Fréttablaðið - 26.11.2011, Blaðsíða 50

heimili&hönnun2
● Forsíðumynd: Vilhelm Gunnarsson tók mynd á heimili
Lilju Katrínar Gunnarsdóttur Útgáfufélag: 365 miðlar
ehf., Skaftahlíð 24, 105 Reykjavík, s. 512 5000 Ritstjórar:
Roald Eyvindsson roald@frettabladid.is og Sólveig
Gísladóttir emilia@frettabladid.is Auglýsingar: Ívar Örn
Hansen s. 512 5429 Útlitshönnuður: Sæmundur Freyr
Árnason sfa@frettabladid.is.
Ske
● HÖNNUNARTEYMIÐ Hár úr hala, sem er sam-
starfsverkefni Ólafs Þórs Erlendssonar húsgagna- og
innanhússarkitekts og Sylvíu Kristjánsdóttur, grafísks
hönnuðar, setti á markað snagarekka úr áli fyrr á árinu
sem heita Hani, krummi, hundur, svín og Hestur, mús,
tittlingur. Nú fást þeir stakir og í lit. Litirnir eru grænn,
rauður, svartur og hvítur.
● HITAPLATTARNIR Torfbærinn eftir
hönnunarteymið Stáss eru komnir í versl-
anir, en Stáss hlaut Skúlaverðlaunin í ár
fyrir hönnunina. Verðlaunin eru veitt
fyrir besta nýja hlutinn meðal þátt-
takenda. Tæplega fimmtíu tillögur
bárust að þessu sinni frá 30 aðilum.
● GULLSMIÐURINN Erling Jóhannesson setti á
markað servíettuhringi með jólatré í fyrra, en nýjasta
afurð hans er jólatréslaga kertastjaki í stíl.
● PIPARKÖKUBLANDA frá Jónsdóttir & Co
kemur í gamaldags taupoka með áletruninni „ilmur &
bragð jólanna“. Að aftan eru nákvæmar leiðbeiningar
um það hvernig á að bera sig að við baksturinn. Pokanum
er lokað með silkislaufu og fylgir piparkökumót með.
Hlutirnir fást í víða, meðal annars í Epal.
NÝTT UNDIR SÓLINNI
Soffía Dögg Garðarsdóttir
hefur vakið mikla athygli fyrir
skemmtilega bloggsíðu sem hún
heldur úti, en þangað inn fær
hún mörg hundruð heimsóknir
á dag. Þar setur hún inn myndir
af ýmsum skreytingum sem hún
sjálf hefur útfært í eigin híbýl-
um auk þess sem hún veitir góð
ráð um allt mögulegt er teng-
ist heimilinu. Soffía er blóma-
skreytir að mennt en starfar í
dag hjá Actavis. Skreytingarnar
segir hún þó aldrei hætta að vera
hennar líf og yndi. Aðventukrans
Soffíu í ár er blanda af grófum og
fínlegum efnivið, sem er hennar
stíll að eigin sögn.
„Kransinn er basthringur,
vafinn inn í mosa, sem ég geymi
milli ára og skreyti á nýjan hátt
fyrir hverja aðventu. Nú í ár er
ég með stóra vírstjörnu í miðju
kransins, sem yfirleitt er notuð
til að hengja upp í gluggum, en
hana tók ég í sundur og fyllti
með könglum, litlum kúlum og
þremur litlum stjörnum og lok-
aði henni aftur,“ segir Soffía.
„Að lokum stráði ég síðan gervi-
snjó og glimmer yfir og stakk
litlum prjónum með litlum
gervidemöntum inn á milli.“
Soffía segist ekki vera hrifin
af grenikrönsum, vilja hafa þá
grófari og mosinn eigi því vel
upp á pallborðið hjá henni. Fín-
legt skrautið sé síðan gott á móti.
Könglum er stráð víðar en inn í
stjörnuna, sem Soffía segir vera
algert lykilatriði fyrir vel heppn-
aðar jólaskreytingar.
„Jú, ég mun skreyta í beinni
útsendingu þetta árið á bloggsíð-
unni minni. Skrautið er í stíl við
kransinn, ljóst og létt og köngl-
ar. Ég er nú þegar byrjuð og mun
halda áfram alla aðventuna. Mér
finnst þetta temmilegt og ekki
yfirdrifið en ég veit ekki hvort
það er svo að allra mati,“ segir
Soffía og hlær.
Slóðin á síðuna hennar Soffíu
er dossag.blogspot.com og ber
yfirskriftina „Skreytum hús“. Á
Facebook er líka síða sem Soffía
heldur úti og ber sama nafn. „Það
er ánægjulegt að sjá fleiri og fleiri
lesendur bætast í hópinn.” - jma
Bloggar um skreytingar
● Blómaskreytirinn Soffía Dögg Garðarsdóttir heldur úti forvitnilegri bloggsíðu þar sem
hún skrifar um skreytingar á eigin heimili meðal annars og gefur góð ráð. Hún ætlar að
skreyta heimili sitt í beinni útsendingu á bloggsíðunni þessa aðventuna.
Soffía Dögg Garðarsdóttir segir skreytingar og allt er viðkemur heimilinu vera líf sitt
og yndi. Kransinn hennar er í grunninn mosi, skreyttur með vírstjörnu sem er fyllt af
könglum, jólakúlum og fleiru. Yfir allt er glimmeri og gervisnjó stráð. FRÉTTABLAÐIÐ/GVA
L eco er heiti geymsluboxa eftir tvo unga ítalska hönn-
uði, Gianfranco Di Costanzo og
Daniel Facchetti, sem hanna
undir merkinu Flussocreativo.
Boxin eru staflanleg á skemmti-
legan máta og byggð upp á
sama kerfi og gömlu góðu
LEGO-kubbarnir enda vísar
nafn boxanna í uppruna hug-
myndarinnar. Boxin eru einnig
úr plasti eins og kubbarnir, litrík
og minna á leik bernskuáranna.
Boxin eru ætluð fyrir sorp í
endurvinnslu og hönnuðu þeir
félagar tvær stærðir í fjórum
litum. Litirnir eiga að standa fyrir
það sem flokkað er, til dæmis
hvítt box undir pappír, gult fyrir
plast, blátt box undir málm og
grænt undir gler.
Sjá nánar á vefsíðunni, www.
flussocreativo.it.
LEGO-kubbar undir endurvinnsluna
Leco-boxin sækja form sitt og liti til LEGO-kubba. MYND/FLUSSOCREATIVO
o.fl. o.fl.
sögur
uppskriftir
leikir
gjafir
Verð frá 64.990
Ryksugu vélmenni
heimili&
hönnun
 SÉRBLAÐ FRÉTTABLAÐSINS UM HÍBÝLI 
nóvember 2011
Paradís á jörðu
Hundrað ára gamalt fjós í
Njarðvíkum hefur fengið
gagngera andlitslyftingu.
SÍÐA 8
Skreytir í beinni
útsendingu
Soffía Dögg Garðarsdóttir heldur
úti skemmtilegri bloggsíðu um
skreytingar. SÍÐA 2
ELTIST EKKI VIÐ
VÖRUMERKI
Lilja Katrín Gunnarsdóttir hefur hreiðrað um sig
ásamt fjölskyldunni í notalegri íbúð í Árbænum.
BLS. 6