SunnudagsMogginn - 18.04.2010, Qupperneq 40

40 18. apríl 2010
A
ustur-Steikhús var opnað um
síðustu helgi og þar kennir
ýmissa grasa. Sem dæmi um
rétti af seðli má nefna létt-
reykt nautatartar með einiberjum,
þurrkuðum kapers, sölum, wasabi-
kremi, pikkluðum engifer, sinnepskarsa
og mjólkurmaltís. Eða hvernig líst
mönnum á ribeye-steik með kónga-
sveppamauki, pikkluðum shitake-
sveppum, rauðvínssírópi, kónga-
sveppaolíu, blóðbergskartöflum og
beikongljáa?
„Í grunninn er þetta steikhús en við
tökum þetta svolítið aðrar leiðir en
gengur og gerist. Steikurnar eru kolag-
rillaðar en við förum aðrar leiðir en
flestir í meðlætinu, við erum ekki með
þetta hefðbundna steikarmeðlæti, bak-
aða kartöflu og salat. Við leitum til
Frakklands en ekki síður til Japans og
reynum að vera svolítið skapandi. Það
má segja að þetta sé fusion-matreiðsla
en með léttu ívafi og við reynum að
koma skemmtilega á óvart. Hugsunin er
sú að menn geti komið inn í tveggja,
þriggja eða fimm rétta seðil en ef ein-
hver í hópnum vill fá sér fimm rétta
grænmetisseðil sé það ekki vandamál,“
segir Stefán Magnússon, eigandi Austur-
Steikhúss.
Ekki alls ókunnugur steikum
Sjálfur er Stefán ekki alls ókunnugur
steikum. Hann lærði á Argentínu og varð
yfirkokkur þar 23 ára. Eftir átta ára starf
á Argentínu keypti hann sig inn í rekst-
ur Vegamóta og starfaði þar í tvö ár.
Morgunblaðið/Golli
Fransk-japansk-
ur bræðingur á
Austur-Steikhúsi
Miklar breytingar hafa orðið á Austur við Aust-
urstræti. Staðurinn heitir nú Austur-Steikhús og
er grillað kjöt, eins og nafnið gefur óneitanlega
til kynna, fyrirferðarmikið á matseðlinum.
Steingrímur Sigurgeirsson
Veitingastaðurinn Austur-Steikhús er við Austurstræti í Reykjavík.
Morgunblaðið/Golli
Kári Þorsteinsson yfirkokkur og Stefán Magnússon eigandi í eldhúsinu.
Piparsteik hússins.
Humar sumar.
Matur