Fréttablaðið - 14.10.2011, Blaðsíða 6

14. október 2011 FÖSTUDAGUR6
HEILBRIGÐISMÁL Stöðugildum á
Landspítalanum mun fækka um
85 og þjónusta verður skert vegna
niðurskurðar. Þetta kom fram á
fundum forstjóra Landspítalans í
gær.
Björn Zoëga,
forstjóri Land-
spítalans, hélt
át ta sta rfs -
mannafundi
víðs vegar um
borgina í gær
og kynnti fólki
niðurskurðar-
aðgerðir næsta
árs. Hann segir
andrúmsloftið á fundunum hafa ein-
kennst af ró og æðruleysi.
„Þetta fór mun rólegar fram en
ég bjóst við,“ segir Björn. „Fólk
tekur þessu með æðruleysi og vill
vinna í málunum.“
Niðurskurðaraðgerð-
irnar eru annars vegar
almennar og ná þá til
LSH í heild, hins vegar
sértækar og snerta ein-
stök svið eða starfsemi.
Líkt og áður sagði mun
stöðugildum innan spít-
alans fækka um 85 og
verður reynt að nýta
starfsmannaveltuna við
þá fækkun. Með lokun
St. Jósefsspítala verður
fækkað um 29, á Sogni
falla út fjögur störf og svo
mun alhliða samþjöppun
deilda fækka öðrum stöð-
um víðs vegar um spít-
alann. Björn segist ekki
hafa áhyggjur af fram-
haldinu.
„Þetta verður erfitt og
erfiðara en oft áður,“ segir Björn.
„Þetta er orðinn svo langur tími.
Við erum endalaust að hugsa hvern-
ig málin verði á næstu mánuðum og
hvar og hvernig við þurfum að bera
niður og passa að við missum ekki
fótanna.“
Mikil ánægja ríkir innan spítal-
ans með þá ákvörðun að flytja rétt-
argeðdeildina frá Sogni á Klepp. Þar
sé verið að veita geðveikum afbrota-
mönnum betri þjónustu og færa þá
nær aðstandendum sínum. Björn
segir þar vera tækifæri í að bæta
starfsemina á faglegum grundvelli
á sama tíma og verið sé að spara.
Ýmsar smærri breytingar á
skipuriti starfseminnar, meðal
annars hagræðingar á rekstrar- og
fjármálasviðum og önnur smærri
verkefni, munu skila spítalanum
136 milljónum króna.
„Við erum að þjappa okkur áfram
saman. Mannauðssvið verður til að
mynda sett beint undir forstjóra
og fleiri breytingar á skipuritinu í
þeim dúr,“ segir Björn.
Ólafur Baldursson, fram-
kvæmdastjóri lækninga á Landspít-
alanum, er ekki eins bjartsýnn og
hefur áhyggjur af þeirri þjónustu-
skerðingu sem spítalinn stendur nú
frammi fyrir.
„Þetta eru umfangs-
miklar aðgerðir og ekki
léttbærar. Þetta er ekki
ákjósanleg staða fyrir
spítalann,“ segir hann.
„Þessi niðurskurður mun
klárlega skerða þjónustu
og gerir okkur sífellt erf-
iðara fyrir að reka spítal-
ann.“
Ekki er búið að útfæra
hagræðingaraðgerðirnar
í smáatriðum, en unnið
verður að því á næstu
vikum. Ólafur hefur
áhyggjur af mannafla
innan spítalans og segir
aðgerðir sem þessar til
þess fallnar að gera þá
stöðu enn erfiðari.
„Það er komið ákveð-
ið los á fólk, sem batn-
ar ekki við svona aðgerðir,“ segir
hann. „Við sjáum þó ekki fyrir
okkur flótta, en það hefur nú þegar
verið tilhneiging í þá átt og við
höfum verulegar áhyggjur af því.“
Ólafur bendir þó á að spítalinn
glími við ýmis athyglisverð og verð-
ug verkefni og starfsfólkið standi
sig gríðarlega vel.
„Það er með ólíkindum hverju
fólk afkastar við þessar aðstæður,“
segir hann. „En þetta getur ekki
haldið svona áfram mikið lengur.
Það er alveg klárt. Við verðum að
vona að þetta sé síðasta árið sem
við þurfum að takast á við svona
aðgerðir.“
sunna@frettabladid.is
Þetta eru
umfangsmikl-
ar aðgerðir og
ekki léttbærar.
Þetta er ekki
ákjósanleg
staða fyrir
spítalann.
ÓLAFUR
BALDVINSSON
FRAMKVÆMDA-
STJÓRI LÆKNINGA
Á LSH
EVRÓPUSAMBANDIÐ Bankar eiga hvorki að
greiða út arð né kaupauka fyrr en varasjóð-
ir þeirra eru orðnir nógu digrir til að stand-
ast þær nýju kröfur sem Evrópusambandið
hyggst gera til þeirra.
