Fréttablaðið - 25.10.2011, Blaðsíða 2

25. október 2011 ÞRIÐJUDAGUR2
Gunnleifur, hefur þú gaman af
Sex and the City?
„Nei, ég hef hingað til ekki haft
gaman af þáttunum, en ég naut
þess að horfa á Six and the City um
helgina.“
Gunnleifur Gunnleifsson landsliðs-
markvörður er einn harðasti aðdáandi
Manchester City hér á landi. Hann horfði
glaður á sína menn leggja nágrannana í
United, 1-6, um helgina.
BJÖRGUN Vonast er til þess að hægt verði að bjarga
Sölku GK úr Sandgerðishöfn þar sem hún hefur
legið í kafi frá því á sunnudag.
Salka, sem er 30 tonna trébátur, sökk við höfnina
eftir að stálbáturinn Rán GK sigldi á hana með þeim
afleiðingum að rifa kom á skrokk bátsins.
Sigurður Örn Stefánsson, hjá kafaraþjónustu Sig-
urðar, sem vinnur að björgun bátsins, segir í sam-
tali við Fréttablaðið að ekki hafi tekist að fá krana
til að hífa hann upp úr sjónum.
„Ég á von á að fá kranann á morgun og komast í
þetta um hádegið. Við lagfærðum rifu á skrokknum
og munum svo á morgun hífa bátinn upp og dæla úr
honum jafnóðum.“
- þj
Enn á hafsbotni eftir að hafa sokkið eftir ásiglingu í Sandgerðishöfn:
Björgun heldur áfram á morgun
Í KAFI Salka GK sökk í Sandgerðishöfn og aðeins möstrin
standa upp úr sjónum. Vonast er til þess að hægt verði að hífa
Sölku upp í dag. MYND/VÍKURFRÉTTIR
SVÍÞJÓÐ Sænska þjóðkirkjan hefur
í kjölfar banaslyss beint þeim til-
mælum til forstjóra allra kirkju-
garða í Svíþjóð að þeir láti kanna
öryggismál í kringum legsteina í
görðunum.
Síðastliðinn sunnudag lést átta
ára hálf íslensk stúlka eftir að hafa
orðið undir legsteini í kirkjugarði í
Bollebygd. Litla stúlkan hafði farið
í kirkjugarðinn með móður sinni
og systur og klifrað upp á legstein.
Steinninn valt og féll ofan á stúlk-
una. Hún lést skömmu eftir komu á
sjúkrahús. - ibs
Sænska þjóðkirkjan:
Kanna öryggi í
kirkjugörðum
LÖGREGLUMÁL Lögreglan á höfuð-
borgarsvæðinu vinnur nú að
rannsókn á því hvort alvarlegt
umferðarslys, sem varð á Dal-
vegi síðastliðinn miðvikudag,
megi meðal annars rekja til þess
að vinnureglur og jafnvel fyrir-
mæli yfirmanna Íslensku gáma-
stöðvarinnar hafi gert ráð fyrir
innakstri þar sem hann er bann-
aður.
Slysið varð með þeim hætti að
gámabifreið var beygt í veg fyrir
hjólreiðamann sem lenti á bif-
reiðinni og undir henni.
Á Vísi.is kemur fram að sú
vinnuregla að láta bílana aka
gegn innakstursbanni að gáma-
stöðinni sé ekki viðhöfð nú eftir
að slysið varð.
Lögregla óskar eftir vitnum
í síma 444-1000 eða á netfangið
abending@lrh.is - jss
Umferðarslys í rannsókn:
Vinnureglunni
breytt eftir slys
LÖGREGLUMÁL Maður sem búsettur
er á Drangsnesi hafði síðast liðinn
sunnudagsmorgun samband við
lögregluna á Vestfjörðum. Hann
hafði skömmu áður komið að
dráttarvél sinni, þar sem hún
stóð upp við stafla af heyrúllum.
Vélin var í gangi og var hún búin
að grafa sig niður aftan við rúllu-
staflann.
