Morgunblaðið - 01.09.2010, Side 22

22 Minningar
MORGUNBLAÐIÐ MIÐVIKUDAGUR 1. SEPTEMBER 2010
✝ Sigurína Frið-rikka Friðriks-
dóttir fæddist 22. des-
ember 1922. Hún lést
22. ágúst 2010.
Foreldrar hennar
voru Sigurína Katrín
Brynjólfsdóttir f. 7.5.
1884, d. 26.12. 1922 og
Friðrik Jónsson út-
gerðarmaður f. 7.12.
1868, d. 29.10. 1940,
frá Látrum í Vest-
mannaeyjum.
Ína ólst upp í Görð-
um í Vestmanna-
eyjum. Uppeldisforeldrar hennar
voru Kristín Ögmundsdóttir f. 1885,
d. 1975 og Árni Jónsson formaður f.
1871, d. 1956. Systkini Ínu: Brynj-
ólfur Kristinn stórkaupmaður f.
1911, d. 1984, Guðjón f. 1912, d.
1932, Ármann útgerðarmaður f.
1914, d. 1989, Klara f. 1916, d. 2008,
Ólafía f. 1916, d. 1993, Ingibjörg f.
1919, d. 1920.
Uppeldissystkini Ínu voru Sig-
urjóna Ólafsdóttir f. 1916, d. 1981
og Haukur Johnsen f. 1914, d. 1957.
Sigurína og Markús Hörður Guð-
jónsson, f. 29.8. 1923, d. 18.3. 1980,
plötu- og ketilsmiður, verkstjóri í
Landsmiðjunni giftu sig 27.7. 1944.
Afkomendur þeirra eru: 1) Árni
urður Konráðsson, börn a. Birgir
Konráð, barn hans er: Konráð
Darri; b. Sigríður Björk, c. Bryndís
Erla, maki Frosti Guðjónsson.
Ína gekk í Barna- og gagnfræða-
skóla í Vestmannaeyjum. Hún vann
við að breiða út saltfisk hjá Gunnari
Ólafssyni og co. Síðar vann hún á
skrifstofunni á Tanganum og í vefn-
aðarvöruverslun hjá þeim. Árið
1941 fór hún frá Vestmannaeyjum
til Ísafjarðar á Húsmæðraskólann
Ósk, þetta þótti góð undirstöðu-
menntun fyrir konur á þessum tíma.
Hún fór síðan aftur til Eyja og fór
að vinna hjá Einari ríka (Sigurðs-
syni) á skrifstofu. Hún vann eitt
sumar í Sælingsdal á barnaheimili.
Árið 1942 vann hún hjá Jóni Sig-
mundssyni í skartgripaverslun. Ína
vann við ræstingar í Vogaskóla og
síðar sem klíníkdama hjá nokkrum
tannlæknum. Hún vann í 11 ár í
Orkustofnun í mötuneytinu, til árs-
ins 1991. Hún starfaði sem sjálf-
boðaliði hjá Rauða krossinum og
vann meðal annars í verslun á
Grensásdeildinni og dreifði bókum
til sjúklinga á Landakoti. Ína starf-
aði með kvenfélagi Grensássóknar
frá 1965. Hún var alltaf mjög virk í
starfinu. Hún var m.a. ritari félags-
ins í mörg ár. Hún var einnig í
Kvenfélaginu Heimaey, sem eru
brottfluttir Vestmannaeyingar.
Hún ferðaðist mikið bæði með
Rauða krossinum, Orkustofnun og
Heimaeyjarkonunum.
Útför Ínu fer fram frá Grens-
áskirkju í dag, 1. september 2010,
og hefst athöfnin kl. 13.
Friðrik f. 1944, börn:
a. Birgit Helena f.
1964, maki Sonne
Mikkelsen, börn Fló-
vin, Elísabet, Páll; b.
Katrín Rut f. 1971,
maki Jón Gunnar Jó-
hannsson, börn Sindri
Hrafn, Ísak Már,
Adam Árni, c. Jóna
Valborg f. 1973, maki
Vilhjálmur Bergs,
börn: Garpur Orri,
Viktor Nói, Vera Vig-
dís; d. Markús Hörður
f. 1980, maki Karen
Guðmundsdóttir, barn Hrafnhildur;
e. Kirstín Dóra f. 1985, maki Helgi
Þór Guðmundsson. 2) Ásta Hulda f.
