Morgunblaðið - 01.09.2010, Qupperneq 4

4 FréttirINNLENT
MORGUNBLAÐIÐ MIÐVIKUDAGUR 1. SEPTEMBER 2010
Beitti veði sínu í fyrsta skipti
 Lánasjóður sveitarfélaga gerði kröfu í tekjur sveitarfélags vegna vanskila á láni
Lánasjóður sveitarfélaga beitti á fyrrihluta ársins
veði sem félagið á í tekjum sveitarfélags fyrir láni
sem komið var í vanskil. Tilkynnti sjóðurinn þetta
til ráðuneytis sveitarstjórnarmála og kom viðkom-
andi sveitarfélag þá láninu í skil. Er þetta í fyrsta
skipti sem sjóðurinn hefur þurft að beita veði sínu.
Lánasjóður sveitarfélaga veitir sveitarfélögum
landsins og fyrirtækjum og stofnunum í þeirra
eigu lán. Sjóðurinn tekur veð í tekjum sveitarfé-
laganna til tryggingar lánum þeirra og ábyrgðum
og getur þannig gengið að framlögum úr Jöfn-
unarsjóði sveitarfélaga eða útsvarstekjum sem
ríkið innheimtir.
Hafa þetta reynst trygg veð því sjóðurinn hefur
aldrei tapað útlánum í liðlega fjörutíu ára sögu
sinni.
Fram kemur í skýrslu stjórnar og fram-
kvæmdastjóra Lánasjóðsins vegna uppgjörs
fyrstu sex mánaða þessa árs að sjóðurinn beitti
veði sínu einu sinni á því tímabili. Í kjölfarið gerði
viðkomandi lántaki upp vanskil sín við sjóðinn.
Ekki fengust í gær upplýsingar um það hvaða
sveitarfélag hér átti í hlut. Óttar Guðjónsson,
framkvæmdastjóri Lánasjóðsins, segir að starfs-
menn sjóðsins geti ekki veitt upplýsingar um ein-
stök mál þar sem þeir séu bundnir þagnarskyldu
sem starfsmenn fjármálafyrirtækis.
Vanskil í meira en mánuð
Lánasjóðurinn hefur heimild til að ganga að
veði í tekjum sveitarfélags þegar vanskil hafa var-
að í mánuð eða lengur. Það gerir hann með til-
kynningu til samgöngu- og sveitarstjórnarráðu-
neytisins. Innheimta hjá viðkomandi sveitarfélagi
gekk ekki lengra að þessu sinni þar sem það gerði
upp vanskil sín áður en til þess kom að Lánasjóð-
urinn innheimti kröfu sína í gegnum framlög Jöfn-
unarsjóðs og útsvarstekjur hjá ríkinu.
helgi@mbl.is
Lánasjóðurinn tek-
ur veð í tekjum
sveitarfélaganna
til tryggingar lán-
um þeirra og
ábyrgðum.
Berglind Ásgeirsdóttir, ráðuneytis-
stjóri í heilbrigðisráðuneytinu, fer 1.
október nk. í eins árs námsleyfi.
Guðríður Þorsteinsdóttir lögfræð-
ingur mun gegna störfum hennar á
meðan.
Berglind fer í námsleyfið með vís-
an til reglna Kjararáðs um starfs-
kjör. Hún heldur því launum og fær
greiddan kostnað. Ráðherra þarf að
samþykkja lengd námsleyfis sem
embættismaður óskar eftir.
Í reglunum segir: „Embættis-
maður sem stundar sérnám eða sæk-
ir framhalds- og/eða endurmennt-
unarnámskeið, með samþykki
ráðherra, heldur launum og fær
greiddan ferða- og dvalarkostnað
samkvæmt reglum ferðakostn-
aðarnefndar. Lengd leyfis sam-
kvæmt þessu er allt að tveimur vik-
um á ári. Unnt er að veita lengra
námsleyfi á lengra árabili.“
egol@mbl.is
Fer í eins árs
námsleyfi
Berglind
Ásgeirsdóttir
Guðríður
Þorsteinsdóttir
Starfsmenn verktaka eru þessa dagana að ganga
frá vinnubúðum væntanlegrar Búðarhálsvirkj-
unar og umhverfi þeirra. Fram til þessa hefur
Landsvirkjun varið 1.250 milljónum króna til
undirbúnings virkjunarinnar og þar vegur
kostnaður við hönnun þyngst.
