SunnudagsMogginn - 25.07.2010, Blaðsíða 17

25. júlí 2010 17
Nú er hann hinsvegar reiðubúinn að
halda út á ný og í þetta skiptið til Afgan-
istans, nánar tiltekið til Helman sem er
sagður einna hættulegasti vígvöllurinn.
„Ég er rosa spenntur, þetta er spennandi
vinna og það verður nóg að gera þar.
Höfuðstöðvarnar eru góðar en sveitin
mín verður ekki nálægt þeim. Við verð-
um í sérstökum kofum,“ segir hann og
hikar aðeins. „… Ég veit ekki hversu
mikið ég má segja, en við verðum í leir-
kofum sem talíbanar áttu einu sinni en
herinn hefur tekið af þeim.“
Aðspurður segir hann hitann í Afgan-
istan ekki eins mikinn og í Írak. „Maður
þolir allt eftir að hafa farið til Írak en
þetta verður erfitt því við berum svo
miklar þyngdir. Staðalútbúnaðurinn er
30-40 kg og svo bætist ýmislegt við eftir
því hvað maður er að gera. Sumir hafa
verið með 90 kg á bakinu svo þetta
verður dálítið erfitt.“
Heldur ótrauður áfram
Alls eru um 750 danskir hermenn í Afg-
anistan og er skriðdrekasveitin hans
Hjalta að taka við af annarri sem hefur
verið við störf undanfarið hálft ár. Á
þeim tíma hefur einn danskur hermaður
látið lífið og 36 særst. Sjálfur hefur Hjalti
misst vin sinn í stríðsátökum og viður-
kennir að það taki mikið á. Hinsvegar sé
vel hugsað um hermennina og þegar
ástandið er allra verst eru sálfræðingar
sendir út til að ræða við hermennina. Sá
möguleiki að láta lífið við störf er nokk-
uð sem fylgir því að vera í hernum og
dvelja á stríðshrjáðum svæðum. Hjalti
heldur hinsvegar ótrauður áfram og ætl-
ar sér alls ekki að hætta í bráð. Raunar
sér hann fyrir sér að vera í hernum
næstu áratugina. „Þetta er mitt líf,“ seg-
ir hann að endingu.
Hjalti, fimmti til vinstri, í eftirlitsferð í eyðimörkinni í Basra í Suður-Írak.
Daglegur undirbúningur hermannanna.
Morgunblaðið/Ernir
Hjalti í nýja drekanum sem sveitin hans hefur yfir að ráða.
’
Fyrstu mánuðirnir í þjálfuninni
hjá hernum voru strembnir.
„Það er reyndar búið að breyta
þessu núna en fyrstu þrjá mánuðina er
maður tekinn hressilega í gegn. Maður
sefur aðeins í 12-14 tíma samtals í
hverri viku, annars er maður bara að
vinna og vinna. Maður hættir að hugsa
og bara framkvæmir.