1949, maki Haukur Ásmundsson f.
1949, d. 2008, börn: a. Markús Hörð-
ur, maki Bríet Ósk Guðrúnardóttir,
barn Salka Sól, fósturdóttir Mark-
úsar er Sigrún Hanna; b. Ragnhild-
ur f. 1976, maki Óli Rúnar Eyjólfs-
son, börn Jasmín Ásta, Eyjólfur
Snær. 3) Guðrún Kristín f. 1950,
maki Þór Fannar börn: a) Ína Edda,
maki Guðjón Guðmundsson, börn
Arna, Þór, Helga María; b. Marín,
maki Halldór Karl Högnason, barn
Högni; c. Valur Fannar, maki Þóra
Hlín Þórisdóttir. 4) Birgir f. 1956, d.
1964. 5. Bryndís f. 1956, maki Sig-
Móðir mín
Hví skyldi ég yrkja um önnur fljóð,
en ekkert um þig, ó, móðir góð? –
Upp, þú minn hjartans óður!
Því hvað er ástar og hróðrar dís,
og hvað er engill úr paradís
hjá góðri og göfugri móður?
Ég man það betur en margt í gær,
þá morgunsólin mig vakti skær
og tvö við stóðum í túni:
Þú bentir mér yfir byggðar hring,
þar brosti við dýrðin allt í kring
og fjörðurinn bláöldum búni.
Þú bentir mér á, hvar árdagssól
í austri kom með líf og skjól.
Þá signdir þú mig og segir:
,,Það er guð, sem horfir svo hýrt og bjart,
það er hann, sem andar á myrkrið svart
og heilagar ásján hneigir.“
(Matthías Jochumsson.)
Ég þakka þér fyrir allt elsku
mamma mín.
Þinn sonur,
Árni Friðrik Markússon.
Móðir er sú sem heldur í hönd þér
um stund en í hjarta þitt alla ævi.
Elsku mamma, yndislega mamma
mín. Þú skrifaðir þessi orð í kort til
mín einu sinni og lýsa þau minning-
um mínum um þig svo vel. Ég hefði
ekki getað eignast betri móður en
þig. Ég á eftir að sakna þín óend-
anlega mikið og við öll. Núna ert þú
komin til pabba og Birgis tvíbura-
bróður míns sem þú gast ekki beðið
eftir að hitta aftur eftir öll þessi ár, en
allar góðu minningarnar varðveiti ég
um þig.
Ég kveð þig með sömu kveðju og
venjulega.
Takk fyrir allt elsku mamma, ég
elska þig.
Þín dóttir,
Bryndís.
Elsku amma mín. Það er erfitt að
trúa því að þú sért farin, en loksins
fékkstu hvíldina sem þú varst búin að
þrá svo lengi og loksins fékkstu að
hitta hann Magga þinn.
Það var alltaf svo dásamlegt að
spjalla við þig elsku amma og manni
leið svo vel með þér. Þú varst svo
dugleg og mikil félagsvera. Varst allt-
af að ferðast eitthvað, föndra, sauma
og hekla. Alveg eins og ömmur eiga
að vera.
Þú kenndir mér svo margt, en það
að þú hafir kennt mér að fara með
ljóð er mér sérstaklega mikilvægt.
Ég man þegar við fórum saman með
Fjallgönguna eftir Tómas Guð-
mundsson. Það að kunna að fara með
ljóð hefur nýst mér svo oft.
Ég á svo margar góðar minningar
um þig. Þegar við barnabörnin þín
gistum hjá þér og við klæddum okkur
upp og settum upp rauðu plast-
varirnar þínar.
Öll skiptin sem við spiluðum sam-
an, öll spilin sem þú kenndir mér og
þegar við sátum fyrir framan græj-
urnar þínar og ég fékk að syngja í
míkrafóninn þinn. Mér fannst það
alltaf svo spennandi og flott að þú
ættir míkrafón til að syngja í og svo
gat maður hlustað á það. Váá hvað
amma hefur verið með nýjustu
tæknina á hreinu.
Það var svo yndislegt þegar ég bjó
úti í Svíþjóð og ég fékk send hand-
skrifuð bréf frá ömmu Ínu um allt
sem þú værir að gera og þegar þú
skrifaðir um hvað ungi strákurinn
sem kenndi ykkur í sundinu væri
sætur. Þá hugsaði ég vá hvað amma
mín er mikið æði.
