Fréttablaðið - 14.10.2011, Blaðsíða 26

4 föstudagur 14. október
Þ
egar blaðamaður bank-
ar upp á hjá Sóleyju er
hún sjálf nýkomin heim.
Hún hafði verið að spila
í Kastljósi um morgun-
inn, þaðan lá leið hennar í útvarps-
viðtal á Rás 2 og seinna sama dag
þurfti hún að mæta í hljóðprufu
uppi í Hörpu því hún átti að koma
fram á Airwaves það kvöld. Sóley
gaf út sína fyrstu sólóplötu, We
Sink, í haust og líkt og greina má
hefur hún verið dugleg við að fylgja
henni eftir.
Sóley gerði garðinn fyrst fræg-
an með hljómsveitunum Seabear
og Sin Fang Bous og segir tilvilj-
un hafa í raun ráðið því að hún
gaf út eigið efni. „Tomas Morr, eig-
andi plötuútgáfunnar Morr Music,
spurði mig hvort ég ætti einhver
lög til að senda honum. Ég sendi
honum nokkur og allt í einu var ég
komin með nóg efni í stuttskífu og
í raun er breiðskífan óbeint fram-
hald af henni,“ útskýrir Sóley, en
stuttskífan kom út vorið 2010 og
lofaði góðu um framhaldið.
Sóley steig á svið í Kaldalóns-
salnum í Hörpunni á miðvikudag-
inn var og viðurkennir að hún finni
enn alltaf fyrir svolitlum fiðringi
í maganum áður en hún stígur á
svið. „Maður verður alltaf svolít-
ið stressaður en núna kann maður
betur að takast á við það. Það er allt
öðruvísi að koma fram þegar ég er
að spila mína eigin tónlist heldur
en þegar ég kem fram með Seabear.
Það sem er öðruvísi er athyglin á
mér, ég þarf að tala á milli laga og
syngja og þetta stendur svolítið og
fellur með mér.“
Þegar Sóley er spurð hvort það
sé ekki tímafrekt að undirbúa sig
fyrir eins stóra hátíð og Airwaves
segist hún hafa fengið góða æfingu
á tónleikaferðalagi sínu í septem-
ber síðastliðnum. „Ég spilaði með
og hitaði upp fyrir Sin Fang á tón-
leikaferðalagi í september og það
kom sér mjög vel því ég og tromm-
arinn minn náðum að spila okkur
vel saman meðan á því stóð. En það
er margt annað sem þarf að gera í
kringum Airwaves eins og að fara
í viðtöl og sinna öðrum uppákom-
um og það getur tekið sinn tíma.“
GRÆÐIR LÍTIÐ Á TÓNLIST
Sóley útskrifaðist sem tónsmiður
frá Listaháskóla Íslands árið 2010
og stundar nú nám við FÍH auk þess
sem hún kennir við Tónlistarskóla
Hafnarfjarðar. Hún segir stundum
erfitt að samræma vinnu, nám og
einkalífið við tónlistina og enda-
laus tónleikaferðalög um heim-
inn. „Það gengur af því að kærast-
inn minn er ótrúlega skilningsrík-
ur og hjálpsamur. Þegar mér finnst
þetta verða alltof mikið og eigin-
lega „fríka“ út af stressi þá er gott
að eiga góða að sem halda mér við
hlutina,“ segir hún og brosir.
Hún segir tónleikahald gefa
lítið í aðra hönd og að tónleika-
ferðalög þjóni fyrst og fremst sem
kynning fyrir tónlistarmanninn.
„Maður græðir voða lítið á tón-
leikaferðalögum og á sama tíma
missir maður úr vinnu þannig að
maður kemur sjaldnast út í mikl-
um plús. Tónlistarmenn græða held
ég mest á því að selja lög í auglýs-
ingar, sjónvarpsþætti eða kvik-
myndir. Seabear seldi einu sinni lag
í sjónvarpsþáttinn Grey‘s Anatomy
og við fengum einhverjar milljón-
ir fyrir það, en helmingurinn fór
til bókarans og svo deildist restin
á okkur sjö þannig að þó þetta sé
fínn peningur þá urðum við engir
milljónamæringar.“
Á tónleikaferðalögum reyna
hljómsveitirnar að lifa spart, enda
kostar uppihald, gisting og öku-
ferðir á milli staða sitt. Stundum
kemur það þó fyrir að tónlistarfólk-
ið fær allt greitt undir sig og minn-
ist Sóley þess þegar hún dvaldi eitt
sinn á 5 stjörnu hóteli í Þýskalandi.
