Fréttablaðið - 25.10.2011, Blaðsíða 46

25. október 2011 ÞRIÐJUDAGUR30
Miðvikud. 26.10. 21:00 Forsýning
Fimmtud. 27.10. 21:00 Frumsýn.
Laugard. 05.11. 22:30 2. sýning
Fimmtud. 10.11. 22:30 3. sýning
Föstud. 11.11. 22:30 4. sýning
Laugard. 19.11. 22:30 5. sýning
Miðasala
á gamlabio.is og midi.is / Símimiðasölu Gamlabíós 563 4000
STEINI /PÉSI
&GAUR Á TROMMU
UPPSELT!
Örfá sæti!
MORGUNMATURINN
„Það var engin athöfn, ég hef haft
góðan tíma til að venjast þessu,“
segir Davíð Þór Jónsson sem varð
í gær formlega guðfræðingur eða
cand.theol. Davíð, sem hóf nám
við guðfræðideildina fyrir tveim-
ur áratugum, bjóst einna helst við
að baka skúffuköku og hella upp
á kaffi fyrir nánustu fjölskylduna
þegar tími til slíks gæfist.
Að gefnu tilefni er hins vegar
rétt að taka fram að Davíð hefur
ekki verið við nám í guðfræði-
deildinni allan þennan tíma held-
ur sinnti hann öðrum störfum en
guðfræðibókunum í rúm þrettán
ár. Davíð var meðal annars rit-
stjóri hins erótíska tímarits Bleikt
og blátt, stjórnaði útvarps- og sjón-
varpsþáttum, var bæði spyrill og
dómari í Gettu betur og annar
hluti tvíeykisins Radíus-bræður.
Davíð nýtti sumarið til að skrifa
meistararitgerðina sem heitir því
lítilláta nafni Satan og híbýli hans
í boðskap Jesú frá Nasaret. Cand.
theol-titillinn hefur því legið lengi
í loftinu. „Þetta var svona „anti-
climax því núna er maður bara
kominn út á vinnumarkaðinn að
leita sér að vinnu.“ Davíð hefur
fullan hug á því að fara í prest-
skapinn en er ekkert ýkja bjart-
sýnn á að það losni brauð á næstu
tveimur til þremur árum. „En ef
það losnar eitthvað sem ég hef
áhuga á að þjóna þá auðvitað sækir
maður um.“
Tilviljun ein réð því að Davíð
hóf nám við guðfræðideild
Háskóla Íslands og hann ætlaði
sér upphaflega aldrei að verða
prestur. „Ég byrjaði í náminu af
því ég vildi hætta sjómennsku og
vera hjá fjölskyldunni. Ég ætlaði
upphaflega að fara í íslensku en
rakst á einhvern bækling og þar
var námið í guðfræðinni á fremstu
síðunum og mér fannst fögin líta
út fyrir ákaflega skemmtileg. Ég
fékk hins vegar enga köllun held-
ur kynntist prestunum í náminu
og varð smátt og smátt heillað-
ur af starfinu. Það leggur heldur
enginn á sig meistara gráðu í fagi
sem hann hefur engan áhuga á að
starfa við.“ freyrgigja@frettabladid.is
DAVÍÐ ÞÓR JÓNSSON: NÚ HEFST LEITIN AÐ BRAUÐINU
Frægasti guðfræðinemi
landsins loks útskrifaður
20 ÁRA BIÐ LOKIÐ Davíð Þór Jónsson gekk inn í Háskóla Íslands og hugðist læra íslensku. Hann rakst hins vegar á bækling um
guðfræðinámið og tuttugu árum seinna er hann formlega orðinn guðfræðingur eða cand.theol. FRÉTTABLAÐIÐ/STEFÁN
„Þeytingur með skyri, banana,
jarðarberjum, haframjöli og
myntu. Ef ég er að drífa mig þá
gríp ég mér Hleðslu-prótíndrykk
og banana.“
Daníel Ólafsson, plötusnúður og
umsjónarmaður útvarpsþáttarins
Hafarnarins á Rás 2.
FRÉTTIR AF FÓLKI
Magdalena Sara Leifsdóttir fyrirsæta, sem
bar sigur úr býtum í Elite-keppninni í vor,
heldur þann 24. nóvember til Sjanghæ til
að keppa í alþjóðlegu Elite-keppninni. Nú
er heimasíða keppninnar farin í loftið en
þar eru allir keppendur kynntir. Hægt er
að greiða hverjum keppenda atkvæði
sitt og þeir sem hljóta mörg atkvæði
fá aukið vægi í keppninni sjálfri. Hægt
er að skoða og gefa Magdalenu
atkvæði sitt undir slóðinni Elite-
modellook.com/themodels/all/
iceland.html. Það er til mikils
að vinna fyrir Magdalenu en
bæði Cindy Crawford og Gisele
Bündchen voru uppgötvaðar í
keppninni. - áp
„Við horfum til þess fyrirkomulags sem er við lýði
hjá Virgin og Ryanair,“ segir Hermann Fannar Val-
garðsson.
