SunnudagsMogginn - 06.06.2010, Blaðsíða 14

14 6. júní 2010
á haustið. Það hefur gengið ágætlega að
undirbúa fyrirtækið undir það þótt við
séum kannski lítilsháttar á eftir áætlun.“
– En stendur ákvörðunin? Verða Hagar
skráðir í Kauphöllina og þá með því
gagnrýnda fororði að Jóhannes Jónsson í
Bónus og æðstu stjórnendur fyrirtækisins
fái forkaupsrétt að 15% hlutabréfanna?
„Það hefur ekki verið tekin ákvörðun
um neina breytingu á því. Ég held að
ákvörðun fyrri stjórnar um að skrá félagið
í Kauphöllina hafi verið góð og við mun-
um vinna hörðum höndum að því að
skráningin takist vel.
Varðandi Jóhannes þá vinnum við sam-
kvæmt því samkomulagi sem er í gildi og
erum í góðu samstarfi við stjórnendur fé-
lagsins við að gera það tilbúið fyrir skrán-
ingu. Í rauninni er ekki hægt að segja
meira um það í bili. Umræðan er hins
vegar vel skiljanleg í ljósi aðstæðna.“
– Síðan þessi ákvörðun var tekin hafa
komið fram bæði skýrsla rannsókn-
arnefndar Alþingis og stefnur slita-
stjórnar Glitnis á hendur fyrrverandi
stjórnendum Haga. Finnst þér ekki að
það eigi að hafa nein áhrif á þessa ákvörð-
un?
„Jú, það má vel vera að það gefi fullt
tilefni til að fara yfir málin og skoða þau.“
Muntu gera það?
„Það er í gildi samkomulag og ég er að
kynna mér það. Ég get ekki sagt á þessu
stigi hvort því verður breytt eða hvort
aðstæður eru til þess að breyta því.“
Nú eru Hagar fyrirtæki á ykkar forræði
sem beinir auglýsingum sínum eingöngu í
miðla sem eru í eigu fyrrverandi eigenda
Haga. Þetta skekkir samkeppnisstöðu
annarra fjölmiðlafyrirtækja. Finnst þér
þetta eðlilegt?
„Hagar eru með eigin stjórnendur og
sjálfstæða stjórn og okkur er gert að halda
okkur í fjarlægð frá fyrirtækinu. Við
komum því ekkert að daglegum rekstri
þess. Á meðan stjórnendur fyrirtækisins
standa sig almennt er á þeirra forræði að
ákveða hvar þeir auglýsa. Grundvall-
aratriðið er að það er ekki eðlilegt að eig-
andi hafi afskipti af svona málum á með-
an stjórnendunum er treyst fyrir
rekstrinum. Í öðru lagi höfum við ekki
tök á neinni sérstakri aðkomu að þessum
málum því við höfum ekki fullgilda
stjórnarmenn.“
– Forstjóri Samkeppniseftirlitsins hefur
sagt að í þessu máli geti bankinn ekki
skýlt sér á bak við tilmæli þess um að
halda sig fjarri rekstrinum?
„Ég nefni tvær ástæður. Annars vegar
að okkur er gert að halda okkur fjarri
rekstrinum skv. skilyrðum Samkeppnis-
eftirlitsins en líka, að það er sjálfstæð
stjórn og stjórnendur í fyrirtækinu. Það
hvaða fólk menn ráða í vinnu, hvaða hús-
næði menn kjósa að hafa starfsemina í,
hvar þeir auglýsa, hvar þeir kaupa inn –
eigendur skipta sér ekki af því.“
– En finnst þér þetta eðlileg ráðstöfun?
„Mér finnst eðlilegt að þeir ákveði
þetta. Ég get fallist á að þetta sé mjög ein-
hliða en það er ekkert nýtt. Ég var t.d. í
mörg ár hjá Eimskip sem auglýsti mest í
Mogganum og minna í öðrum miðlum.“
– Málefni Samskipa, þegar Ólafi Ólafs-
syni gafst kostur á að halda 90% yfirráð-
um í félaginu, voru líka umdeild í vetur.
Fannst þér sú afgreiðsla eðlileg?
„Annar, erlendur banki, Fortis hafði
forræði á því máli og hann ákvað að ganga
til samstarfs við þá aðila sem hafa forræði
yfir félaginu. Arion banki, sem minni að-
ili, hafði ekki aðra möguleika en að fylgja
með til að verja sína hagsmuni.“
– Þú sagðir áðan að þú skildir vel reið-
ina yfir þessum málum og þetta er vænt-
anlega ekki til þess fallið að auka traustið
á bankanum. Hversu mikilvægt er það
fyrir bankann og trúverðugleika hans að
misbjóða ekki almenningi þegar verið er
að ráðstafa svona fyrirtækjum?