Lengi hefur verið unnið að undirbúningi Búð-
arhálsvirkjunar á Þjórsár/Tungnaársvæðinu.
Hún byggist á því að stífla Köldukvísl við Búð-
arháls og veita Tungnaá í svokallað Sporð-
öldulón þar fyrir ofan. Sprengd verða jarðgöng í
gegnum Búðarháls og þar með undir Sprengi-
sandsleið, að Sultartangalóni þar sem stöðvar-
hús verður byggt.
Undirbúningsframkvæmdir hófust fyrir átta
árum en þá þegar lágu fyrir öll leyfi til virkj-
unar. Þá var lagður vegur að fyrirhuguðu stöðv-
arhúsi og byggð brú á gamla ferjustæðinu á
Tungnaá og grafið fyrir hluta af sveifluþró og
stöðvarhúsi. Framkvæmdum var síðan frestað.
Þráðurinn var tekinn aftur upp fyrir tveimur
árum. Þá var byrjað að undirbúa vinnubúðir,
leggja jarðstrengi og annað slíkt. Vinnubúðir
voru fluttar frá Kárahnjúkum og hafa verið sett-
ar upp á tveimur stöðum í nágrenni fyrirhugaðs
stöðvarhúss. Starfsmenn verktaka eru þessa
dagana að ganga frá búðunum og lýsingu á
svæðinu.
Nýlega voru opnuð útboð í byggingu virkj-
unarinnar, það er að segja stíflu, aðrennslisgöng
og stöðvarhús. Verið er að fara yfir tilboðin hjá
Landsvirkjun. Þá taka við óformlegar viðræður
við verktaka áður en ákveðið verður að ganga til
samninga við þann bjóðanda sem talinn er bjóða
best.
Tilboð í raf- og vélbúnað virkjunarinnar verða
opnuð 30. september nk.
Samhliða þessu er unnið að fjármögnun mann-
virkisins. Gangi allt eftir er gert ráð fyrir því að
framkvæmdir geti hafist í nóvember og að þær
verði komnar á fulla ferð næsta vor.
helgi@mbl.is
Gengið frá vinnubúðum Búðarhálsvirkjunar
Morgunblaðið/Helgi Bjarnason
Baldur Arnarson
baldura@mbl.is
„Enn og aftur leyfir starfsmaður Ríkisend-
urskoðunar sér að víkja frá ábendingum og at-
hugasemdum og slá fram athugasemd án inni-
stæðu. Öll skrefin í uppbyggingu skólans hafa
verið stigin með vitund og væntanlega vilja
hins opinbera. Við skiljum ekki af hverju þessi
starfsmaður leyfir sér að setja svona fullyrð-
ingu fram, enda hefur þetta þegar haft afar
skaðleg áhrif. Nemendur og starfsfólk er
felmtri slegið. Ég tel þessi vinnubrögð fyrir
neðan allar hellur, frá upphafi og til enda,“
sagði Hjálmar Árnason, framkvæmdastjóri
Keilis, aðspurður um þá umsögn í nýrri
skýrslu Ríkisendurskoðunar um Keili að opin-
bert fé til frumgreinakennslu skólans á ár-
unum 2007–2010 hafi ekki allt runnið til
kennslunnar.
Um er ræða samtals 685,7 milljónir króna
úr ríkissjóði og átti um helmingur fjárins að
renna til svokallaðrar frum-
greinakennslu, að því er
fram kemur í skýrslunni.
Þá segir: „ekki verði fall-
ist á að ríkisstyrktir einka-
skólar geti vaxið óhindrað
og án samráðs við mennta-
yfirvöld“, athugasemd sem
Hjálmar telur einkennilega.
Persónuleg afstaða
„Þetta er persónuleg af-
staða eins starfsmanns Ríkisendurskoðunar.
