Fréttablaðið - 26.11.2011, Blaðsíða 2

26. nóvember 2011 LAUGARDAGUR2
Ari, getið þið ekki bara gert
þöglar myndir?
„Kannski er það hugmyndin með
tillögu ráðherra og það má trúlega
spara á því.“
Kvikmyndagerðarmenn eru ósáttir við
tillögur menningarmálaráðherra um
framlög í kvikmyndasjóð. Framlög verði
ekki nóg til að erlendir styrkir fáist í stærri
verkefni. Ari Kristinsson er formaður Sam-
bands íslenskra kvikmyndaframleiðenda.
FÓLK Bók Hallgríms Helgasonar,
Konan við 1000°, verður einleikur
í hinu virta þýska Thalia-leikhúsi
í Hamborg.
Skáldið er mjög ánægt með að
leikhúsið í Hamborg skuli hafa
tryggt sér réttinn að bókinni í
Þýskalandi. Ekki síst þar sem
fyrirmynd aðalpersónunnar, Her-
björg María Björnsson, dvaldi
mikið á svæðinu í kringum borg-
ina og leit jafnvel á Hamborg sem
sína heimaborg.
Hér heima hefur Þjóðleikhúsið
þegar tryggt sér réttinn að leik-
gerð upp úr bókinni en Hallgrím-
ur mun að öllum líkindum skrifa
þá leikgerð sjálfur. - fgg / sjá síðu 90
Bók Hallgríms Helgasonar:
Þýskt leikhús
kaupir réttinn
SVEITARSTJÓRNIR Kostnaður við flutn-
ing Héraðsskjalasafns Kópavogs úr
leiguhúsnæði í eigu Sjálfstæðis-
flokksins verður meira en tvöfalt
hærri en áætlað var í upphafi.
Á bæjarstjórnarfundi á þriðjudag
kom fram að kostnaður við flutning
Héraðsskjalasafnsins úr Hamraborg
á Digranesveg stefnir í að verða 115
milljónir króna í stað 55 milljóna.
Bæjarfulltrúar Sjálfstæðisflokksins
sögðu ljóst að reiknuð húsaleiga af
húsnæði Héraðsskjalasafnsins muni
tvöfalda leigukostnað stofnunarinn-
ar, auk þess að hækka skuldir bæjar-
ins um ríflega 100 milljónir.
Formaður bæjarráðs, Guðríður
Arnardóttir úr Samfylkingu, bókaði
þá að húsnæði Sjálfstæðisflokksins
í Hamraborg sem hýst hafi Héraðs-
skjalasafnið sé með öllu óviðunandi
undir safnið.
„Auk þess hefur bærinn greitt
Sjálfstæðisflokknum leigu upp
á rúmar sex milljónir á ári fyrir
þetta húsnæði sem er í afar bágu
ástandi,“ bókaði Guðríður og sagði
að um tvær milljónir myndu þess
utan sparast vegna annars leigu-
kostnaðar á skjalageymslum fyrir
safnið. Nýja safnið muni uppfylla
ströngustu kröfur.
„Sá kostnaður sem við spörum
vegna leigunnar mun duga fyrir
fjármögnun framkvæmdanna á
Digranesvegi 7. Við höfum þó skiln-
ing á gremju Sjálfstæðisflokksins í
þessu máli sem hefur lýst sig and-
snúinn málinu frá fyrstu tíð en hann
missir nú spón úr aski sínum því það
er ekki víst að þeim takist að leigja
gamla félagsheimilið sitt á jafn
góðum kjörum. Jafnframt hefur
leigusamningi vegna húsnæðis
sem var í eigu Alþýðuflokks-
ins fyrir tíu árum verið sagt
upp,“ bókaði formaður bæjarráðs.
Þá bókaði oddviti sjálfstæðis-
manna, Ármann Kr. Ólafsson, að
rétt væri að taka fram að leigu-
húsnæði Héraðsskjalasafnsins hafi
verið boðið út á sínum tíma og leigan
samþykkt af fulltrúa Samfylkingar-
innar. „Annar“ leigukostnaður sem
talað væri um sé mun eldri leigu-
samningur sem gerður hafi verið
„um gluggalausa kompu, án útboðs á
yfirverði, í eigu Samfylkingarinnar
eða forvera hennar á sínum tíma og
tengdist ekki Héraðsskjalasafninu,“
bókaði Ármann.
Þetta kvað Ármann síðan ekki
breyta „þeirri staðreynd að það
munar 105 prósentum eða 60 millj-
ónum króna á milli upphaflegrar
áætlunar og fyrirliggjandi áætl-
unar“. Sjálfstæðismenn legðu til
sérstaka rannsókn á þessum mikla
mun.