Okkar síðustu stundar saman mun
ég ávallt minnast, ég er svo þakklát
fyrir að hafa átt þessa stund með þér.
Bara við tvær þar sem við gátum
spjallað saman, þagað saman og bara
fundið fyrir væntumþykju og kær-
leikans á milli okkar.
Elsku amma mín, ég mun ávallt
minnast þín og allra okkar góðu
stunda saman. Þú ert mín fyrirmynd
og þegar ég verð gömul langar mig að
líkjast þér.
Þín
Sigríður Björk.
Elsku yndislega, fallega amma Ína
mín. Ég er svo þakklát fyrir þessi 20
ár sem ég hef átt með þér og ég kveð
þig með miklum söknuði. Þú varst
alltaf svo góð, hlustaðir alltaf með
miklum áhuga á það sem maður hafði
að segja og mundir allt alveg fram á
síðasta dag. Þú varst svo sannarlega
miðja fjölskyldunnar og varst alltaf
dugleg að segja manni fréttir af öllum
í fjölskyldunni. Það var alltaf gaman
að heimsækja þig og spjalla við þig.
Þú varst mjög hraust og með
sterkt og gott hjarta og ég hefði aldr-
ei trúað því að þú ættir eftir að þurfa
að ganga í gegnum átta mánuði í
veikindum. Þetta var langt ferli fyrir
þig og ég veit að það var þér erfitt.
En þú, amma, kvartaðir sko ekki, það
var ekki til í þér. Ég gleymi því aldrei
þegar ég kom að heimsækja þig á
líknardeildina og þú sast á rúminu
þínu nývaralituð og að naglalakka þig
með bros á vör. Það fannst mér ótrú-
legt.
Þú varst alltaf dugleg að hrósa mér
og segja mér hvað þú elskaðir mig og
okkur öll mikið. Þú varst sko stolt
mamma, amma og langamma.
Það er erfitt að kveðja þig elsku
amma mín en ég er þakklát fyrir að
hafa verið hjá þér þegar þú kvaddir
og að hafa fengið að kveðja þig svona
vel.
Mér finnst gott að geta hugsað til
þess að nú ertu loksins búin að hitta
afa, hann Magga þinn, aftur og Birgi
litla og ert ábyggilega glæsileg eins
og þú varst alltaf, að dansa við þá til
skiptis.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Minnig þín verður ávallt ljós í lífi
mínu.
Takk fyrir allt, elsku amma, og guð
geymi þig.
Bryndís Erla.
Elsku besta amma mín. Þá hefur
þú fengið hvíldina og friðinn sem þú
þráðir svo heitt. Minningarnar um
þig hrannast upp. Það var alltaf svo
gaman að koma í Fellsmúlann, aldrei
kom maður að tómum kofanum hjá
þér, alltaf nýbakaðar pönnsur og alls
kyns kökur og annað góðgæti. Oft
fengum við Marín þegar við vorum
litlar að gista hjá þér og alltaf var far-
ið með bænirnar áður en farið var að
sofa, ég man þegar þú varst að reyna
að kenna okkur trúarjátninguna að
þá sprungum við alltaf úr hlátri því
okkur fannst nafnið Pontíus Pílatus
svo ótrúlega fyndið og upphófust
mikil hlátrasköll hjá okkur. Svo feng-
um við oft að máta fötin þín, alla fínu
kjólana og flottu skóna, þú varst allt-
af svo mikil pæja og áttir svo mikið af
fallegum fötum. Svo sátum við fyrir
framan snyrtiborðið þitt og settum á
okkur kinnalit og varalit og héldum
svo tískusýningu.
Fyrsta utanlandsferðin mín var
með þér. Ég var níu ára og við fórum
saman til Skotlands að heimsækja
Fenton og Helen, þetta var þvílíkt
ævintýri, við sváfum með rafmagns-
teppi og fengum rautt jelly í morg-
unmat. Manstu hvað við hlógum mik-
ið þegar við sátum á kaffihúsi og
langlokan sem þú pantaðir handa
mér hvarf allt í einu? Þú hélst að hún
hefði dottið á gólfið en ég var bara bú-
in að borða hana. Þú skildir ekki
hvernig ég gat klárað hana á svona
stuttum tíma.
