðlag karla. Vart getur hún hamið hendur sínar og
varir sem vilja ólmar snerta þegar á vegi hennar verður vel
sköpuð höfuðkúpa sem tilheyrir karlmannslíkama.
Þessari sömu konu finnst aftur á móti ekkert eggjandi við
líkamsparta þá sem standa út úr hinum enda líkamans, allt
svo tærnar. En hún lenti í þeim ósköpum eitt sinn að deila
bóli með karli sem var svo gjörsamlega heillaður af tánum á
henni að henni fannst nóg um. Hún þurfti að hvetja hann til
að færa sig ofar í munngælunum, hann saug sig nánast fastan
á tærnar á henni.
Tásog þessa manns og tungugælur gerðu barasta ekkert
fyrir hana. Svona getur það verið bagalegt þegar fólk deilir
ekki áhuga á sömu líkamspörtum. En það eru ekki bara
tærnar þarna niðri við jörð sem kveikja bál. Ökklar, rist og
leggir kvenna hafa mikið sjónrænt aðdráttarafl.
Ef við færum okkur aftur upp eftir líkamanum þá hefur
hálsinn löngum heillað. Sígilt atriði í kynlífssenum kvik-
mynda er höfuð konu sem sveigist aftur af mikilli nautn svo
æðarnar í hálsinum koma fram, svona líka stútfullar af æstu
blóði vegna fimi bólfélagans.
Myndarleg barkakýli karla vekja girnd hjá sumum konum.
Þokkafullar konuaxlir laða líka og lokka. Hversu oft hafa
ekki konur látið hlýra falla af öxl til að gefa til kynna að þær
séu tilkippilegar?
Og miðja líkamans hefur upp á svo margt annað að bjóða
en kynfæri og rass. Straumlínulögun konumjaðma og mittis
virðist hleypa rafstraumi á einhverjar stöðvar í heila karla.
Á þessar stöðvar er gjarnan spilað í kynningum Bond-
kvikmynda, en þar fljóta ævinlega ávalar útlínur föngulegra
kvenna eins og vatn yfir tjaldið.
Lendar karlpeningsins æra ekki síður óstöðugan.
Hvaða kona stenst sterklegan vöðva framan við mjaðma-
bein eða svæðið milli nafla og lífbeins?
Svo ekki sé minnst á ferskan handarkrika.
Sumum konum finnst fátt meira æsandi en bak karlmanns,
aðrar eru veikar fyrir hnakkasvipnum og svo eru það þær
sem titra að innan við að sjá bera lærvöðva (þekkt er að þetta
eykur áhorf kvenna á karlafótbolta).
Margt fljóðið hefur fallið kylliflatt fyrir lögulegum hand-
leggjum og sama er að segja um stórar hendur.
Loðin og sterkleg handarbök sem gefa fyrirheit um það
sem tekur við undir peysu- eða skyrtuermi, geta brætt hörð-
ustu konur sem smér.
Ekki má gleyma kónganefunum.
Kona ein játaði fyrir mér um daginn að það fyrsta sem hún
tæki eftir við karlmann væri nefið. Stórt og sterklegt nef
vekti víbring hjá henni. Sumir vilja meina að nefstærð karls
segi til um hversu vel hann er vaxinn niður.
Enn eru óupptalin mörg svæði líkamans sem fólk er veikt
fyrir. Má þar þó nefna hné og hnésbót, úlnlið og lófa.
Og svo er það óstin, litla holan eða kverkin þar sem við-
beinin mætast. Eftirminnilegar eru myndatökur úr kvik-
myndinni The English Patient, þar sem uppáhaldssvæði
elskhugans á ástkonunni var einmitt óstin, hvar undir bærð-
ist ólgandi þrá forboðinnar ástar.
Eggjandi
líkamshlutar
Stigið í
vænginn
Kristín Heiða
khk@mbl.is
Gatan mín
G
rafarvogur er gróið hverfi og
eftirsótt. Foldirnar liggja niður
að voginum sem byggðin er
kennd við og þar er Reykjafold
ein gatnanna. Húsin við götuna eru um
það bil þrjátíu. Árni Elvar Eyjólfsson, einn
íbúanna, kveðst þó þekkja fæsta ná-
granna sinna. Hann rómar hins vegar alla
þjónustu í hverfinu, skóla, íþróttaaðstöðu
og gönguleiðirnar sem liggja til allra átta.
