SunnudagsMogginn - 06.06.2010, Blaðsíða 23

6. júní 2010 23
arstjórnar. Þá teljum við hann einnig bet-
ur til þess fallinn að vera málsvari
starfsfólks bæjarins gagnvart bæjarstjórn-
inni.“
Hann kveðst telja betra að bæjarstjór-
inn hafi ekki flokkshagsmuna að gæta í
ýmsum tilfellum, t.a.m. í samskiptum við
ríkisvaldið þar sem hagsmunir bæjarins
eigi alltaf að vera í fyrsta sæti.
Stúdera pólitíkusa
Geir Kristinn hefur lengi haft mikinn
áhuga á pólitík, ekki síst stjórn-
málamönnunum sjálfum. „Ég hef stúd-
erað persónur þeirra mikið og vel oft þá
sem ég treysti best, bæði í bæjarmálum og
landsmálum.“
Þegar spurt er hverjum hann treysti
best er Geir fljótur til svars:
„Fólki sem eyðir ekki tíma sínum í að
tala illa um aðra stjórnmálamenn heldur
hvað það ætlar að gera sjálft, helst á
mannamáli, en er ekki í frasapólitík.
Heiðarleikinn skín af sumum.“
Hann segist bera mikla virðingu „fyrir
öllum sem eru raunverulegir leiðtogar þó
að ég sé ekki endilega sammála þeim öll-
um í pólitík; ég get nefnt Steingrím J. Sig-
fússon, Davíð Oddsson og Albert Guð-
mundsson. Svo bar ég alltaf virðingu – og
geri enn – fyrir Hjálmari Árnasyni fram-
sóknarmanni. Mér hefur alltaf þótt hann
réttsýnn og heiðarlegur.“
Geir segist alltaf hafa verið hrifinn af
áskorunum. Ein slík var að fara 22 ára að
Húnavöllum og kenna í eitt ár, önnur að
læra á tungumáli innfæddra í Árósum,
eini útlendingurinn í hópi Dana, þótt
boðið væri upp á kennslu í ensku, og nú
tekst hann við enn eina áskorunina.
Sjálfstæðismenn leituðu fyrst til hans
síðastliðið haust en hann segir að í raun
hafi einungis framboð eins og L-listinn
komið til greina. „Mig langaði ekki að
ganga inn í fyrirfram mótaða stefnu því ég
vildi geta haft mikil áhrif á gang mála. Það
réð úrslitum. Seinna var mér svo boðið að
verða oddviti en það var ekki í huga mér í
fyrstu.“
Hlakka gríðarlega til
Spurður hverju hann vilji helst breyta í
bænum svarar Geir því til að ekki þurfi
mörgu að umbylta en ýmislegt þurfi að fá
að þróast. „Mér fannst tillögurnar um
miðbæinn til dæmis að mörgu leyti góðar
en þó svolítið byltingarkenndar. Við
verðum að leggja fé í að byggja miðbæinn
upp en hann ætti að fá að þróast eðlilega.
Mér leist aldrei vel á hugmyndina um sík-
ið og margar stórar byggingar hugnast
mér ekki heldur. Ég vil hafa gömlu bæj-
armyndina meira í heiðri. En við tökum
ekki þessar hugmyndir og hendum í rusl-
ið; það verður haldið áfram að vinna að
uppbyggingu miðbæjarins en önnur mál
eru brýnni í augnablikinu; við munum
byrja á atvinnumálum og velferðarmálum
og förum í annað þegar tími gefst til, en
það verður þó fljótlega.“
Hann lítur spenntur fram á veginn. „Ég
hélt ég myndi kannski fá stóran kvíða-
hnút í magann eftir kosningarnar vegna
þess hve mörg stór verkefni væru fram-
undan en ég vakna með bros á vör á
hverjum degi og hlakka gríðarlega til
næstu daga, vikna og ára! Við höfum átt
góða fundi með fulltrúum minni-
hlutaflokkanna, embættismönnum bæj-
arins og öðrum starfsmönnum og það er
mikill hugur í öllum að vinna saman. Ég
get varla beðið eftir að halda áfram.“
Geir segir eflaust einhverja bæjarbúa
fúla vegna kosningaúrslitanna. „Annað
væri óeðlilegt og margir hafa eflaust enga
trú á að þetta gangi, en í raun er bara
gaman fyrir okkur að þurfa að afsanna
það fyrir því fólki. Það heldur okkur á
tánum. Ef allir væru ánægðir með okkur
yrðum við fljót að detta niður á hælana.
Ég set mér reglulega markmið og það nýj-
asta er að L-listinn verði jafn vinsæll eftir
fjögur ár og hann er í dag.“
Auka þarf tekjur bæjarins
Hann segir samvinnu hafa verið góða í
bæjarstjórn og síðasta fjárhagsáætlun hafi
til dæmis verið unnin af meirihluta og
minnihluta í sameiningu. „Allir unnu sem
einn maður og niðurstaðan var frábær.
Þau vinnubrögð voru til fyrirmyndar og
vonandi verður framhald á því,“ segir
Geir.
Hann bendir á að mikið hafa verið
skorið niður, til dæmis í skólamálum sem
eru stærsti útgjaldaliður bæjarins, og
varla sé hægt að spara meira „heldur
þurfum við að einbeita okkur að því að
auka tekjurnar. Að mínu mati er mesta
þörfin á því að efla atvinnulífið því pen-
ingar sem settir eru þangað skila sér til
baka og þá getum við farið að takast á við
velferðarmálin.“
Geir telur að einblína þurfi á að aðstoða
þá sem minna mega sín. „Niðurskurður
bitnar oft á fjölskyldufólki, eldri borg-
urum og öryrkjum og mér svíður það. Það
var mjög átakanlegt, en á sama tíma gef-
andi og opnaði augu mín, að fá inn á
kosningaskrifstofuna fólk sem hefur ekki
farið út fyrir bæjarmörkin í tugi ára vegna
þess að það hefur ekki efni á að ferðast;
fólk sem ekki hefur keypt sér föt í mörg ár
og þarf að skrapa sér saman fyrir mjólk-
urdropa. Ég hafði ekki áttað mig á því að
þetta væri til á Akureyri en er þakklátur
fyrir að vera kominn í þá stöðu að geta
gert eitthvað í þessum málum.“
Geir segir Akureyringa þurfa, alla sem
einn, að hætta að horfa í baksýnisspeg-
ilinn og einbeita sér að því að horfa fram á
við. „Við verðum að byrja á því að átta
okkur á því hve Akureyrar er frábær bær
og hætta að tala um hann á neikvæðum
nótum. Við eigum að tala vel um bæinn
því við höfum fullt efni á því. Að búa á
Akureyri er að mínu mati algjör forrétt-
indi,“ segir Geir Kristinn Aðalsteinsson.
’
Við þurfum ekki að eyða tíma í
að vinna fyrir neinn flokk; allur
okkar tími fer í að vinna fyrir
Akureyri og það greinir okkur frá öðr-
um. Í flokkunum er frábært fólk en það
vinnur undir stórri flokksmaskínu og
ekki er hægt að horfa framhjá því að
það hefur áhrif.“