SunnudagsMogginn - 25.09.2011, Síða 37
25. september 2011 37
sem í boði eru fyrir áhugamenn um
íþróttir. Þá drýpur menningin af hverju
strái í borginni; myndlist, tónlist, bygg-
ingarlist … Hvaðeina.
Svo stiklað sé á stóru má nefna að
arkitektinn Antoni Gaudi er í hávegum
hafður í borginni og óhjákvæmilegt að
rekast á verk hans. Hið frægasta er enn í
byggingu og hefur verið í rúma öld; það
ótrúlega mannvirki La Sagrada Familia.
Fullt nafn er í raun Kirkja og musteri
hinnar heilögu fjölskyldu. Sjón er sögu
ríkari og enginn sem kemur til bæjarins
má sleppa því að sjá herlegheitin.
Skyldustopp er líka á Picasso-safninu
við Montcada götu; þetta var fyrsta safn-
ið sem sett var á fót í nafni listamannsins
og hið eina meðan hann var á lífi. Svo er
það kirkjan Santa Maria del Mar stein-
snar frá Picasso-safninu í gamla bænum,
Tibidabo-fjallið og Ólympíusvæðið á
Montujic-hæðinni; gaman er að koma
aftur á völlinn og safnið þar við hliðina,
kennt við Juan Antonio Samaranch, er
býsna flott. Við hæfi er að leggja leið sína
á Camp Nou, heimavöll Barca, og mikil
upplifun að fylgjast með fótboltaleik
ásamt 95 þúsund öðrum! Þeir sem ekki
hafa tækifæri til þess ættu í það minnsta
að kynna sér sögu félagsins á stórbrotnu
safninu.
Stemningin var mögnuð á leik knattspyrnuerkifjendanna Barcelona og Real Madrid og upp
úr sauð í lokin. Hér er rauða spjaldið á lofti; heimamaðurinn David Villa (7) rekinn út af.
Pablo Picasso, sjálfsmynd, olía á striga.
Myndina málaði hann 1906 í París. Hún er
nú til sýnis á Picasso safninu í Barcelona.
© 2010 Philadelphia Museum of Art.
© Succession Pablo Picasso, VEGAP, Madrid 2011
Víða í borginni bjóða litlir sem stórir veitingastaðir mikið úrval gómsætra tapas-rétta.
Margar fallegar kirkjur eru í borginni. Þetta
er Sagrat Cor á Tibidabo fjalli.
’
Á Ólympíuleik-
unum 1992 eign-
uðust margir vin
fyrir lífstíð og enn fleiri
borgina að vini ef að lík-
um lætur.
Þröngar götur eru víða í gotneska hverfinu og annars staðar í gamla bænum, stutt frá
ströndinni. Þar er gaman að ganga og margir draga upp myndavélina; t.d. við veitingahúsið
El Quatre Gats en þar ku Picasso hafa verið fastagestur ásamt fleiri listamönnum bæjarins.
Strandlengjan er snyrtileg og umhverfi
hennar yfirleitt fallegt.