Fréttablaðið - 14.10.2011, Blaðsíða 54

14. október 2011 FÖSTUDAGUR38
FÖSTUDAGSLAGIÐ
„Believe með Cher. Þá líður mér
eins og árið sé 1999 þegar allt
var gott.“
Björn Bragi Arnarsson, sjónvarpsmaður í
Týndu kynslóðinni.
Forseti Íslands og frú Dorrit
Moussaieff taka þátt í glæsileg-
um galakvöldverði, þar sem allur
norræni aðallinn verður viðstadd-
ur, á Hilton-hótelinu í New York á
vegum ASF eða American-Scand-
inavian Foundation næstkomandi
föstudag, 21. október. Dýrustu
borðin í veislunni kosta fimm-
tíu þúsund dollara eða tæpar sex
milljónir íslenskra. „Það er aðeins
gefið í vegna hundrað ára afmælis
samtakanna,“ segir Hlynur Guð-
jónsson, ræðismaður Íslands í New
York, en hann sat í undirbúnings-
nefnd kvöldverðarins. „Þetta er
mikill viðburður,“ segir Örnólfur
Thorsson forsetaritari.
Aðalstjörnur kvöldsins verða
meðlimir konungsfjölskyldn-
anna og forsetaembætta Norður-
landanna. Fulltrúar Svíþjóðar
verða Karl Gústaf og eiginkona
hans, Silvía, en gustað hefur um
þau hjón heima fyrir vegna upp-
ljóstrana um svallferðir konungs-
ins og tengsl hans við sænska
undirheima. Haraldur Noregs-
konungur heiðrar samkomuna
með nærveru sinni ásamt Sonju
drottningu en Friðrik krónprins
og eiginkona hans, Mary Donald-
son, mæta fyrir hönd Danmerkur.
Loks verða forsetar Finnlands og
Íslands, Tarja Halonen og Ólafur
Ragnar, meðal gesta ásamt mökum
sínum.
Að sögn Hlyns hafa þegar yfir
þúsund manns boðað komu sína
en þessi kvöldverður er árlegur
og er aðalfjármögnun samtakanna.
Hann er sérstaklega veglegur að
þessu sinni vegna afmælisins.
Fjölmargir nafntogaðir Íslend-
ingar hafa verið viðloðandi stjórn
samtakanna en meðal þeirra eru
Ólafur Jóhann Ólafsson, aðstoðar-
forstjóri hjá Time Warner, Helgi
Tómasson, listrænn stjórnandi hjá
San Fransisco-ballettinum, Sigur-
jón Sighvatsson kvikmyndafram-
leiðandi, Björgólfur Guðmundsson,
Þórunn Wathne og Friðrik Sophus-
son. Hlynur sagðist fastlega gera
ráð fyrir því að meirihlutinn af
því fólki sem tengdist stjórn sam-
takanna myndi mæta ef það ætti á
annað borð heimangengt.
Mikil dagskrá er í kring-
um kvöldverðinn, meðal ann-
ars opnun sýningarinnar Lum-
inous Modernism: Scandinavian
Art Comes to America hinn 20.
október í Scandinavian House. Á
heimasíðu samtakanna, amscan.
org, má finna dagskrá kvöldverð-
arins en þar kemur meðal annars
fram að veislustjóri verði norska
leikkonan Liv Ullmann. Jafnframt
er gestum gerð grein fyrir því að
allar myndatökur eru bannaðar og
að stiginn verði dans um leið og
borðhaldi lýkur.
freyrgigja@frettabladid.is
HLYNUR GUÐJÓNSSON: AÐEINS GEFIÐ Í VEGNA AFMÆLISINS
Forsetahjónin skemmta
sér með norræna aðlinum
„Þetta hafðist og nú fer undirbúningur bara
á fullt,“ segir Baltasar Kormákur kvik-
myndaleikstjóri.
Samningar hafa náðst um að hann leik-
stýri spennumyndinni 2 Guns með Mark
Wahlberg í aðalhlutverki. Eins og kom fram
í fjölmiðlum fyrir skemmstu var Baltasar í
viðræðum um að leikstýra tveimur verk-
efnum í Hollywood, annars vegar 2 Guns og
hins vegar fjallamyndinni Everest.
Samkvæmt vefmiðlum í Bandaríkjun-
um verður þetta engin smámynd, talið er
að kostnaðurinn verði í kringum 60 til 90
milljónir dollara eða sex til tíu milljarðar
íslenskra króna eða næstum helmingi dýrari
en Contraband, fyrsta alvöru Hollywood-
mynd Baltasars. „Það er gert ráð fyrir því
að tökur hefjist í mars á næsta ári.“
Verið er að ræða við aðra stórstjörnu um
að leika í myndinni en Vince Vaughn, gam-
anleikarinn góðkunni, hefur verið orðaður
við hana í dágóðan tíma. Ekki er þó líklegt
að hann verði fenginn til verksins.
