SunnudagsMogginn - 06.06.2010, Blaðsíða 12

12 6. júní 2010
M
á fólk búast við miklum
breytingum með komu
þinni í bankann?
„Það má alltaf vænta ein-
hverra breytinga þegar nýr maður kemur
í brúna. Til að byrja með þarf ég að átta
mig betur á innviðunum og fólkinu í
bankanum, ákveða hver forgangsatriðin
eru og hvar eru tilefni til breytinga.“
– Mun starfsfólki fækka í uppsögnum?
„Ég hef ekki mótað mér afstöðu til þess
en það er ljóst að bankinn þarf að sníða
sér stakk eftir vexti. Þetta er miklu minni
banki en hann var og þegar er búið að
stilla hann af að vissu marki. Við munum
halda áfram þeirri vinnu, og til að mynda
hefur verið hagrætt í útibúaneti bankans
og er það nú það hagkvæmasta hér á
landi.
Aðalmálið í bankaviðskiptum er traust
og við þurfum að byggja það upp. Það
gerum við ekki með því að auglýsa heldur
verðum við að ávinna okkur traustið. Það
gerum við með því að sýna með skýrum
hætti að við gerum hlutina öðruvísi en
áður. Við þurfum líka að styrkja ákveðna
hluti í innviðum bankans og það hefur
verið unnið talsvert í því en við þurfum
að gera betur. Síðan þarf að vinna vel í
takt við aðra aðila í fjármálakerfinu, s.s.
eftirlitsaðila og önnur fjármálafyrirtæki,
svo menn vinni saman að því að byggja
þetta traust upp. Það er hins vegar ekki
skammtímaverkefni.“
– Eitt sem snýr að traustinu er eignar-
hald bankans, veist þú hverjir eiga hann?
„Eignarhaldið er tiltölulega skýrt. Rík-
ið á 13% og eignahaldsfélagið Kaupskil á
87%. Bak við Kaupskil eru kröfuhafar
gamla Kaupþings, sem eru margir; er-
lendir bankar og sjóðir en einnig inn-
lendir aðilar eins og lífeyrissjóðir og
Seðlabankinn. Þetta er breiður hópur sem
er ekki fastur heldur alltaf að breytast. Ný
stjórn bankans tók til starfa 18. mars og
og hún réð mig til starfa mánuði síðar. Ég
kom svo til starfa núna 1. júní þannig að
þetta er allt að taka á sig ákveðna mynd.“
– Nú starfar stjórnarformaðurinn í út-
löndum. Er ekki óþægilegt að hann sé
fjarri? Heldurðu að þú munir hafa nægan
stuðning við stórar og erfiðar ákvarðanir?
„Stjórnarmennirnir eru sex, þrír er-
lendir og þrír innlendir. Þetta er allt mjög
reynt fólk í rekstri fyrirtækja og fjár-
málastofnana og það verður gríðarlegur
styrkur í að hafa útlendingana með okk-
ur. Formaðurinn heitir Monica Caneman
og er sænsk en hún er í stjórnum nokk-
urra fyrirtækja, aðallega í Skandinavíu.
Þetta er mjög öflug manneskja sem hefur
mikla bankareynslu og af stjórnarfor-
mennsku í stórum fyrirtækjum og ég held
að við eigum frekar eftir að njóta þess
heldur en hitt. Kannski verða vinnu-
brögðin öðruvísi en við erum vön en við
munum finna okkar takt enda er þetta
mjög algengt í samsetningu stjórna í fyr-
irtækjum.“
Frestun á skráningu Haga
– Það hefur gustað um ýmsar ákvarðanir í
Arion banka undanfarið þar sem hæst ber
ráðstöfun Haga og Samskipa. Það stóð til
að skrá Haga í Kauphöllina í þessum
mánuði. Stendur sú ákvörðun?
„Nei, Hagar verða ekki skráðir í Kaup-
höllina núna í júní heldur þegar líða tekur
Morgunblaðið/Eggert
Áfram
undir
smásjánni
Það hefur gustað um Arion banka undanfarin
misseri, m.a. vegna sölu Haga, endurskipulagn-
ingar Samskipa, hugmynda um bónuskerfi og
stöðu starfsmanna sem áður unnu hjá Kaup-
þingi. Höskuldur H. Ólafsson tók við banka-
stjórastólnum í vikunni.
Viðtal
Bergþóra Njála
Guðmundsdóttir
ben@mbl.is
„Aðalmálið í bankaviðskiptum er traust og við þurf-
um að byggja það upp. Það gerum við ekki með því
að auglýsa heldur verðum við að ávinna okkur traust-
ið,“ segir Höskuldur H. Ólafsson, nýr bankastjóri Ar-
ion banka.