Þetta sagði José Manuel Barroso, forseti
framkvæmdastjórnar Evrópusambandsins, á
miðvikudag þegar hann kynnti nýjar og enn
öflugri aðgerðir til bjargar Grikklandi, evr-
unni og bönkum aðildarríkjanna.
Meðal annars á að taka af allan vafa um að
Evrópusambandið veiti Grikkjum þá aðstoð,
sem þarf til að halda efnahagslífi Grikklands
gangandi. Þá á að efla enn frekar neyðarsjóð
ESB og hraða stækkun hans. Enn fremur á
að grípa til samhæfðra aðgerða til að styrkja
banka í Evrópusambandinu, meðal annars
með því að aðstoða þá við að útvega sér fé í
nægilega stóra varasjóði.
Öll sautján ríki evrusvæðisins þurfa að
samþykkja þessar nýju tillögur áður en hægt
verður að hrinda þeim í framkvæmd, sem er
langt og strangt ferli
Síðast í gær samþykkti Slóvakía þær
aðgerðir, sem ákveðið var að ráðast í síðasta
sumar, en þær fólust meðal annars í verulegri
stækkun neyðarsjóðs Evrópusambandsins.
Stjórnarandstaðan í Slóvakíu hafði fellt þær
á þriðjudag, með þeim afleiðingum að ríkis-
stjórn landsins hrökklaðist frá völdum, en
eftir það var þinginu ekkert að vanbúnaði að
samþykkja stækkun neyðarsjóðsins. - gb
Framkvæmdastjórn ESB kynnir næstu viðbrögð við skuldakreppu og evruvanda:
Bönkum meinað að greiða arð og bónus
STEFAN FÜLE OG JOSÉ MANUEL BARROSO Kynntu nýja
leið út úr kreppunni meðan Slóvakía lét bíða eftir sam-
þykki síðustu úrræða. FRÉTTABLAÐIÐ/AP
Alhliða þjónustuskerðing á
mörgum sviðum spítalans
Niðurskurðaraðgerðir Landspítalans munu kosta 85 manns starfið og fjölda deilda verður þjappað saman.
Forstjóri spítalans segir aðgerðirnar verða erfiðari en oft áður, en fólk taki fregnunum af æðruleysi.
BJÖRN ZOËGA
AÐGERÐIR KYNNTAR STARFSMÖNNUM Starfmannafundir innan LSH voru haldnir
á átta mismunandi stöðum í gær þar sem farið var yfir niðurskurðaraðgerðir
næsta árs. FRÉTTABLAÐIÐ/GVA
Niðurskurðaraðgerðir Landspítalans árið 2012
Aðgerð Sparnaður í milljónum króna
St. Jósefsspítala lokað (-18 rúm) 180
Vörustjórnun, lækkun kostnaðar vegna útboða og endurskipulagning á lagerum 100
Lækkun lyfjakostnaðar, s.s. vegna útboða og lagerstjórnunar 60
Þétting á starfsemi geðsviðs, m.a. með flutningi réttargeðdeildarinnar á Klepp 54
Líknardeildir spítalans sameinaðar í Kópavogi (-4 rúm) 50
Samþætting á starfsemi stoðeininga og breytt skipurit á ýmsum einingum spítalans 50
Hagræðingaraðgerðir á rekstrar- og fjármálasviðum 49
Hagræðingaraðgerðir í tengslum við sjúkraskrárritun og skjalavistun 25
Ýmis smærri verkefni 62
Niðurskurðaraðgerðir samtals 630
EVRÓPUMÁL Íslensk stjórnvöld
munu á næstu mánuðum vinna að
aðgerðaáætlun þar sem væntanleg
framkvæmd stefnu ESB í byggða-
málum og stjórnsýsla henni tengd
verður skýrð. Þetta kemur fram á
vef utanríkisráðuneytisins.
Sú áætlun þarf að liggja fyrir
áður en ESB fellst á að hefja efnis-
legar viðræður í þeim málaflokki
að því er fram kemur í orðsend-
ingu sem fylgdi niðurstöðum rýni-
vinnu til íslenskra stjórnvalda frá
fastafulltrúa Póllands hjá ESB.
Pólland fer sem stendur með for-
mennsku hjá sambandinu.
Í rýniskýrslunni segir að þar
sem Ísland hyggist ekki innleiða
regluverk ESB áður en þjóðar-
atkvæðagreiðsla um aðild fer
fram, verði erfitt að semja um
málið og í ljós reynslunnar verði
knappur tími milli samþykktar og
gildistöku samningsins.
Þess vegna þurfi að liggja fyrir
ítarleg, tímasett áætlun um fram-
kvæmd á sviði byggðamála.
Meðal annars sem kemur fram
í rýniskýrslunni er það mat ESB
að íslensk löggjöf í þessum mála-
flokki sé að mestu í samræmi við
kröfur, en þó þurfi að styrkja laga-
grundvöll á ýmsum sviðum.