„Mér er bara slétt sama hver
leigði hverjum, hvenær og hvernig
– þetta var vondur díll!“ bókaði þá
Guðríður Arnardóttir að lokum.
gar@frettabladid.is
„Er bara slétt sama
hver leigði hverjum“
Sjálfstæðismenn og Samfylkingarfólk í Kópavogi deila um hvort hafi verið
verra fyrir bæinn að leigja af forvera Samfylkingarinnar eða Sjálfstæðisflokkn-
um. „Bágt ástand“ og „gluggalaus kompa“ eru einkunnir sem eru gefnar.
GUÐRÍÐUR ARNARDÓTTIR OG ÁRMANN KR.
ÓLAFSSON Oddvitar Samfylkingar og
Sjálfstæðisflokks tókust hart á í bæjar-
ráði vegna kostnaðar við flutning
Héraðsskjalasafns Kópavogs og upp-
sagna bæjarins á leiguhúsnæði í eigu
stjórnmálaflokka.
DIGRANESVEGUR 7 Formaður bæjarráðs segir nýtt húsnæði fyrir Héraðsskjalasafn
Kópavogs í gamla pósthúsinu á Digranesvegi standast ströngustu kröfur. Flutt sé úr
óviðunandi húsnæði. FRÉTTABLAÐIÐ/VILHELM
Ljós tendruð á Óslóartrénu
Ljósin á Óslóartrénu verða tendruð á
Austurvelli á morgun klukkan fjögur.
Sextíu ár eru liðin frá því að íbúar
Óslóar færðu Reykvíkingum fyrst
grenitré að gjöf. Skemmtidagskrá
verður á Austurvelli í tilefni dagsins.
REYKJAVÍK
EVRÓPUMÁL Jón Bjarnason, sjávar-
útvegs- og landbúnaðarráðherra,
hefur skipað starfshóp sérfræð-
inga um stefnumörkun vegna
banns á innflutningi á hráum
dýraafurðum og lifandi dýrum.
Í tilkynningu á vef ráðuneyt-
isins segir að þrátt fyrir að mat-
vælalöggjöf ESB hafi verið
innleidd frá og með síðustu mán-
aðamótum, sé enn óheimilt að
flytja inn lifandi dýr eða hráar
dýraafurðir, hvort sem er frá
ESB-ríkjum eða annars staðar
frá, nema með undanþágu frá ráð-
herra.
Þessi ráð -
stöfun bygg-
ir á ákvæði í
EES-samningn-
um sem kveð-
ur á um að höft
eða bönn megi
leggja á inn-
flutning vara ef
þau megi rétt-
læta , meðal
annars með hliðsjón af almanna-
öryggi, vernd lífs og heilsu manna
eða dýra.
Í frétt ráðuneytisins segir að
samstarfshópurinn verði skipað-
ur fulltrúum frá Matvælastofn-
un, Tilraunastöð HÍ í meinafræði,
Bændasamtökunum og ráðuneyt-
inu.
Hópurinn mun gera grein fyrir
rökstuðningi og stefnumörkun
Íslands í málinu. Vinna hópsins
mun svo nýtast í aðildarviðræð-
unum við ESB, en verkefnið er
sagt snúa að því að Ísland geti
gripið til „nauðsynlegra ráðstaf-
ana til verndar íslensku búfé með
takmörkun innflutnings á hráum
búfjárafurðum og lifandi dýrum,
komi til aðildar að Evrópusam-
bandinu“. - þj
Landbúnaðarráðherra skipar starfshóp um innflutningshöft á kjöti og dýrum:
Nýtist í aðildarviðræðum við ESB
JÓN BJARNASON
EGYPTALAND, AP Herforingjaráðið í Egyptalandi til-
kynnti í gær að Kamal el-Ganzouri, 78 ára fyrrver-
andi samstarfsmaður Hosní Múbarak, verði forsæt-
isráðherra landsins.
Á blaðamannafundi í gær sagði el-Ganzouri að
völd hans yrðu meiri en völd forvera hans, sem
sagði af sér í vikunni í kjölfar mótmæla á Tahrir-
torgi í Egyptalandi. Hann gaf þar með í skyn að her-
foringjaráðið, sem hefur í raun farið með völdin í
landinu, ætli sér veigaminna hlutverk.
