Fréttablaðið - 25.10.2011, Blaðsíða 12

12 25. október 2011 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
SÁPA OG
VARNARKREM TIL
DAGLEGRAR UMHIRÐU
Á KYNFÆRASVÆÐINU
EFTIR BREYTINGASKEIÐ
EKKI NOTA HVAÐ SEM ER...
FÆST Í APÓTEKUM, FJARÐARKAUP OG HAGKAUP
HALLDÓR
Fyrir ári var ákveðið að sameina St. Jósefsspítala og Landspítala-Háskóla-
sjúkrahús. Þá sagðist ég ekki fara gegn
þeirri sameiningu ef hún myndi leiða til
raunverulegrar hagræðingar. Að sam-
einingin myndi varðveita þjónustustig og
merkar rannsóknir sem átt hafa sér stað
innan St. Jósefsspítala og að staða starfs-
fólks yrði tryggð. Að starfseminni til ára-
tuga á þessum sögulega spítala yrði sýnd
örlítil virðing. Kannski var það röng nálg-
un hjá mér sem þingmanni Suðvesturkjör-
dæmis, kannski var réttara að fara strax í
„kjördæmisgírinn“ svonefnda og segja nei
við öllu. Það hefur gefist vel hjá ýmsum
enda auðveld leið. Það finnst mér hins
vegar ekki málefnalegt, allra síst á tímum
erfiðra ákvarðana í ríkisfjármálum.
Í umræðum um sameininguna var síðan
ýmsu lofað samhliða erfiðum breytingum
í tengslum við St. Jósefsspítala. Þótt
Hafnfirðingar væru engan veginn sáttir
var haldið að við þessi einföldu loforð um
legudeild yrði staðið. Auðvitað voru uppi
raddir um að þetta væru bara enn ein
Pótemkíntjöld ríkisstjórnarinnar, að ráð-
herrann myndi alltaf á endanum loka St.
Jósefsspítala en þyrði ekki að segja hlut-
ina hreint út þegar átökin voru sem mest.
Ég vildi ekki trúa því en það hefur nú
komið á daginn.
Spítalanum hefur nú verið lokað. Engin
starfsemi er í þessari merku stofnun og
húsi sem St. Jósefssystur létu í hendur
ríkinu árið 1987 eftir 60 ára starf. Vel-
ferðarráðherra Samfylkingar ber ábyrgð
á því. Ekkert liggur fyrir um hagræð-
inguna og alger óvissa er um hvernig
varðveita á rannsóknir og þekkingu sem
byggðist upp á spítalanum í Hafnarfirði.
Þótt ráðherrann hafi játað það að hafa
svikið loforð við Hafnfirðinga þá má að
hans mati ekki spyrja frekari spurninga.
Allra síst þeir sem sátu í ríkisstjórn Sam-
fylkingar og Sjálfstæðisflokks er hrunið
varð.
Það er rétt, ég heiti Þorgerður Katrín
og var menntamálaráðherra í þeirri
stjórn. Er nú í stjórnarandstöðu. Mun
ekki sitja hljóð meðan ég verð á þingi,
heldur halda uppi gagnrýni á það sem er
illa gert eða má betur fara. Ég hef sjálf
slæma reynslu af því að taka óþægilegar
aðfinnslur óstinnt upp og hef lært af því.
Það er nefnilega betra að hlusta á gagn-
rýni þótt hún kunni að vera óþægileg,
ekki síst fyrir þá sem halda um stjórn-
völinn hverju sinni.
Hver má segja hvað?
Heilbrigðis-
mál
Þorgerður
Katrín
Gunnarsdóttir
alþingismaður
Framboðstilkynning
Mikið hefur verið rætt og ritað um
það hvort Hanna Birna Kristjánsdóttir
hyggst bjóða sig fram til formanns
Sjálfstæðisflokksins gegn Bjarna
Benediktssyni. Sumir telja að Hanna
sé að falla á tíma og þurfi að drífa út
tilkynningu, ætli hún í framboð. Af því
tilefni má rifja upp að síðast þegar
formaður féll í kosningu,
þegar Davíð felldi Þor-
stein, var tilkynnt um
framboð 13 dögum fyrir
landsfund. Samkvæmt
því hefur Hanna Birna
enn rúm til ákvörðunar,
en landsfundur verður
settur 17. nóvember.
Barnaólánið
Umræða á landsfundum stjórnmála-
flokka getur tekið á sig kúnstugar
myndir. Meðal þeirra verkefna sem
Jóhanna Sigurðar dóttir brýndi
flokksmenn til, í ræðu á landsfundi
Samfylkingarinnar, var að „hlúa
þannig að barnafjölskyldum að það
verði eftirsóknarvert og gefandi að
fæða og ala upp börn á Íslandi“.
Af þessu má skilja að svo sé
ekki í dag.