Líklegt þykir að samsláttur
hafi orðið í rafkerfinu, þá hugsan-
lega vegna músagangs, og við það
hafi vélin hrokkið í gang. - jss
Lögregla fæst við ýmislegt:
Mús startaði
dráttarvélinni
FLÓÐ Í BANGKOK Leiguvögnum ekið
gegnum elginn. NORDICPHOTOS/AFP
TAÍLAND, AP Ekkert lát er á flóð-
unum í Taílandi og nú er fólk
beðið um að forða sér úr nokkr-
um hverfum höfuðborgarinnar
Bangkok.
„Ég held að vatnið sé að elta
mig,“ segir Supanee Pansuwan,
kona sem hefur þurft að flytja
hafurtask sitt fjórum sinnum til
að losna undan flóðahættunni.
Nú þarf hún að fara frá skýlinu
sem hún hefur hafst við í einu
úthverfa höfuðborgarinnar síð-
ustu tvær vikurnar.
„Hvert sem ég fer kemur vatn-
ið á eftir mér, þannig að ef ég flyt
mig enn á ný held ég að vatnið
muni fylgja mér aftur.“
Taílenska stjórnin hefur verið
gagnrýnd fyrir að ráða ekki við
vandann en hún segir þá gagn-
rýni ósanngjarna. - gb
Kona í Taílandi flýr flóðið:
Vatnið eltir við
hvern flutning
ÞÝSKALAND, AP Áform leiðtoga
evruríkjanna til lausnar
skuldakreppunni verða borin
undir þýska
þingið á mið-
vikudag, sama
dag og þau
verða afgreidd
á fundi fjár-
málaráð-
herra Evrópu-
sambands-
ríkjanna.
Angela
Merkel Þýskalandskanslari
skýrði flokksleiðtogum á þýska
þinginu frá áformunum í gær.
Hugmyndin er sú að efla enn
frekar neyðarsjóð Evrópusam-
bandsins, dæla fé í evrópska
banka og fella niður allt að
60 prósent af skuldum gríska
ríkis ins. - gb
Merkel skýrir frá áformum:
Borin undir
þýska þingið
ANGELA MERKEL
VIÐSKIPTI „Ég er ekkert í stríði við
þá en þeir eru greinilega í stríði
við Fiskikónginn,“ segir Kristján
Berg, sem rekur fiskbúðina Fiski-
kónginn á Sogavegi. Kristjáni
barst í gær tölvupóstur frá starfs-
manni Domino‘s sem fór fram á að
Kristján hætti að auglýsa svokall-
aða Megafiskiviku svo ekki kæmi
til frekari eftirmála.
Í tölvupóstinum segir að
rekstrar aðili Domino‘s á Íslandi,
Pizza Pizza ehf., hafi verið með
vörumerkið Megaviku skráð síðan
2003 „og notað mikið eins og þú
væntanlega veist“. Haft hafi verið
samband við Einkaleyfastofu og
þar hafi þau svör fengist að notk-
un Kristjáns á orðinu bryti líklega
gegn einkaleyfinu.
„Það að bæta við almennu orði
líkt og „fiski“ hefur ekki áhrif þar
sem um er að ræða almennt orð
sem ekki er mögulegt að skrá sem
vörumerki,“ segir enn fremur.
Þetta getur Kristján illa fellt sig
við. „Hvernig getur þeim dottið í
hug að Fiskikóngurinn sé að eyði-
leggja eitthvað „brand“ sem heit-
ir Mega? Má þá ekki skíra vörur
Megakjöt eða Megafisk eða Mega-
neitt? Á ég að fá mér einkaleyfi á
orðinu Kóngurinn og ef einhver
kallar sig til dæmis Fasteigna-
kónginn þá fer ég í mál við hann?“
spyr Kristján.
Auglýsingarnir birtust fyrst
í Fréttablaðinu og heyrðust í
útvarpi í gær og áttu að gera svo
áfram alla vikuna. Kristján segist
ætla að halda áfram að auglýsa í
dag hið minnsta, enda hafi hann
þegar verið búinn að panta aug-
lýsingaplássið.
