Fréttablaðið - 25.10.2011, Blaðsíða 8
25. október 2011 ÞRIÐJUDAGUR8
TILBOÐ ELDSNEYTI STAÐIRMITT N1LÍFIÐDEKK
NÁÐU ÞÉR Í
NÝJA N1 APPIÐ
Með nýja N1 appinu geturðu keypt eldsneyti með
símanum þínum, skoðað færslur og punktastöðu,
kynnt þér N1 tilboðin, fundið næstu N1 stöð á korti
og jafnvel réttu dekkin eftir bílnúmerinu þínu. Vertu
með á nótunum og appaðu þig í gang með N1!
1 Fyrir hvaða samtök hefur Ingi-
björg Sólrún Gísladóttir brátt störf í
Afganistan?
2 Hvað heitir plata Lou Reed og
Metallica?
3 Hver var endurkjörinn varafor-
maður Samfylkingarinnar um
helgina?
SVÖR
1 UN Women. 2 Lulu. 3 Dagur B. Eggertsson.
VEIÐI Efra veiðisvæðið í Flókadalsá
í Fljótum hefur verið auglýst til
leigu að því er segir á angling.is.
Kemur fram að Veiðimálastofnun
hafi fyrst árið 2010 sundurgreint
afla á þessari veiðislóð. Þá hafi
veiðst 646 bleikjur.
„Þarna er fyrst og fremst um
sjóbleikjusvæði að ræða og má
veiða með þremur stöngum í senn.
Svæðið nær neðan frá Flókadals-
vatni og fram að afréttargirðingu,“
segir á angling.is. Frestur til að
skila tilboðum til Veiðifélagsins
Flóka rennur út 17. nóvember. - gar
Sjóbleikjuveiði fyrir norðan:
Útboð í Fljótum
á Flókadalsánni
SJÓBLEIKJA Skemmtilegur veiðifiskur og
frábær matfiskur.
LÖGREGLUMÁL „Það er gríðarlega
mikilvægt að fólk hafi strax sam-
band við lögreglu, sé minnsti
grunur um að hryssum hafi
verið misþyrmt.“ Þetta segir
Árni Þór Sigmundsson, aðstoðar-
yfirlögregluþjónn hjá lögreglunni á
höfuð borgarsvæðinu. Fjórða málið
þar sem níðst hefur verið á hryss-
um með því að skera í kynfæri
þeirra kom upp í síðustu viku, eins
og Fréttablaðið greindi frá. Það var
kært til lögreglu eins og gert var í
fyrri tilvikum. Í síðasta skiptið var
um að ræða hryssu sem var mis-
þyrmt í hesthúsi á Kjóavöllum.
Árni Þór segir að lögreglan
á höfuðborgarsvæðinu vinni að
rannsókn þessa máls, sem og máls-
ins sem kom upp í síðasta mánuði
þegar þrjár hryssur í beitarhólfi í
Kjós reyndust vera illa útleiknar
eftir að eggvopni hafði verið beitt
á kynfæri þeirra.
„Telji fólk sig sjá merki um
áverka á hryssum er afar mikil-
vægt að lögregla geti komið strax
á staðinn, ekki nokkrum klukku-
stundum eða sólarhringum síðar,
og séð hvort um einhver verks-
ummerki sé um að ræða. Því er
afar áríðandi að fólk bíði ekki með
tilkynninguna því ummerki á vett-
vangi myndu geta leitt lögreglu
áfram og sammerkt fleiri en einn
stað ef til þess kemur.“ - jss
Lögreglan á höfuðborgarsvæðinu rannsakar misþyrmingar á hryssum:
Áríðandi að tilkynna níðið strax
HROSS Lögreglan á höfuðborgarsvæðinu
rannsakar tvö dýraníðsmál.
ÞRÓUNARAÐSTOÐ Hagfræðingurinn
Paul Collier, sem hefur helgað sig
rannsóknum á þróunarríkjum og
þróunaraðstoð, segir Ísland geta
gegnt mikilvægu hlutverki á sviði
þróunaraðstoðar.
Collier hélt vel sóttan fyrir lestur
í Öskju fyrir helgi, sem var í til-
efni af 40 ára afmæli íslenskrar
þróunarsamvinnu. Eftir fundinn
sagði hann í viðtali við Frétta-
blaðið að mörg þróunarlandanna
bæru svipuð einkenni og Ísland á
árum áður.
„Þau eru mörg hver smá,
afskekkt, hafa gengið í gegnum
efnahagsáföll og eru oftar en ekki
auðug af náttúruauðlindum. Ég
hefði þess vegna getað verið að
lýsa Íslandi, en munurinn er að þið
hafið barist frá fátækt upp í vel-
megun, andstætt hinum löndunum.
Það gefur ykkur trúverðuga rödd í
samskiptum við þessi ríki,“ sagði
Collier.
Við það bætist, að sögn Colliers,
að þau ríki sem helst standa höll-
um fæti, en eru að reyna að vinna
sig upp, leita síður til stærri ríkja
á alþjóðasviðinu.
„Löndin á botninum eru mun
viljugri til að læra af ykkur en frá
fyrrverandi nýlenduveldum eða
risaveldunum á heimsvísu. Til
dæmis hafa fimmtíu þróunarlönd
leitað til Noregs vegna ráðgjafar
um umsýslu alþjóðlegra eigna. Það
er miklu ásættanlegra en að leita
til Bandaríkjanna um svipuð mál.
