SunnudagsMogginn - 25.07.2010, Blaðsíða 15

25. júlí 2010 15
M
ér skilst að hún gangi rosalega vel. Þær
fréttir sem ég fæ eru að hún hafi selst í
metsölu og fengið bara frábærar viðtökur
Það er náttúrlega mjög ánægjulegt,“ segir
Helgi Björnsson um plötuna „Þú komst í hlaðið“ sem
hann og hljómsveit hans Reiðmenn vindanna gáfu út í
kringum síðustu mánaðamót. Helgi er búsettur í Berlín
þar sem hann stendur í leikhúsrekstri og hefur því fylgst
með velgengni nýju plötunnar úr fjarlægð en hún trónir
á toppi lista Tónlistar.is yfir vinsælustu plötur landsins.
Á sama tíma er lagið „Sem lindin tær“ af plötunni í efsta
sæti yfir vinsælustu lögin á síðunni. Fyrri plata Helga og
Reiðmannanna, „Ríðum sem fjandinn“, sem kom út
fyrir tveimur árum hlaut frábærar móttökur hjá ís-
lenskum plötukaupendum og seldist hún í um sjö þús-
und eintökum. „Þú komst í hlaðið“ er því á góðri leið
með að feta í fótspor fyrirrennara síns. „Ríðum sem
fjandinn“ var nokkurs konar óður til hestamennsku og
hestamanna og á „Þú komst í hlaðið“ feta Helgi og fé-
lagar svipaðar slóðir sem nálgast kántrítónlist.
„Fyrri platan var meira kántrískotin en þessi nýja
kannski. En kántrí er sveitatónlist og það er svolítil ís-
lensk sveit í þessari tónlist og ég hef hugsað það út frá
því,“ segir Helgi.
– Margir tengja hugtakið kántrítónlist kannski frek-
ar við ákveðna tónlistarstefnu í Bandaríkjunum. Þessi
nýja plata flokkast varla undir þá stefnu?
„Það er auðvitað alveg rétt. Miðað við þá skilgrein-
ingu var fyrri platan meira í ætt við bandaríska kántrí-
tónlist en þessi en ég hef leyft mér að útvíkka þetta og
hugsa frá þessum forsendum, það er að segja íslensku
sveitinni. Mér finnst gaman að finna þessi lög sem að
eru sungin af þjóðinni og ég hef heyrt sungin í hesta-
ferðum, útilegum og partíum. Oft eru þetta lög sem eru
ekki til nema í útsetningum karlakóra eða einsöngvara.
Mér finnst gaman að taka svona lög og setja þau í aðeins
nútímalegri búning.“
– Það má kannski segja að þú sért að færa þau í al-
þýðlegri búning?
Já, og kannski að setja aðeins meiri „grúv“ í þau, takt
og hrynjandi. Við settum aðeins meira kántrí í lög eins
og „Undir bláhimni“ og „Gamla sorrí grána“. Svo er
smárokkabillí eða sörftaktur í „Vinakveðju“ og „Bíólag-
inu“. „Fram í heiðanna ró“ er svo aftur blúskenndara
grúví gítarspil. Það er gaman að blanda saman banda-
rískum áhrifum við þessi tæru íslensku sönglög sem
þjóðin er búin að syngja áratugum saman.“
Platan var tekin upp á tiltölulega stuttum tíma að
sögn Helga, á um tveimur vikum, og var hún að miklu
leyti tekin upp „læv“ með allri hljómsveitinni í einu.
„Mér finnst engin ástæða til að hanga yfir þessu. Ég
þarf ekkert meiri tíma. Þetta tekur bara þann tíma sem
það þarf að taka. Auk þess finnst mér alltaf nást fram
meiri stemning og persónuleiki í „læv“ upptökum held-
ur en í einhverjum fullkomnum upptökum ef það má
orða það þannig. Þú getur alveg náð tæknilega betri
spilamennsku eða söng með því að taka hvert þeirra
upp fyrir sig en á móti þá missir frammistaðan ákveðið
líf.“
– Hvernig var andinn í hópnum á meðan á upptök-
unum stóð?
„Það var einstaklega gaman að taka upp þessa plötu
og rosagóður fílingur hjá okkur. Bandið small vel saman
og þetta gekk mjög vel og átakalaust. Þá verður mjög
gaman. Við duttum niður á mörg skemmtileg grúv í
mörgum þessum lögum sem menn sáu kannski ekki al-
veg fyrir sér fyrirfram, sem menn sáu ekki hvernig
virkuðu fyrir sveit eins og okkar þegar þeir hlustuðu á
einhverjar karlakórsútgáfur.
Svo voru skemmtilegir hlutir eins og að strákarnir í
hljómsveitinni Buff komu og sungu nokkrar raddir fyrir
okkur. Það var alger snilld, þeir hljómuðu eins og heill
karlakór á köflum og gáfu plötunni mjög skemmtilegan
svip.“
Stefnir á kvikmyndaleik í Evrópu
Eins og áður sagði býr Helgi í Berlín þar hann á hlut í
leikhúsinu Admiral Palast í félagi við aðra.
