SunnudagsMogginn - 25.07.2010, Blaðsíða 16

16 25. júlí 2010
H
jalti Ragnarsson hefur búið í
Danmörku frá sex ára aldri.
Þegar hann var 19 ára ákvað
hann að skrá sig í herinn og
nú átta árum síðar sér hann ekki eftir
þeirri ákvörðun. „Ég var alltaf góður í að
vinna utandyra og fann mig hreinlega
ekki í skóla. Það er herskylda í Dan-
mörku og ég ákvað að fara. Þá tóku við
12 mánuðir í konunglegu lífvarðasveit-
inni. Ég fann að þetta var rosalega
spennandi vinna svo ég ákvað að halda
áfram eftir að skyldunni lauk, sinna
störfum fyrir herinn á alþjóðlegum vett-
vangi.“ Hjalti segir umsækjendur geta
sótt um mismunandi deildir innan hers-
ins en eftirsóttast sé að komast að hjá
konunglegu lífvarðasveitinni. Hann var
einn af þeim heppnu sem komust þar að
en innan lífvarðasveitarinnar er hann í
sérstakri skriðdrekasveit.
Hjalti viðurkennir að fjölskyldan hafi
verið dálítið uggandi í fyrstu. „Hún var
dálítið óörugg með þetta en þegar þau
sáu hvað ég varð glaður þá breyttist það.
Þau styðja mig í þessu 100%.“
Kynnist sjálfum sér betur við æfingarnar
Fyrstu mánuðirnir í þjálfuninni hjá
hernum voru strembnir. „Það er reynd-
ar búið að breyta þessu núna en fyrstu
þrjá mánuðina er maður tekinn hressi-
lega í gegn. Maður sefur aðeins í 12-14
tíma samtals í hverri viku, annars er
maður bara að vinna og vinna. Maður
hættir að hugsa og bara framkvæmir.
Ekkert þvarg eða neitt vesen,“ segir
hann. „Eftir þennan tíma tekur maður
æfingar, fer í eina viku út og er með mat
fyrir einn dag sem þarf að endast í fimm
daga. Maður er pressaður rosalega á
svefn og mat og maður lærir hversu
mikið maður getur og kynnist sjálfum
sér betur. Maður verður rosalega hissa á
því hversu mikið maður getur í raun
gert.“
55–60°C í skugga
Hjalti, sem er titlaður nýliði af næst-
lægstu gráðu (e. private first class), fór í
sinn fyrsta leiðangur með danska hern-
um til Kosovo árið 2005. „Kosovo er
rosalega spennandi, yndislegt landslag,
fjöllin og fólkið. Það var rosalega spenn-
andi vinna, að koma út og reyna að
hjálpa þessu fólki,“ segir hann. Hjalti
dvaldist í Kosovo í hálft ár, hvíldist í
Danmörku í sex mánuði og hélt því næst
út með sveitinni sinni til Basra í Írak í
hálft ár. „Í Írak var mjög heitt, það var
frekar leiðinlegt hvað það var heitt allan
tímann, 55–60°C í skugga. Svo drakk
maður 6–7 lítra af vatni á dag og þar
sem það var ekkert kælibox þá var mað-
ur að drekka heitt vatn.“ Aðbúnaðurinn
var hinsvegar góður, að sögn Hjalta. Þrír
hermenn deildu herbergi í vel loftkæld-
um höfuðstöðvum og þar fengu þeir
góðan mat. Hinsvegar vegar var oft farið
í leiðangra í fleiri vikur í senn og þá var
lítið fyrir loftkælingunni að fara. „Hitinn
gerði dvölina í Írak erfiðari, þar að auki
var líka meira að gera þar en í Kosovo.“
Sofa í leirkofum talibana
Hjalti segir að alltaf sé miðað við að
sveitirnar séu úti í hálft ár í senn og því
næst séu þær leystar af. Hann tók sér
hálfs árs hlé áður en hann hélt út til Írak
en nú eru hinsvegar liðin nokkur ár síð-
an hann kom heim úr þeirri ferð. „Það
gerðist ekkert í Kosovo, það var mjög
rólegt og þess vegna fór ég eftir hálft ár
aftur út. Eftir Írak þurfti ég hinsvegar
dálitla hvíld,“ segir hann.
Herinn
er mitt líf
Í byrjun ágúst fer Hjalti Ragnarsson með dönsku
konunglegu lífvarðasveitinni til Afganistans en
þetta er í þriðja skiptið sem hann fer með sveit-
inni á vígstöðvar. Honum finnst hernaðarstarfið
afar spennandi og sér fyrir sér að eyða næstu
áratugum í þjónustu hersins. Herinn sé hans líf.
Ylfa Kristín K. Árnadóttir ylfa@mbl.is Hjalti hefur verið heiðraður fyrir mörg afrek í
bardögum á vígvöllum Íraks.
„Hitinn gerði dvölina í Írak erfiðari, þar að auki var líka meira að gera þar en í Kosovo,“ segir Hjalti Ragnarsson.