Meira en hundrað þúsund manns héldu út á götur
höfuðborgarinnar í gær og kröfðust afsagnar her-
foringjastjórnarinnar. Þetta eru fjölmennustu mót-
mælin frá því að þau hófust á ný um síðustu helgi.
Mótmælendur eru ósáttir við herforingjastjórn-
ina, sem hefur verið gagnrýnd fyrir mannrétt-
indabrot og fyrir að draga lappirnar í því að koma
á lýðræðisumbótum eftir að Múbarak forseta var
steypt af stóli síðasta vetur. Valið á nýjum forsætis-
ráðherra hefur ekki bætt andrúmsloftið, enda var
el-Ganzouri forsætisráðherra í stjórn Múbaraks á
árunum 1996-99, og hafði áður verið aðstoðarfor-
sætisráðherra og skipulagsmálaráðherra. - gb
Meira en hundrað þúsund manns mótmæltu í Kaíró:
Nýr forsætisráðherra tekur við
MÓTMÆLI Í KAÍRÓ Yfir hundrað þúsund manns héldu út á
götur höfuðborgarinnar í gær til að krefjast afsagnar herfor-
ingjastjórnarinnar. FRÉTTABLAÐIÐ/AP
DÓMSMÁL Tveir menn um þrítugt
hafa verið dæmdir í átta mánaða
fangelsi hvor fyrir þjófnaðarbrot.
Sex mánuðir refsingarinnar eru
skilorðsbundnir, meðal annars
vegna dráttar á rannsókn málsins
og útgáfu ákæru.
Saman brutust mennirnir inn í
vinnuskúra og gáma og stálu tækj-
um að verðmæti á fimmtu milljón
króna, að því er segir í ákæru.
Öðrum þeirra er einnig gefið að
sök að hafa stolið ýmsu að verð-
mæti um 1,5 milljónir króna.
Annar mannanna hafði ekki áður
gerst sekur um refsiverða hátt-
semi. Hinn var árið 2001 dæmdur á
skilorð fyrir þjófnað. - jss
Fengu átta mánuði hvor:
Tveir stálu fyrir
milljónir króna
DANMÖRK Hætt hefur verið við að
reisa 50 metra háa fánastöng á
eyju við Álaborg, sem hefði orðið
hæsta fánastöng Danmerkur.
Berlingske segir frá, en á fána-
stöngina átti að draga risavaxinn
danskan þjóðfána að húni, 140 fer-
metra að flatarmáli. Bæjaryfir-
völd tóku hins vegar í taumana og
neituðu að veita undanþágu fyrir
verkefninu. Fáninn var hugsað-
ur til kynningar á borginni – til
samanburðar eru venjulegar fána-
stangir um 6 metrar og Hús versl-
unarinnar er 54 metra hátt. - þj
Borgaryfirvöld í Álaborg:
Höfnuðu hæstu
fánastönginni
LÖGREGLUMÁL Karlmaður á þrí-
tugsaldri, sem handtekinn var í
tengslum við rannsókn á skotárás
í síðustu viku og úrskurðaður í
gæsluvarðhald til 25. nóvember,
er laus úr varðhaldi lögreglu.
Maðurinn situr þó áfram í
fangelsi, þar sem hann afplán-
ar eldri dóma, að því er fram
kemur í tilkynningu frá lögreglu.
Karlmaður á svipuðum aldri er
hins vegar áfram í varðhaldi
vegna skotárásarinnar, en sá var
úrskurðaður í gæsluvarðhald
til 2. desember. Þriðji maðurinn
var handtekinn fyrr í vikunni, en
honum var sleppt að loknum yfir-
heyrslum. - sv
Laus úr varðhaldi lögreglu:
Afplánar nú
gamla dóma
BANDARÍKIN, AP Svarti föstudag-
urinn svonefndi, fyrsti dagur
útsölu fyrir jól í bandarískum
verslunum, var í gær og gekk
ekki átakalaust.
Kona í Walmart-verslun í
úthverfi Los Angeles reyndi að
komast framar í röð eftir Xbox-
tölvum með því að sprauta pipar-
úða á nærstadda. Alls þurftu 20
manns á aðhlynningu að halda,
ýmist vegna úðans eða öngþveit-
isins sem fylgdi. Konan komst
undan en lögregla var ekki viss
um hvort hún hafi náð að kaupa
tölvu. - þj
Læti á Svarta föstudeginum:
Sprautaði pipar-
úða í biðröð
KAUPÆÐI Hundruð þúsunda Banda-
ríkjamanna fylltu verslanir þegar útsölur
opnuðu í gær. NORDICPHOTOS/AFP

SPURNING DAGSINS