Við Marín fengum líka að fara með
þér í mjög skemmtilega ferð til Vest-
mannaeyja, ó, þú elskaðir Vest-
mannaeyjar og það var ekkert sem
jafnaðist á við Heimaklett.
Ég á svo margar góðar minningar
um þig elsku amma, þú varst alltaf
svo glæsilega til fara og það var svo
gaman að spjalla við þig. Þú varst
með allt á hreinu, mundir öll nöfn og
Sigurína Friðrikka
Friðriksdóttir
✝
Elskulegur faðir okkar, tengdafaðir, afi og langafi,
KRISTJÁN J. GUNNARSSON
fyrrv. fræðslustjóri,
andaðist á hjúkrunarheimilinu Skjóli mánudaginn
30. ágúst.
Jarðarförin auglýst síðar.
Guðrún Kristjánsdóttir, Vilhjálmur Þ. Vilhjálmsson,
Kristján Sigurður Kristjánsson, Margrét Steinarsdóttir,
Hörður Kristjánsson, María Hrönn Gunnarsdóttir,
Elín Kristjánsdóttir, Baldur Viðar Hannesson,
Ásdís Kristjánsdóttir, Ársæll Kristjánsson,
afabörn og langafabörn.
✝
Innilegar þakkir fyrir auðsýnda samúð, hlýhug og
vináttu við andlát og útför ástkærs eiginmanns
míns, föður okkar, tengdaföður, afa og langafa,
HELGA SIGURÐSSONAR
frá Hraunkoti í Landbroti.
Svava Margrét Þorleifsdóttir,
Ólafur Helgason, Sigurlaug Jónsdóttir,
Sigurður Helgason,
Vigfús G. Helgason, Matthildur Pálsdóttir,
Leifur J. Helgason,
Sigmar Helgason, Kristín S. Ásgeirsdóttir,
Ásta Katrín Helgadóttir, Gísli H. Jóhannsson,
barnabörn og barnabarnabörn.
✝
Áskær móðir okkar, tengdamóðir, amma og lang-
amma,
LAUFEY BÁRA KRISTINSDÓTTIR
DUSTERHOFT,
lést í Bandaríkjunum laugardaginn 28. ágúst og
verður jörðuð frá St. Luke’s Lutheran Church í
Ovideo, Flórída, miðvikudaginn 1. september.
Sigurbjörg (Sibby ) Harris, Jim Harris,
Sandra Jean Carrey, Jerry Carey,
Kimberley, Kristin, Kaitlin, Riley
og langömmubörn.
✝
Ástkær eiginkona mín, móðir okkar, tengdamóðir,
amma og langamma,
RAGNHEIÐUR BJÖRNSDÓTTIR,
Dvalarheimilinu Höfða,
Akranesi,
lést föstudaginn 27. ágúst.
Jarðarförin fer fram frá Akraneskirkju föstudaginn
3. september kl. 14.00.
Blóm og kransar vinsamlegast afþakkaðir en þeim
sem vildu minnast hennar er bent á dvalarheimilið
Höfða, Akranesi.
Skarphéðinn Árnason,
Sigurbjörn Skarphéðinsson, María Karlsdóttir,
Sigrún Birna Skarphéðinsdóttir, Pétur Örn Jónsson,
Aðalheiður Skarphéðinsdóttir,
barnabörn og barnabarnabörn.
✝
Elskulegur faðir okkar, tengdafaðir, afi, langafi og
langalangafi,
MATTI ÓSVALD ÁSBJÖRNSSON
frá Ásbjörnshúsi í Ólafsvík,
áður til heimilis að,
Hringbraut 95,
Keflavík,
lést á hjúkrunarheimilinu Hlévangi, Faxabraut 13,
Keflavík, föstudaginn 27. ágúst og verður
jarðsunginn frá Keflavíkurkirkju föstudaginn
3. september kl. 14.00.
Blóm og kransar vinsamlegast afþakkaðir en þeim sem vildu minnast
hans er bent á styrktarkort hjúkrunarheimilisins Hlévangs eða á þeirra
reikning 1192-26-80, kt. 620169-2429.
Sérstakar þakkir fær starfsfólkið á Hlévangi fyrir kærleiksríka umönnun
sem verður seint þakkað.
Gunnar Mattason, Indíana Jónsdóttir,
Oddný Mattadóttir, Stefán Kristjánsson,
barnabörn, langafabörn og langalangafabörn.