Þess vegna gæti Ísland með öllum
sínum kostum og göllum verið
góð fyrirmynd fyrir mörg lönd
sem hafa nýlega öðlast meiri vel-
megun.“
- þj
Hagfræðingurinn Paul Collier um stöðu Íslands í þróunarsamvinnumálum:
Gæti gegnt mikilvægu ráðgjafarhlutverki
MIKILVÆGI ÍSLANDS Paul Collier segir
þróunarlönd geta lært mikið af upp-
gangi Íslands úr fátækt til velmegunar.
FRÉTTABLAÐIÐ/VILHELM
BRETLAND, AP Julian Assange, for-
sprakki lekasíðunnar Wikileaks,
segir að starfsemi hennar sé í
hættu vegna fjárskorts. Takist
ekki að bæta
úr því fyrir
áramót sé ekki
grundvöllur
fyrir frekari
starfsemi.
Vandinn
stafar af því að
fjármálafyrir-
tæki á borð við
Visa, Master-
card og PayPal hættu fyrirvara-
laust að taka við söfnunarfé til
Wikileaks, sem átti að standa
undir starfseminni.
Birtingu gagna hefur því
verið hætt í bili og öll áhersla
lögð á fjáröflun næstu mán-
uðina. - gb
Wikileaks hægir á sér:
Einbeita sér að
fjáröflun í bili
JULIAN ASSANGE
LÍBÍA Þeir þrír menn sem taldir hafa
verið ríkastir í heimi, Carlos Slim
Helu, Bill Gates og Warren Buffett,
eiga samkvæmt tímaritinu Forbes
samtals 180 milljarða dala.
Múammar Gaddafí átti hins
vegar 200 milljarða dala þegar hann
var drepinn í Líbíu á fimmtudaginn
var, reynist útreikningar þeirra sem
teknir eru til við að skoða málið
réttir. Þetta jafnast á við 23 þúsund
milljarða króna.
Auðæfi sín geymdi Gaddafí að
hluta á bankareikningum víða um
heim, en hafði einnig fest þau að
stórum hluta í fasteignum og fyrir-
tækjum af ýmsu tagi.
Nú þegar hann er látinn kemur í
fyrsta sinn í ljós hversu mikil þau
voru orðin. Og heildarupphæðin
hefur komið verulega á óvart.
Íbúar Líbíu eru 6,6 milljónir. Gad-
dafí hafði því tekið frá fyrir sjálf-
an sig 30 þúsund Bandaríkjadali
fyrir hvern einasta íbúa landsins,
eða sem svarar um það bil þremur
og hálfri milljón króna. Þriðjungur
landsmanna býr við fátækt sam-
kvæmt skilgreiningu Sameinuðu
þjóðanna.
Bráðabirgðastjórn byltingar-
manna í Líbíu á þó ekki auðvelt með
að koma höndum yfir þetta fé, enda
hefur öllum refsiaðgerðum gegn
Gaddafí enn ekki verið létt. Þær
fólust meðal annars í því að eignir
hans erlendis voru frystar.
Bæði Bandaríkin, Evrópusam-
bandið og Sameinuðu þjóðirnar hafa
lýst því yfir að frystingu verði aflétt
hið fyrsta svo ný stjórnvöld í land-
inu geti fengið þetta fé til umráða.
Sameinuðu þjóðirnar hafa samt
aðeins aflétt frystingu af 1,5 millj-
arði dala, sem geymdir voru á
bankareikningum í Bandaríkjunum.
Helmingur þess fjár hefur þegar
verið greiddur út af reikningunum.
Tekjur Líbíu hafa einkum komið
af olíusölu en Gaddafí hefur að auki
óspart notað það fé, sem hjálpar-
samtök og alþjóðastofnanir veittu
í efnahagsaðstoð af ýmsu tagi, til
eigin nota og í þágu fjölskyldu sinn-
ar. Aðstoð við íbúa landsins sat því
á hakanum, einkum aðstoð við íbúa
í austurhluta landsins sem jafnan
hafa verið heldur andsnúnari stjórn
hans en íbúar vesturhlutans.
Áður en Gaddafí hraktist frá
völdum var vitað um ríflega hundr-
að milljónir dala, sem stjórnvöld í
Bandaríkjunum, Ítalíu, Frakklandi,
Englandi og Þýskalandi höfðu
fryst.
Þegar farið var að athuga fjár-
reiður Gaddafís komu tugir millj-
arða í ljós sem geymdir voru í
flestum stærri löndum heims, þar
á meðal í flestum löndum Mið-
Austurlanda og Suðaustur-Asíu.
gudsteinn@frettabladid.is
Gaddafí var líklega
ríkasti maður heims
Múammar Gaddafí átti meiri eignir en þrír ríkustu menn heims eiga sameigin-
lega, reynist fyrstu útreikningar réttir. Dulið fé á reikningum, húseignir og
hlutabréf fyrir tugi milljarða dala hafa skotið upp kollinum við rannsókn.
LÍBÍSK BÖRN Auðæfi Gaddafís nema 3,5 milljónum króna á hvert mannsbarn í landinu, samtals um það bil 23 milljörðum króna.
NORDICPHOTOS/AFP
VEISTU SVARIÐ?