- þj
Ekki hægt að hefja samninga um byggðamál fyrr en aðgerðaáætlun liggur fyrir:
Hefja strax vinnu við áætlunargerð
VILJA SJÁ ÁÆTLUN ESB vill sjá aðgerða-
áætlun um innleiðingu byggðamála
áður en viðræður hefjast. MYND/ÚR SAFNI
Geðhjálp fagnar færslu réttargeðdeildarinnar frá Sogni á Klepp. Í ályktun frá
Geðhjálp, sem RÚV greinir frá, segir að samtökin hafi um áraraðir barist fyrir
því að deildinni yrði lokað í þeirri mynd sem hún hefur starfað. Niðurstöður
úttektar sem Geðhjálp hafi gert fyrir þremur árum hafi leitt í ljós lélegan
aðbúnað og algera vanhæfni stofnunarinnar til að endurhæfa geðsjúka
brotamenn. Þá harmar Geðhjálp afstöðu þingmanna í Suðurkjördæmi til
lokunar á réttargeðdeildinni að Sogni í Ölfusi og kallað er eftir faglegum
rökum fyrir máli þeirra.
Fagna flutningi réttargeðdeildar
SJÁVARÚTVEGUR Heildarafli
íslenskra fiskiskipa fyrstu sjö
mánuði ársins var 928 þúsund
tonn, en nam á sama tíma í fyrra
845 þúsund tonnum. Aflaaukning
í september, á föstu verði, jókst
um 0,8 prósent frá sama mánuði
í fyrra. Þetta kemur fram í tölum
frá Hagstofu Íslands.
Alls veiddust tæp 106 þúsund
tonn í september, en heildarafl-
inn í september 2010 var tæp 94
þúsund tonn. Botnfiskafli dróst
hins vegar saman í september,
miðað við september 2010, um
rúm 2.200 tonn. - kóp
Aflaverðmæti eykst:
Heildaraflinn
er meiri í ár
VIÐIURKENNDI ÁRÁS Í yfirheyrslum
viðurkenndi Strauss-Kahn að hafa ráðist
á Tristane Banon árið 2003.
NORDICPHOTOS/AFP
FRAKKLAND, AP Skrifstofa sak-
sóknara í París hefur fellt niður
rannsókn á nauðgunarmáli gegn
Dominique Strauss-Kahn, fyrr-
verandi yfirmanns Alþjóðagjald-
eyrissjóðsins.
Saksóknarinn segir ekki nægar
sannanir fyrir því að Strauss-
Kahn hafi reynt að nauðga
franska rithöfundinum Tristane
Banon árið 2003, þegar hún hugð-
ist taka viðtal við hann.
Í yfirheyrslum viðurkenndi
Strauss-Kahn veigaminni glæp,
kynferðislega árás á Banon, en
sá glæpur fyrnist á þremur árum
og kemur því ekki til kasta dóm-
stóla. - gb
Strauss-Kahn laus mála:
Saksóknarinn
vísar máli frá
DÓMSMÁL Tveir kannabisrækt-
endur hafa verið dæmdir í 30 daga
skilorðsbundið fangelsi hvor.
Annar mannanna, sem er á þrí-
tugsaldri, var tekinn með ræktun
sem samanstóð af 53 kannabis-
plöntum. Hann hefur áður verið
dæmdur fyrir þjófnað, fíkniefna-
lagabrot, líkamsárás og hrað-
akstur.
Hinn maðurinn, tæplega þrí-
tugur, var dæmdur fyrir að hafa
ræktað 48 kannabisplöntur og
verið með nær kíló af kannabis-
laufum. Báðir mennirnir játuðu
brot sín. Upptæk voru gerð tæki
og tól sem notuð voru við rækt-
unina. - jss
Dæmdir í 30 daga fangelsi:
Kannabisrækt-
endur á skilorð
DÓMSMÁL Íslenska ríkið hefur
verið dæmt til að greiða karl-
manni 400 þúsund krónur í bætur
vegna eftirlýsingar, handtöku
og vistunar í fangaklefa. Hann
krafðist fimm milljóna króna í
miskabætur.
Maðurinn var eftirlýstur í fjöl-
miðlum í tengslum við svokallað
mansalsmál sem upp kom hér á
landi 2009. Hann gaf sig fram
við lögreglu og var yfirheyrður,
þegar hann hafði verið í haldi
lögreglu í tvær klukkustundir. Að
því búnu var honum sleppt þar
sem ljóst þótti orðið að hann var
ekki maðurinn sem leitað var að,
né tengdist málinu. - jss
Krafðist fimm milljóna:
Fékk 400 þús-
und í bætur
Áttu von á að aðildarviðræður
Íslands við ESB muni ganga
hratt fyrir sig?
Já 29,8%
Nei 70,2%
SPURNING DAGSINS Í DAG:
Fylgist þú með bókamessunni
í Frankfurt þar sem Ísland er
heiðursgestur?
Segðu þína skoðun á vísir.is.
KJÖRKASSINN