„Já, ég er ennþá hluthafi þar en svo hef ég aðeins ver-
ið að leika og reyna að koma mér áfram í kvikmynda-
geiranum í Evrópu. Ég hef verið að reyna að ýta mér að-
eins lengra þar og þá er náttúrlega gott að vera hér í
Berlín í hjarta Evrópu. Ég lék í mynd á síðasta ári og er
að fara að taka upp mynd í Ungverjalandi í ágúst eða
september. Svo verður væntanlega önnur mynd í Aust-
urríki eftir áramót. Þetta tekur allt sinn tíma og svo er
þessi kvikmyndabransi eins og menn þekkja lengi að
koma hlutum á koppinn, útvega fjármagn og annað
slíkt, þannig að verkefni eru gjarnan lengi í deiglunni.
– Geturðu eitthvað sagt mér frá myndinni sem þú
leikur í núna í haust?
„Þessi mynd heitir „Mannerheim“ og er finnsk/þýsk/
ungversk mynd sem fjallar um samnefnda þjóðhetju
Finna. Mannerheim þessi var nokkurs konar Jón Sig-
urðsson þeirra Finna, hershöfðingi sem leiddi þá í gegn-
um tvær styrjaldir gegn Rússum, meðal annars Vetr-
arstríðið og er alger táknmynd þar í landi. Finnski
leikstjórinn Renny Harlin hefur meðal annars leikstýrt
einni af „Die Hard“-myndunum bandarísku. Ég er bara
í litlum hlutverkum eins og er en vonandi fara þau
stækkandi. Ég á að leika einhvern gallerista á Frönsku
Rívíerunni en það getur verið að ég verði færður til en
ég fæ að vita það á næstu vikum.“
– Er stefnan svo tekin á toppinn í kvikmyndaheim-
inum eftir það, beint til Hollywood?
„Það er nú ekkert endilega stefnan en það er frábært
að fá að reyna fyrir sér í kvikmyndum annars staðar en
heima þannig að á meðan eitthvað er í gangi í þeim efn-
um grípur maður tækifærið. En það eru nú engin áform
um heimsyfirráð eða dauða.“
– En þú ert þá líklega ekkert á leiðinni að fara leika
heima á Íslandi á næstunni?
„Jú, reyndar er ég að fara núna að leika lítið hlutverk í
sjónvarpsþáttaröð á Akureyri sem á að sýna á Skjá ein-
um í haust sem heitir „Hæ, gosi“. Þetta er sex eða sjö
þátta gamanþáttasería. Þeir leika aðalhlutverkin þeir
bræður Árni Pétur og Kjartan Guðjónssynir.
Ný plata í farvatninu
Helgi varð fyrst þekktur sem kraftmikill söngvari
hljómsveitarinnar Síðan skein sól sem hefur verið starf-
rækt frá árinu 1987. Sveitin er enn starfandi og hélt með
glæsilegum hætti upp á tvítugsafmæli sitt árið 2007 með
stórtónleikum í Borgarleikhúsinu sem enduðu á geisla-
og mynddiski. Eftir nokkuð hljóðlát ár undanfarið hefur
aukinn kraftur færst í sveitina á allra síðustu misserum.
„Já, við höfum verið að spila öðru hvoru í vetur, meira
en við höfum gert áður. Við fórum í hljóðver í vor og
tókum upp lag, „Ísafold“ , sem hefur verið eitthvað í
spilun og kemur út á Pottþétt-plötu. Nú erum við að
stefna á að gefa út efni sem hefur verið ansi lengi á bið
hjá okkur. Nú ætlum við að sjá hvort við komum því
ekki í framkvæmd og ég vonast til að við komumst í það
fyrir lok þessa árs. Við eigum orðið helling af efni sem
lengi hefur staðið til að gefa út. Það er ennþá mjög gam-
an hjá okkur í bandinu. Þessi böll sem við höfum verið
að spila á gengu rosavel, margt fólk mætti og góð
stemning. Það var hvati fyrir okkur að gefa þetta loksins
út.“
– Nú eruð þið búnir að vera að í á þriðja áratug með
þessa sveit, þið eruð ekkert komnir með leiða á henni?
„Nei, þetta hafa náttúrlega verið ágætis hlé hjá okkur
inni á milli og það hafa ekki verið mikil læti undanfarin
ár. Stundum tvö eða þrjú gigg á ári en það hefur aðeins
aukist síðustu tvö árin og verið mjög gaman þannig að
menn hafa fengið áhugann aftur. Þannig að nei, við er-
um ekki komnir með leiða á þessu!“
Gefur íslenskum
sönglögum nýtt grúv
Söngvarinn ástsæli Helgi Björnsson sem nýlega gaf út kántrí-
plötuna „Þú komst í hlaðið“, er með mörg járn í eldinum.
Hann stefnir á að hasla sér völl í kvikmyndaheiminum í Evr-
ópu og að hefja upptökur á nýrri plötu með SSSól á þessu ári.
Kjartan Kjartansson kjartan@mbl.is