Að sögn leikstjórans er horft til Nýju-
Mexíkó sem aðaltökustaðar og standa
tökur væntanlega yfir í rúma þrjá mán-
uði. „Þetta er hálft ár sem fer í þetta verk-
efni þannig að maður þarf að finna hús,
helst með sundlaug,“ grínast Baltasar
með. 2 Guns er byggð á myndasögu eftir
Steven Grant en það er handritshöfundur-
inn Blake Masters sem mun aðlaga söguna
að hvíta tjaldinu. Meðal framleiðenda er
Marc Platt en hann á meðal annars heið-
urinn af kvikmyndunum Drive og Scott
Pilgrim vs. the World. - fgg
Baltasar semur um Wahlberg-mynd
SANNKÖLLUÐ STÓRMYND Baltasar
Kormákur leikstýrir kvikmyndinni
2 Guns sem Mark Wahlberg mun
leika aðalhlutverkið í. Tökur fara
væntanlega fram í Nýju-Mexíkó en
kostnaðurinn við gerð hennar er
talinn hlaupa á sex til tíu milljörðum
íslenskra króna. FRÉTTABLAÐIÐ/ANTON
„Ég er ótrúlega spennt. Ég hlakka svo mikið til,“
segir Bryndís Jakobsdóttir sem spilar í Kaldalóns-
sal Hörpunnar á laugardagskvöld.
Þar kynnir hún fyrstu plötu dúettsins Song For
Wendy, Meeting Point, sem kemur út í lok næstu
viku á vegum Senu. Sveitin er samstarf Bryndís-
ar og kærasta hennar, Danans Mads Mouritz. Þau
kynntust árið 2008 í vinnubúðum fyrir lagasmiði á
vegum tónlistarhátíðarinnar Spot í Árósum og hafa
síðan þá unnið mikið saman í tónlistinni. „Við höfum
verið að hjálpast mikið að en svo ákváðum við að
byrja að semja saman og það gekk eitthvað svo
vel. Það var allt saman svo auðvelt ferli. Við áttum
aldrei í vandræðum með að semja saman,“ segir
Bryndís.
Hún og Mads tóku upp plötuna eftir að hafa farið í
tónleikaferðalag í desember í fyrra. Áður höfðu þau
safnað saman mörgum af sínum uppáhaldsljóðum
og voru lögin samin undir áhrifum frá þeim.
Í Hörpunni á laugardagskvöld verða þau tvö á
sviðinu. Bæði syngja þau auk þess sem Mads spilar
á kassagítar á meðan Bryndís býr til alls kyns fal-
leg hljóð í tölvunni sinni. Lögin eru mörg hver róm-
antísk og hugguleg með elektrónískum áhrifum.
Bryndís segist vera með annan fótinn á Íslandi en
þau Mads fara til Danmerkur á mánudag ásamt syni
sínum Magnúsi sem er níu mánaða. Eins og komið
hefur fram í Fréttablaðinu stundar hún lagasmíða-
nám við The Royal Danish Academy of Music og er
einnig að vinna að næstu sólóplötu sinni. Sú fyrsta
kom út fyrir þremur árum við góðar undirtektir. - fb
Gott að semja með kærastanum
SONG FOR WENDY Fyrsta plata Bryndísar Jakobsdóttur og Mads
Mouritz kemur út í næstu viku. FRÉTTABLAÐIÐ/HAG
GLÆSILEGUR GALA-KVÖLDVERÐUR
Ólafur Ragnar og Dorrit verða viðstödd glæsilegan galakvöldverð hjá
American-Scandinavian Foundation. Dýrustu borðin kosta í kringum sex
milljónir íslenskra króna en meðal nafntogaðra Íslendinga sem hafa verið
viðloðandi stjórn samtakanna eru Helgi Tómasson og Björgólfur Guð-
mundsson. Veislustjóri kvöldsins verður hins vegar hin norska Liv Ullmann.
25 ára velgengni
EÐAL GINSENGS
á Íslandi
Eingöngu notaður
virkasti hluti rótarinnar
Skerpir athygli - eykur þol
Kveðjum slen og streitu
fagnar tímamótunum
með því að bjóða
25% afslátt
til 25. október
Snemma morguns dreifa um
450 blaðberar pósti og
Fréttablaðinu heim til
lesenda.
Til að tryggja öryggi blaðbera
og dreifingu þarf lýsing að
vera til staðar og aðkoma
að póstlúgu í lagi.
Höfum útiljósin kveikt.
Með fyrirfram þökk,
Sími: 585 8300 www.postdreifing.is
Allt í myrkri?
Alla virka daga kl. 18.00
Disovery Channel er fáanleg í ALLT FRÆÐSLA TOPPUR LANDSBYGGÐ