Fréttablaðið - 25.10.2011, Blaðsíða 18

Heyrðu umskiptin
Fáðu heyrnartæki til reynslu
Tímapantanir 534 9600
Heyrn · Hlíðasmári 11
201 Kópavogur · heyrn.isHEYRNARÞJÓNUSTA
Landlæknisembættið hefur gefið öllum nem-
endum í 2. og 3. bekk grunnskóla endurskinsmerki.
Merkið er í formi tannar. Merkjunum er ætlað að auka
öryggi barnanna í umferðinni en eru jafnframt áminn-
ingarspald um tannvernd.
Magnea Þórey Hilmarsdóttir og
Finnur Bjarki Tryggvason áttu
saman tvö börn, Hilmar nítján ára
og Andreu fimmtán ára, þegar þau
ákváðu að eignast eitt til viðbótar.
„Til að hafa eitthvað að gera,“ eins
og Magnea orðar það glettin. Í stað
eins fengu þau tvo litla gleðigjafa,
þá Bjarka Leó og Bjart Elí, sem
komu í heiminn í janúar síðastliðn-
um. Það gekk þó ekki þrautalaust
fyrir sig.
„Þeir áttu að koma í heiminn
um miðjan apríl en í byrjun janú-
ar kom í ljós að næring í gegnum
naflastreng var farin að skerð-
ast til annars tvíburans,“ út skýrir
Finnur. Í framhaldi var ákveðið
að fylgjast með en strax í næstu
skoðun var ljóst að Magnea þyrfti
að fara í keisaraskurð. „Það náð-
ist að gefa mér sterasprautur til að
hjálpa til við lungnaþroska og blóð-
þrýsting strákanna,“ segir Magnea
sem situr með sprækan Bjarka Leó
í fanginu á heimili móður henn-
ar í Mosfellsbænum. Þau Finnur
búa á Hvolsvelli en koma reglu-
lega í bæinn í eftirlit með strák-
ana. Bjartur litli liggur hjá pabba
sínum, töluvert minni en eineggja
bróðir hans en samt afar líflegur að
sjá eins og vera ber hjá heilbrigð-
um dreng. „Það munaði ekki nema
200 grömmum á þeim við fæðingu
en Bjartur hefur átt aðeins erfið-
ara og hefur því þroskast hægar,“
útskýrir Magnea.
Þau Finnur höfðu fengið að kynn-
ast starfi vökudeildar aðeins áður
en kom að keisaraskurðinum enda
vissu þau að hún yrði heimili þeirra
næstu mánuði. „Drengirnir okkar
héldu læknunum alveg á tánum,“
segir Finnur, en eins og þau höfðu
verið vöruð við gekk tilveran út á
að fara eitt skref fram og tvö aftur.
„Þeir fóru báðir í stóra aðgerð þar
sem fósturæðin lokaðist ekki. Síðan
fengu þeir ýmsar sýkingar og veikt-
ust á víxl,“ lýsir hann og bætir við,
„maður var oft skíthræddur.“ Þau
Magnea dvöldu mikið á spítalanum
en fengu til umráða íbúð Barna-
spítalans í Eskihlíð. „Það bjarg-
aði okkur alveg,“ segja þau, en að
fimmtán viknum liðnum fengu
bræðurnir að koma heim.
Þeim virðist ekki hafa orðið
meint af. „Þegar við fórum í síð-
ustu skoðun sagði læknirinn þeirra
við mig að nú væru þeir orðnir
venjulegir drengir,“ segir Magn-
ea og kjassar Bjarka. Drengina
nefndu þau strax og þeir fæddust
en þeir voru skírðir í sumar um
leið og Magnea og Finnur giftu
sig. „Okkur fannst þá ekki koma
annað til greina en að afþakka
brúðkaupsgjafir og biðja gesti að
gefa í styrktar sjóð fyrir vökudeild-
ina,“ segir Magnea. „Það sló okkur
á deildinni að í þessu flotta hús-
næði voru langflest tækin merkt
gjafir,“ segir Finnur, en þau hjón-
in dást einlæglega að Kvenfélaginu
Hringnum.
Brúðkaupsgestirnir tóku við
sér og nægilegt fé safnaðist til að
kaupa tólf hægindastóla og kerru
með lúxus stól. „Gjöfina keyptum
við í samráði við starfsmenn vöku-
deildarinnar,“ útskýrir Finnur.
Magnea og Finnur eru sammála
um að starfsfólk vökudeildarinnar
sé til fyrirmyndar. „Þau tóku afar
vel utan um okkur og gáfu mikið af
sér,“ segir Finnur. „Við kynntumst
starfsfólkinu vel og meira að segja
reddaði Helga hjúkrunarkona okkur
í sumar þegar hún kom austur og
passaði strákana þegar við giftum
okkur,“ segir Magnea glaðlega.
Fjölskyldan hefur ekki alveg sagt
skilið við vökudeildina. „Við komum
alltaf á vökudeildina ef við eigum
leið um. Það er líka gott fyrir for-
eldra sem eru að ganga í gegnum
þessa hluti að sjá börn sem hafa
komist í gegnum ferlið og eru heil-
brigð,“ segir Finnur.
solveig@frettabladid.is
Vorum oft hrædd um þá
Tvíburarnir Bjarki Leó og Bjartur Elí byrjuðu fyrstu fimmtán vikur ævinnar á vökudeild Barnaspítala
Hringsins. Foreldrar þeirra, Magnea og Finnur, gáfu deildinni brúðkaupsgjafir sínar til að þakka fyrir sig.
Magnea með Bjarka Leó og Finnur með Bjart Elí. Þeir eru hressir drengir og hefur
ekki orðið meint af fimmtán vikna dvöl á vökudeild í upphafi lífsins. FRÉTTABLAÐIÐ/GVA
Greindarvísitala getur
breyst á unglingsárum
eftir því sem niður-
stöður nýrrar rann-
sóknar benda til. Gert
var greindarpróf á
fjórtán ára unglingum
sem endurtóku prófið
fjórum árum síðar.
Sumir stóðu sig betur
meðan aðrir komu
verr út í seinna próf-
inu. Áður var
haldið að
greindarvísitala
héldist stöð-
ug út lífið en
svo virðist
ekki vera.
www.bbc.co.uk/news
BÓKIÐ AUGLÝSINGAR
TÍMANLEGA:
ÍVAR ÖRN HANSEN
S: 512 5429, GSM: 615 4349
ivarorn@365.is
SÆLLA ER AÐ
GEFA
EN ÞIGGJA
Sérblað um fyrirtækjagjafir kemur
út þann 9. nóvember.