Við erum búin að andmæla þessari setningu
vegna þess að hún er röng. Það er enginn fótur
fyrir henni í raunveruleikanum. Allar þær
námsbrautir sem Keilir starfrækir eru sam-
þykktar af opinberum aðilum: menntamála-
ráðuneytinu, Háskóla Íslands og Flugmála-
stjórn, þegar það á við í hverju tilviki fyrir sig.“
Meginþungi gagnrýninnar lýtur að rekstri
skólans með þeirri umsögn að óvissa sé um
rekstrargrundvöllinn til lengri tíma litið. Í árs-
lok 2009 hafi uppsafnaður halli af rekstri Keil-
is numið 136 milljónum króna og skuldir 463
milljónum kr. Segir þar einnig að það setji
rekstur Keilis í uppnám að skólinn muni ekki
geta innheimt skólagjöld í grunnnámi á há-
skólastigi, vegna samstarfs við HÍ.
Inntur eftir síðasta atriðinu bendir Hjálmar
á að meirihluti starfseminnar sé á framhalds-
skólastigi, þ.e. háskólabrúin, flugakademían
og heilsuskólinn. Hann vísar því alfarið á bug
að skólinn standi tæpt.
„Mjög undarleg greining“
„Þetta er mjög undarleg greining, verð ég
að segja, og við höfum andmælt henni. Við
fengum hins vegar aldrei að sjá skýrsluna í
endanlegri gerð sem ég er reyndar mjög hissa
á. Við fengum að sjá fyrstu drög og fengum að
gera athugasemdir en fengum ekki að sjá
skýrsluna í endanlegri mynd áður en hún var
birt.
Hvað reksturinn varðar vil ég segja að Keil-
ir var þriggja ára í maí. Það segir sig sjálft að
á uppbyggingartímabili reynir mikið á. Þá er
verið að fjárfesta og leggja út í ýmsan kostnað
sem leiðir til taps. Við einsettum okkur svo
hins vegar að skila þessu ári, fjórða starfs-
árinu, með rekstrarafgangi. Sjö mánaða upp-
gjör sýnir, svo ekki verður um villst, að við er-
um á áætlun og rúmlega það. Það er hins
vegar alltaf óvissa um ríkisframlög. Það gildir
hins vegar ekki aðeins um Keili, heldur alla
skóla.“
Hjálmar rifjar upp að með samstarfssamn-
ingi við menntamálaráðherra sé skólinn kom-
inn „á lista hjá ríkinu“: „Fái Keilir sambæri-
lega fjárveitingu og aðrir framhaldsskólar er
skólinn í mjög góðum málum. Við teljum okk-
ur sjá vel til lands í því sem við erum að gera.“
Að lokum hafnar Hjálmar þeirri umsögn
skýrsluhöfundar að Keilir sé „ekki viður-
kenndur háskóli,“ enda „hafi Háskóli Íslands
vottað allt nám á háskólastigi“.
„Fyrir neðan allar hellur“
 Framkvæmdastjóri Keilis fordæmir vinnubrögð Ríkisendurskoðunar í nýrri skýrslu um skólann
 Fullyrt að óvissa sé um fjárhagslegan grundvöll fyrir rekstrinum  Starfsmenn og nemendur slegnir
Hjálmar
Árnason
Hæstiréttur hef-
ur staðfest gæslu-
varðhalds-
úrskurð héraðs-
dóms yfir karl-
manni á þrítugs-
aldri í tengslum
við morðið á
Hannesi Þór
Helgasyni í ágúst.
Að sögn lög-
manns mannsins,
Guðrúnar Sesselju Arnardóttur,
verður dómur Hæstaréttar ekki
birtur á netinu að beiðni lögregl-
unnar.
Maðurinn var úrskurðaður í fjög-
urra vikna gæsluvarðhald á föstu-
dag. Í tilkynningu frá lögreglu kom
fram að ný gögn í málinu hefðu gert
það að verkum að rökstuddur grun-
ur væri talinn vera fyrir hendi um að
hann ætti aðild að andláti Hannesar.
Eins og Morgunblaðið hefur
greint frá er ein af ástæðum þess að
hann er í haldi sú að blóð fannst á
skóm hans. Þá passaði blóðugt skó-
far sem fannst á heimili Hannesar,
við skófar eftir skó mannsins.
Gæsluvarðhalds-
úrskurður stað-
festur í morðmáli
Hannes Þór
Helgason