„Ég ætla bara að halda þessu
áfram – hvað annað á ég að gera?
Ég er bara búinn að vera að hugsa
um hvað þetta er fáránlegt meil.
Ég hef ekki komist lengra.“
Í tölvupósti Domino‘s-starfs-
mannsins er einnig gerð athuga-
semd við verðið sem Kristján aug-
lýsir, sem er hið sama og pítsurnar
kosta í Megaviku Domino‘s, eða
1.390 krónur.
„Þeir eru með 1.390 – má þá ekk-
ert kosta 1.390? Eru þeir kannski
með einkaleyfi á því líka?“ spyr
Kristján og þvertekur fyrir að
hann hafi hermt eftir verði Dom-
ino‘s. „Ég hafði ekki hugmynd um
að þeir væru að selja á 1.390 fyrr
en ég sá þennan póst.“
Kristján segir þó við ofurefli að
etja og því sé óljóst hvernig málið
endi. „Ég er náttúrulega bara lít-
ill fisksali. Það er kannski best
að halda bara kjafti og fjarlægja
þetta áður en tröllið kemur og stíg-
ur ofan á kónginn.“
stigur@frettabladid.is
Pítsurisi í megaslag
við lítinn Fiskikóng
Domino‘s krefst þess að Fiskikóngurinn hætti að auglýsa Megafiskiviku, enda
sé Megavika skrásett vörumerki. Í báðum vikum kosta vörurnar 1.390 krónur en
Fiskikóngurinn segir það tilviljun. Hann hyggst auglýsa áfram – allavega í dag.
BRATTUR Kristján er forviða á tölvupóstinum úr herbúðum Domino‘s. Hann er samt
ekki af baki dottinn – að minnsta kosti ekki enn. FRÉTTABLAÐIÐ/STEFÁN
Ég er náttúrulega
bara lítill fisksali. Það
er kannski best að halda bara
kjafti og fjarlægja þetta áður
en tröllið kemur og stígur
ofan á kónginn.
KRISTJÁN BERG
FISKSALI
LÍBÍA Lík 53 stuðningsmanna Muammars
Gaddafí hafa fundist á hóteli í borginni Sirte.
Mannréttinda samtökin Human Rights Watch
segja að fólkið hafi verið tekið af lífi, enda hafi
sumir verið með hendur bundnar fyrir aftan bak
þegar þeir voru skotnir í höfuðið.
Í tilkynningu frá samtökunum segir að hin nýju
stjórnvöld í Líbíu verði að rannsaka þessar af-
tökur og draga morðingjana til ábyrgðar. Líbíska
þjóðarráðið hefur neitað að hafa komið nálægt
dauða mannanna. Human Rights Watch segir lík-
legt að þarna hafi verið að verki andstæðingar
Gaddafís sem ekki hafi verið undir stjórn ráðsins.
Hótelið þar sem líkin fundust hafi verið undir
stjórn uppreisnarmanna frá Misrata. „Sönnunar-
gögnin benda til þess að mörg fórnarlambanna
hafi verið skotin þegar þau voru fangar,“ segir í
tilkynningu samtakanna, en rúm vika er sögð frá
því að aftökurnar áttu sér stað.
Samtökin hafa einnig greint frá því að 95 manns
hafi fundist látnir á sama stað og Gaddafí var
handsamaður. Fleiri mannréttindasamtök hafa
greint frá mannréttindabrotum bæði af hendi
stuðningsmanna Gaddafís og andstæðinga.
Í gærkvöldi bárust fréttir af því að jarða ætti
Gaddafí og einn sona hans með leynd í dag.
- þeb / sjá síðu 8
Lík 53 stuðningsmanna Gaddafís fundust á hóteli í Sirte:
Stuðningsmenn teknir af lífi
FALLINN LEIÐTOGI Lík Gaddafís hefur verið geymt á dýnu í
frystigeymslu í Misrata. Lík 53 stuðningsmanna hans fundust á
hóteli í borginni Sirte. NORDICPHOTOS/AFP
SPURNING DAGSINS