Fjölbreyttar fyrirspurnir
Fyrirspurnir þingmanna eru
oft hinar áhuga-
verðustu. Nú
liggja fjölmargar
slíkar fyrir ráðherrum og fjalla um
ólíklegustu málefni. Þorgerður
Katrín Gunnarsdóttir spyr mennta-
málaráðherra til dæmis um áhrif
rafbóka á skólakerfið, en áhrif þeirrar
nýjungar er mikið rannsóknarefni
um allan heim og fáir gætu svarað
fyrirspurninni svo vel færi. Mörður
Árnason slær ekki slöku við og hefur
til að mynda sent sjávarútvegs-
ráðherra þrjár fyrirspurnir um
hvalveiðar. Flestir bíða líklega
spenntir eftir svari við annarri
fyrirspurn hans, sem er stutt
og laggóð: Hvað heitir
Ríkisútvarpið?
kolbeinn@frettabladid.isV
íg Muammars Gaddafí, fyrrverandi leiðtoga Líbíu, í
síðustu viku batt enda á fjörutíu og tveggja ára blóðuga
harðstjórn í landinu. Að því leyti markar það kaflaskil
og hefur orðið mörgum tilefni til að fagna.
Frásagnir af endalokum einræðisherrans benda
hins vegar til að hann og sonur hans hafi í raun verið teknir af
lífi án dóms og laga. Sama má segja um tugi stuðningsmanna
Gaddafís, en lík þeirra fundust á hóteli í borginni Sirte. Enn
fremur hafa borizt fréttir af grimmilegum hefndaraðgerðum
gegn fólki sem talið er hafa unnið fyrir stjórn Gaddafís eða notið
velvildar hans.
Þetta bendir til að annaðhvort
meini nýir valdhafar í landinu
ekki það sem þeir segja um að
nú eigi að koma á réttarríki
í Líbíu eða að þeir hafi enga
stjórn á ástandinu. Hvort
tveggja er áhyggjuefni. Æski-
legast hefði að sjálfsögðu verið
að Gaddafí og liðsmenn hans
hefðu fengið sanngjörn réttarhöld.
Það er því fullkomlega réttmætt sem mannréttindasamtök,
erlend ríki og alþjóðastofnanir hafa farið fram á, að tildrög dauða
Gaddafís verði rannsökuð. Uppreisnarmenn í Líbíu komust til
valda með aðstoð alþjóðasamfélagsins og eiga að sjálfsögðu að
sæta aðhaldi þess nú þegar þeir halda um stjórnartaumana.
Það er alls ekki sjálfgefið að byltingarnar í arabaríkjunum,
arabíska vorið svokallaða, leiði af sér nýtt blómaskeið friðar,
lýðræðis og virðingar fyrir mannréttindum. Lýðræðishefð er
víða engin til og stofnanir sem geta fyllt upp í valdatómið sem
einræðis herrarnir skilja eftir sig eru víða vanþroskaðar eða
hreinlega ekki til. Átök milli ættbálka, þjóðarbrota og fylgis-
manna ólíkra trúarbragða krauma víða undir.
Kosningarnar í Túnis fóru vel fram, að mati þeirra sem fylgzt
hafa með þeim, og gefa vonir um að hægt sé að færa völdin í
hendur almennings með lýðræðislegum og friðsamlegum hætti.
Margir hafa hins vegar áhyggjur af því að herforingjarnir sem
tekið hafa völdin í Egyptalandi muni verða tregir til að láta völdin
af hendi að afstöðnum kosningunum sem fram undan eru.
Vorkoman í arabaríkjunum er þess vegna enn óviss. Vestur-
lönd bera mikla ábyrgð á því að fyrstu sprotar lýðræðis í þessum
heimshluta nái að skjóta rótum og blómstra. Aðildarríki Atlants-
hafsbandalagsins geta til dæmis engan veginn firrt sig ábyrgð á
ástandinu í Líbíu, nú þegar hernaðaraðgerðum er lokið.
Leiðtogar Vesturlanda eru uppteknir af öðrum málum þessa
dagana; skuldavanda, fjárlagahalla, atvinnuástandi og mót-
mælum. Þeir verða hins vegar líka að beina sjónum að araba-
ríkjunum og veita þeim þann stuðning sem þau þurfa nú svo
sárlega á að halda.
Nýir valdhafar þurfa aðstoð við að endurreisa efnahagslífið,
en ekki síður við að byggja upp lýðræðislegar stofnanir og búa
til stjórnkerfi þar sem þjóðernis- og trúarhópar deila með sér
völdum og réttindi minnihluta eru virt. Ef það tekst geta ný
lýðræðis ríki í arabaheiminum átt bjarta framtíð.
Ekki er öruggt að byltingarnar í arabaríkjunum
leiði af sér frið, lýðræði og mannréttindi.
Óviss vorkoma
Ólafur Þ.
Stephensen
olafur@frettabladid.is
SKOÐUN