„Grafarvogur minnir mig stundum á
lítið þorp úti á landi. Þetta er þægilegt
hverfi og hér er til staðar öll sú daglega
þjónusta sem fólk þarfnast. Hér er mikill
samgangur milli barna, sumir krakkar
hér í nágrenninu eru heimagangar hjá
okkur. Það finnst mér skemmtilegt og er
ekki ólíkt því sem ég vandist þar sem ég
ólst upp vestur í Grundarfirði,“ segir Árni
Elvar Eyjólfsson fisksali.
Byggðin í Grafarvogi myndaðist í
kringum 1990 og er nú orðin vel gróin og eftirsótt
til búsetu. Á tímabili fór orð af skáldanýlendu í
hverfinu enda þótt segja megi að íbúar þessa borg-
arhluta skeri sig í engu úr hvað varðar fjölbreyti-
leika og fagurt mannlíf.
„Við fjölskyldan fluttumst í bæinn vestan úr
Grundarfirði árið 2004,“ segir Árni Elvar. „Fyrst
vorum við í Breiðholti og svo í nokkra mánuði í
Grindavík. Vildum vera í sjávarþorpi. Hins vegar
kom þá til að öll mín vinna var hér inni í Reykjavík,
þangað sem ég fór snemma morguns og kom aftur
til baka undir kvöld til að sofa af mér nóttina. Leið
okkar lá því aftur inn í Reykjavík og þegar við fór-
um að leita féllum við strax fyrir þessu fallega húsi
hér við Reykjafold. Skoðuðum bara þetta eina hús
áður en við afréðum kaup.“
Árni Elvar og Líney Rakel Jónsdóttir, eiginkona
hans, eiga fimm börn á aldrinum þriggja til fimm-
tán ára. „Við þurftum nokkuð stórt hús fyrir þenn-
an stóra hóp okkar. Með hagsmuni krakkanna í
huga er afskaplega fínt að vera hérna. Hér eru fínir
skólar og íþróttaaðstaðan með besta móti; örstutt á
Fjölnisvöllinn og í Grafarvogslaugina. Þetta gæti
varla verið betra. Annar kostur við þetta hverfi er
svo þessar fínu gönguleiðir hér í nágrenninu. Á
góðum degi er gaman að ganga hér í fjörunni út
með Grafarvoginum og fram í Hamrahverfi og til
baka um Fjallkonuveginn. Annar skemmtilegur
hringur er að arka hringinn í kringum kirkjugarð-
inn, sem kannski endurspeglar líf okkar í raun. Við
göngum umhverfis kirkjugarða allt okkar líf og
eignumst þar síðan okkar hinsta leg. Annars má
taka þessar gönguferðir hér í hverfinu í ýmsum
fleiri útgáfum. Hér liggja skemmtilegar og fallegar
leiðir nánast til allra átta, þó að maður kannski nýti
sér þessi lífsgæði ekki sem vera skyldi.“
Það er ef til vill einkennandi fyrir fjölmenni borg-
arsamfélagsins að kynni fólks eru oft lítil og sam-
gangur takmarkaður. „Konan mín hefur náð góðu
sambandi við fólkið hér í Grafarvogi, meðal annars í
sambandi við skólagöngu krakkanna. Hin fé-
lagslegu tengsl myndast gjarnan í sambandi við
krakkana, það er segin saga. Hér í Reykjafold eru
líklega í kringum þrjátíu hús en ég þekki enga íbú-
anna hér, utan fólkið sem býr hér beint á móti okk-
ur sem helgast einfaldlega af því að þau eru vestan
af Snæfellsnesi eins og ég. Nesið er alltaf nálægt í
mínu lífi.“
sbs@mbl.is
Morgunblaðið /
Fisksali í Foldum
1
2
4
3
Reykjafold
Fjallkonuvegur
Gu
llin
br
ú
Gu
llin
br
ú
Hallsvegur
Fannafold
La
ng
iri
m
i
Gagnvegur
Logafold
1. Góð íþróttaaðstaða skammt frá, svo sem sund-
laugin og Fjölnisvöllur. Fínir skólar fyrir krakk-
ana okkar sem eru fimm talsins.
2. Ágætar gönguleiðir, til dæmis út með voginum
og fram í Hamrahverfið og umhverfis Gufu-
neskirkjugarðinn. Líf okkar hverfist kannski um
kirkjugarða þar sem við eignumst svo okkar
hinsta leg.
3.Stutt til allra átta, til dæmis að sækja vinnu suð-
ur í Hafnarfjörð og niður í Kolaport þar sem ég er
á fiskisöluvaktinni allar helgar.
4. Reykjafoldin er góð gata. Mikill samgangur
milli krakkanna sem ég kann vel að meta. Þetta
minnir mig stundum á tilveruna vestur í Grund-
arfirði þar sem ég ólst upp.
Góðir staðir Árna
Elvars í Grafarvogi