„Mér skilst að þetta hafi verið ein-
hver viðburður til að vekja athygli
á gróðurhúsaáhrifunum og Seabear
var flogið til Berlínar og komið fyrir
á 5 stjörnu hóteli. Við spásseruðum
þar um í hvítum sloppum og kíkt-
um í spa og það var alveg frábært.
En oftast eru ferðalögin þannig að
maður reynir að eyða sem minnstu
og gista á ódýrum hótelum því pen-
ingurinn er fljótur að fara. Það þarf
að borga bílaleigubíl, mat, gistingu,
hljóðmanni og svo framvegis.“
SPILAÐI Á SLAGVERK
Sóley hóf tónlistarnám aðeins fjög-
urra ára gömul og hefur stundað
píanóleik frá átta ára aldri. Hún
segir tónlistaráhugann loða við
fjölskylduna því faðir hennar er
básúnuleikari og tónlistarkennari,
bróðir hennar er trompetleikari og
yngri systir hennar leikur á horn.
„Bróðir minn var í lúðrasveit og ég
man að ég öfundaði hann oft af því
að vera í hljómsveit. Það er gaman
að spila á píanó en það getur líka
verið svolítið einmanalegt og þess
vegna ákvað ég að ganga til liðs
við hljómsveit þegar ég var tólf ára
og lærði á slagverk. Það var mjög
skemmtilegt og ég kynntist fullt af
frábærum krökkum sem eru enn
vinir mínir í dag.“
Sóley er fjölhæfur tónlistarmað-
ur og þótt hún leiki helst á píanó
spilar hún einnig á gítar, bassa,
trommur og á harmonikku auk
þess að geta spilað einn tónstiga
á trompet. „Maður getur svo sem
gripið í ýmis hljóðfæri en ég held
að margir tónlistarmenn geti gert
það sama. Þetta er bara eitthvað
sem lærist.“
VILDI VERÐA DÝRALÆKNIR
Sóley deilir heimili með fress-
inu Gosa og kærasta sínum, Héðni
Finnssyni sem stundar myndlist-
arnám við LHÍ. „Við fengum Gosa
fyrir tæpu einu og hálfu ári. Mér
finnst mjög gaman að eiga kött
því þeir eru svo miklir karakter-
ar og skemmtilega sjálfstæð dýr,“
segir Sóley og viðurkennir að hún
sé mikill dýravinur og að hana hafi
dreymt um að gerast dýralæknir
þegar hún var barn.
„Ég átti alltaf bara hamstra
þegar ég var yngri því stóri bróðir
minn var með ofnæmi fyrir kött-
um og hundum. Helst langar mig
að eiga fleiri ketti og hesta og líka
hund. Mig langaði alltaf að verða
dýralæknir þegar ég var lítil, eða
alveg þar til ég áttaði mig á því
að það fylgir starfinu að þurfa að
svæfa dýrin. Ég man líka að ég átti
það til að elta konur sem voru í
pelsum svo ég gæti klappað feld-
inum og ég á eina minningu af
því að hafa hangið í pels gamall-
ar konu í Kringlunni,“ segir hún
hlæjandi.
Sóley og Héðinn eru sannkallað
listamannapar og þegar blaðamað-
VILDI VERÐA
DÝRALÆKNIR
Fjölhæfur tónlistarmaður Sóley Stefánsdóttir spilar á fjölda hljóðfæra, þar á meðal
píanó, gítar, bassa og harmonikku. Hún sló í gegn með fyrstu sólóplötu sinni sem kom
út í haust.
Sóley Stefánsdóttir
gaf nýverið út sína fyrstu
sólóplötu, We Sink, og
hefur hlotið mikið lof
fyrir. Hún steig á svið í
fyrsta sinn ein síns liðs á
Airwaves á miðvikudag-
inn var.
Viðtal: Sara McMahon
Myndir: Anton Brink
Ver› a›eins kr.
„Bróðir minn var í lúðrasveit og ég man
að ég öfundaði hann oft af því að vera í
hljómsveit. Það er gaman að spila á píanó en
það getur líka verið svolítið einmanalegt.