Tvíeykið Hemmi og Valdi, eða Hermann Fannar
og Valdimar Geir Halldórsson, skoða það nú af
fullri alvöru að stofna flugfélag. Eða ferðaþjónustu-
fyrirtæki með möguleika á flugrekstrarleyfi eins og
þeir kalla það. Þetta staðfestir Hermann í samtali
við Fréttablaðið en segir málið á viðkvæmu stigi.
Hermann segir það ekki ókeypis að leigja og reka
flugvél en samkvæmt heimildum Fréttablaðsins er
startkostnaðurinn í kringum 200 milljónir. Hermann
vildi sem minnst tjá sig um málið en sagði að hug-
myndin væri sú að flugvél yrði tekin á leigu, hún
nýtt til fullnustu og henni flogið hingað, smekkfullri
af ferðamönnum. Flugið yrði bæði fyrir erlenda
ferðamenn og Íslendinga en ekki hefur verið tekin
ákvörðun um hvaðan verður flogið, það sé í skoðun.
Hermann og Valdimar hafa að undanförnu gert
sig gildandi í ferðaþjónustu með gistiheimilarekstri
en þeir reka meðal annars Reykjavik Backpackers
í hjarta Reykjavíkur og eru að fara að opna svipað
gistiheimili á Akureyri. Þá reka þeir einnig tvö
kaffihús við Laugaveginn; Tíu dropa og Nýlendu-
vöruverslun Hemma og Valda. - fgg
Hemmi og Valdi hefja sig til flugs
DJARFIR OFURHUGAR Valdimar Geir og Hermann Fannar hafa
í hyggju að opna ferðaskrifstofu með möguleika á flugrekstrar-
leyfi.
FRÉTTABLAÐIÐ/ANTON
„Við erum spenntar að leyfa fólki að heyra
afraksturinn enda höfum við tekið upp gríð-
arlega mikið efni síðan við fluttum út,“ segir
Alma Guðmundsdóttir, söngkona í hljómsveit-
inni The Charlies.
Eitt og hálft ár er liðið síðan Alma, Klara og
Steinunn fluttu til Los Angeles með samning
við Hollywood Records upp á vasann. Hinn 11.
nóvember næstkomandi verður hægt að heyra
forsmekkinn af fyrstu breiðskífu The Charlies
sem Alma segir að komi út á næsta ári. Þá geta
áhugasamir nálgast tóndæmi á nýrri heimasíðu
þeirra, thecharliesofficial.com.
„Við ákváðum að koma með svokallað mix-
teip fyrst og gefa fólki tækifæri til að hlaða
niður tónlistinni okkar frítt frá heimasíðunni,“
segir Alma en umrætt mixteip verður eins
konar smáskífa með frumsömdu efni í bland
við endurgerð lög. Ekki er algengt að popptón-
listarmenn feti þessa braut í útgáfu en hingað
til eru það aðallega plötusnúðar og hiphop-tón-
listarmenn sem gefa út svona smáskífur. Smá-
skífa The Charlies ber heitið Start a Fire og
inniheldur brot af því sem þær hafa unnið að
undanfarið ár.
„Þetta eru sex lög sem gefa góða mynd af
þeirri stefnu og stíl sem fyrsta breiðskífan
okkar hefur að geyma. Meiripartinn unnum
við með upptöku- og lagahöfundateyminu Stop-
WaitGo,“ segir Alma en fyrsta lagið er samið
af henni og strákunum í StopWaitGo og nefn-
ist Monster (Eat Me). „Við stefnum á að koma
með tónlistarmyndband við lagið fyrir jól en
þá ætlum við að koma heim til Íslands. Þangað
til verðum við önnun kafnar við að koma fram
á hinum ýmsu tónleikastöðum og kynna nýja
efnið okkar í Los Angeles.“ - áp
Fyrsta útgáfa The Charlies verður mixteip
ÖNNUM KAFNAR Þær Steinunn, Klara og Alma í The
Charlies voru að opna vefsíðu þar sem verður meðal
annars hægt að hlusta á nýju smáskífu þeirra Monster
(Eat Me) frá og með 11. nóvember.
MYND/GRÉTA KAREN GRÉTARSDÓTTIR