„Við erum fjármálafyrirtæki sem hefur
það verkefni að verja eigur og fjármuni
sem okkur er treyst fyrir. Við þurfum
alltaf að vega það og meta og ég held að
það sé óhjákvæmilegt við okkar aðstæður
að það komi upp mál sem orka tvímælis.
Bankinn stendur frammi fyrir því að verja
sína hagsmuni eða ekki og þarna hafði
bankinn ákaflega takmarkaða möguleika
á að hafa áhrif á niðurstöður í því hverjir
fengju yfirráð yfir félaginu.“
– En finnst þér eðlileg ráðstöfun að
maður, sem hefur stöðu grunaðs manns í
markaðsmisnotkunarmáli, skuli geta
eignast 90% í þessu fyrirtæki?
„Ef ekki hefði náðst að semja um end-
urskipulagninguna var það mat Arion
banka að verulegar líkur væri á því að
bankinn myndi tapa stærstum hluta af
sínum kröfum. Það er rangt að Arion
banki hafi afhent einhverjum Samskip
enda hafði bankinn aldrei umráðarétt yfir
félaginu og bankanum tókst að tryggja
veðstöðu sína mun betur.“
– Hvaða viðmið finnst þér að bankinn
eigi almennt að hafa við sölu og end-
urskipulagningu skuldsettra fyrirtækja?
„Ég held að bankinn eigi fyrst að meta
rekstrarhæfi fyrirtækjanna og ef þau eru
rekstrarhæf á að reyna með öllum leiðum
að koma þeim í hendur á aðilum sem geta
tekið við rekstrinum. Bankinn á að forð-
ast í lengstu lög að vera sjálfur í rekstr-
inum, en það getur verið óhjákvæmilegt.
En um leið og ég segi að það skipti máli að
koma fyrirtækjunum hratt í hendur ann-
arra verða menn líka að vega hags-
munina. Það getur verið réttlætanlegt að
bíða í einhvern tíma þar til réttu kaup-
endur fást. Síðan geta komið upp önnur
sjónarmið, eins og að halda störfum.
Svona mál hafa alltaf verið í gangi í
bönkunum en flækjustigið núna er svo
mikið því þau eru svo ofboðslega mörg.
Og ef það þarf að selja tugi fyrirtækja á
sama tíma segir sig sjálft að það eru ekki
til kaupendur að þeim öllum. Flækjustig-
ið getur líka gert erfiðara um vik að kom-
ast að skýrum niðurstöðum svo menn
þurfa meiri tíma í hlutina, jafnvel þótt
það liggi í raun meira á. Það er þó mik-
ilvægt að við höfum verklagsreglur að
styðjast við til að hjálpa mönnum þegar
þeir eru með marga bolta á lofti í einu. En
það má líka gera ráð fyrir að í einhverjum
tilfellum fáist ekki ákjósanlegustu lausn-
irnar.“
Gengið eins langt og hægt er
– Úrræði vegna skuldavanda heimilanna
og fyrirtækjanna liggja fólki eðlilega
þungt á hjarta. Hversu vel finnst þér þessi
úrræði virka?
„Þessi banki hefur gengið mjög langt í
að bjóða úrræði og sem dæmi höfum við
boðið 30% höfuðstólslækkun íbúðalána.
Hins vegar finnur maður það sem al-
mennur borgari að það getur verið um-
deilanlegt hvort gengið hefur verið nægi-
lega langt. Á móti eru takmörk fyrir því
hvað bankarnir geta gert. Ég held að það
hafi verið gengið eins langt og bankarnir
hafa tök á. Við þurfum m.a. að standast
kröfur Fjármálaeftirlitsins, og t.a.m. er-
um við rétt yfir mörkunum varðandi eig-
ið fé svo það má ekki mikið út af bregða.“
– Það hefur komið fram að lán þessara
viðskiptavina voru færð í bankann með
miklum afskriftum og t.d. voru yfirdrátt-
arlán færð í bankann með 40% af-
skriftum. Er ekki borð fyrir báru að gera
meira?
„Það er ekki hægt að alhæfa að yf-
irdráttarlán hafi verið færð yfir á þessari
tölu. Það var ekki þannig að lánastaflinn
hafi verið færður yfir sem blokk heldur
var verðmæti stærsta hluti lánanna metið
„Við metum það svo að þó að þetta fólk
hafi réttarstöðu grunaðra sé það í raun og
veru vitni,“ segir Höskuldur um starfsmenn
bankans sem koma við sögu rannsóknar
sérstaks saksóknara.