Fréttablaðið - 25.11.2011, Side 30

Sölustaðir:
10 -11, Inspired í Flugstöðinni, Samkaup, Nettó,
Kaskó, Fjarðarkaup, Skeljungsbúðirnar, Olís, N1,
Kaupfélag V- Húnvetninga, Kaupfélag Skagfirðinga,
Verslunin Vísir, Bláa lónið, Hreyfing, Krambúðin,
Fiskbúðin Freyja, Melabúðin.
ÍSLENSK FÆÐUBÓT
BITAFISKUR
-næring fyrir líkama og sál
Daniel Carlsson og Anna Solakius frá Malmö verða gestir Tangófélags-
ins um helgina. Þau eru þekkt fyrir léttleika og dansgleði og skemmtilega
tilfinningu fyrir tónlist. Þau reka Tangokompaniet í Malmö þar sem fjölbreytt
tangóstarfsemi á sér stað. Nánar á www.tango.is
Möguleikhúsið sýnir Jólarósir Snuðru og
Tuðru, leikgerð Péturs Eggerz á sögum
Iðunnar Steinsdóttur, í Gerðubergi tvo
næstu sunnudaga. Aino Freyja Järvelä leikur
Snuðru eins og í fyrra en í hlutverki Tuðru er
ný leikkona, Anna Brynja Baldursdóttir. Auk
þess bregða þær stöllur sér í hlutverk ann-
arra persóna verksins; mömmunnar, pabbans
og Theodóru í næsta húsi. Leikstjóri er Pétur
Eggerz sem kallar þetta „nýgamla“ uppfærslu
á þessari vinsælu leiksýningu.
„Þetta er endurvinnsla á gömlu uppfærsl-
unni, ef svo má segja,“ segir Pétur. „Við sýnd-
um þetta í fyrra með annarri leikkonunni sem
er með núna, Aino Freyju, en Anna Brynja
kemur ný inn í þetta. Verkið er í grunninn
það sama, en við höfum gert smávægilegar
breytingar eins og gengur með nýju fólki.“
Jólarósir Snuðru og Tuðru voru fyrst á dag-
skrá hjá Möguleikhúsinu fyrir jólin 2001 og
var sýningin þá sýnd í þrjú ár við miklar vin-
sældir. Leikstjóri upprunalegu sýningarinnar
var Bjarni Ingvarsson, en umsjón með þess-
ari enduruppsetningu hefur Pétur Eggerz.
Búninga hannaði Katrín Þorvaldsdóttir og
tónlist er eftir Vilhjálm Guðjónsson. Einung-
is verður um þessar tvær sýningar að ræða í
Gerðubergi, en Snuðra og Tuðra heimsækja
einnig ýmsa skóla og koma í heimsókn til
hópa sem þess óska. Sýningin er ætluð börn-
um frá þriggja til tíu ára og miðaverð er 2.000
krónur.
Söguþráðurinn er í stuttu máli þannig að
mamma Snuðru og Tuðru ætlar að kenna
börnunum í skólanum grundvallar atriði í
bútasaumi, svo þau geti sjálf útbúið sinn
eigin aðventukrans og annað skemmtilegt
jólaskraut. Við kennsluna nýtur hún aðstoðar
Theodóru í næsta húsi. En þeim gengur held-
ur illa að koma sér að efninu, því þær eru allt-
af að rekast á eitthvað skondið sem leiðir talið
að uppátækjum óþekktarormanna, Snuðru og
Tuðru. Þá birtast þær ljóslifandi á sviðinu og
áhorfendur verða vitni að jólarósum þeirra
systra, því eins og við er að búast gengur jóla-
haldið ekki alveg snurðulaust fyrir sig þegar
þær Snuðra og Tuðra eru annars vegar.
fridrikab@frettabladid.is
Snuðra og Tuðra fara á stjá að
nýju í Gerðubergi á sunnudag
Snuðra og Tuðra eru komnar í jólaskapið og skemmta sér og öðrum í Gerðubergi næstu tvo sunnudaga. Leiksýningin byggir á sögum Iðunnar
Steinsdóttur og er ætluð börnum á aldrinum þriggja til tíu ára. „Nýgömul“ uppfærsla á vinsælli sýningu segir leikstjórinn.
Anna Brynja Baldursdóttir og Aino Freyja Järvelä leika Suðru og Tuðru í nýrri uppfærslu Jólarósanna, auk þess að
bregða sér í hlutverk annarra persóna verksins.
VILDARÁSKRIFT AÐ STÖÐ 2 SPORT INNIHELDUR
ENSKI BOLTINN
STÆRRI EN ALLT