Morgunblaðið - 09.12.2010, Page 16

16 FRÉTTIRInnlent
MORGUNBLAÐIÐ FIMMTUDAGUR 9. DESEMBER 2010
Tekið er á móti framlögum á reikningi
Fjölskylduhjálpar:
Bnr. 101-26-66090 – Kt. 660903-2590.
Tökum á móti matvælum og fatnaði að
Eskihlíð. Upplýsingar í síma 551-3360
og 892-9603.
Jólaúthlutun verður dagana 14, 15,
21. og 22. desember í Eskihlíð 2-4.
Skráning í síma 892 9603.
Jólasöfnun Fjölskylduhjálpar
Íslands er hafin fyrir
starfsstöðvar okkar í Reykjavík,
á Akureyri og í Reykjanesbæ.
Þúsundir einstaklinga eru nú án atvinnu, auk
þeirra fjölmörgu sem minna mega sín í þjóð-
félaginu og eiga um sárt að binda. Leggjum okkar
af mörkum til að allir geti haldið gleðileg jól.
Fjölskylduhjálp Íslands | Eskihlíð 2-4 | Sími 551 3360 og 892 9603
fjolskylduhjalpin.net | fjolskylduhjalp@simnet.is
Athugið að við erum einu óháðu og sjálfstætt starfandi
hjálparsamtökin, áttunda árið í röð.
þingisreitnum. Sjónarmið breytast
oft hratt og fyrir ekki margt löngu
stóð til að rífa Kristjánshús og
Blöndahlshús og byggja þar upp á
nýtt. Af því varð ekki heldur var
ákveðið að byggja Skálann næst
þinghúsinu, en vernda og endurgera
götumyndina við Kirkjustræti.
„Fyrir nokkrum árum var framtíð-
arstefnan á Alþingisreitnum mörkuð
og flutningur Skúlahúss frá Von-
arstræti á horn Kirkjustrætis er liður
í þeim áætlunum,“ segir Helgi. „Ætl-
unin er að byggja til suðurs frá Skúla-
húsi meðfram Tjarnargötunni og síð-
an eftir Vonarstræti að
Oddfellowhúsinu. Á þessum reit verð-
ur framtíðarhúsnæði þingsins með
góðri aðstöðu fyrir nefndir þingsins
og skrifstofur þingmanna.
Endurbætur á Skjaldbreið brýnar
 Fjármagn til stórra framkvæmda á vegum Alþingis er ekki fyrir hendi  Þingið greiðir um 152 millj-
ónir króna í húsaleigu á næsta ári  Skúlahús varið skemmdum á nýja staðnum við Kirkjustræti
BAKSVIÐ
Ágúst Ingi Jónsson
aij@mbl.is
Engar áætlanir eru um að leggja í
stórframkvæmdir á Alþingisreitnum
á næsta ári. Skúlahús, sem um síðustu
helgi var flutt úr Vonarstræti yfir í
Kirkjustræti, verður varið skemmd-
um, en óljóst er með aðrar fram-
kvæmdir. Skjaldbreið stingur í stúf í
þeirri götumynd sem nú blasir við í
Kirkjustræti og er talið brýnt að ráð-
ast í endurbyggingu hússins.
Alþingi leigir talsvert af húsnæði í
miðborginni og er áætlað að leigu-
kostnaður þingsins verði samtals um
152 milljónir króna á næsta ári. Nú er
Alþingi nánast alveg með lengjuna
norðan Austurvallar á leigu. Skrif-
stofur fyrir starfsemi þingsins eru
þannig á efri hæðum húsanna frá
Austurstræti 14, fyrir ofan Cafe Par-
is, að Sjálfstæðishúsinu gamla. Þá er
þingið með skrifstofur á leigu í gamla
Morgunblaðshúsinu við Aðalstræti 6
og hefur þingflokkur Vinstri grænna
verið þar til húsa.
Einnig má nefna að umboðsmaður
Alþingis er með húsnæði á leigu í
Álftamýri, en forsætisnefnd þingsins
hefur samþykkt að starfsemi hans
flytjist í Þórshamar við Templara-
sund þegar starfsemin sem nú er þar
flyst yfir á Alþingisreitinn.
Ekki fé til stórra framkvæmda
„Á næsta ári er ekki neitt fé til
stórra framkvæmda á vegum Alþing-
is,“ segir Helgi Bernódusson, skrif-
stofustjóri Alþingis. „Það sem við
blasir er að koma Skúlahúsi í notkun,
en fyrst í stað munum við hafa hita á
húsinu og verja það skemmdum. Við
reynum að gera það sem við getum án
þess að leggja í mikinn kostnað. Mest
aðkallandi í Kirkjustræti er að taka
forskalninguna af Skjaldbreið, gera
húsið upp og koma í einhverja notkun.
Húsið er í niðurníðslu og hefur ekki
verið notað af Alþingi í yfir áratug.“
Framkvæmdir á Alþingisreitnum
og húsnæðismál þingsins til framtíðar
hafa verið í deiglu í áratugi. Á ald-
arafmæli Alþingishússins árið 1981
var samþykkt þingsályktun um að
framtíðaraðstaða þingsins yrði á Al-
Ljósmynd/Magnús Ólafsson/Ljósmyndasafn Reykjavíkur.
Breyting Götumynd af Kirkjustræti 2-16 frá um 1910. Hjálpræðisherinn, Kaffibúðin Ásbyrgi, Skjaldbreið konditori og cafe, Alþingishúsið og Dómkirkjan.
Batteríið Arkitektar hefur talsvert komið að skipu-
lagsmálum á Alþingisreitnum og við Kirkjustræti og
hvetur Sigurður Einarsson arkitekt til þess að sem
allra fyrst verði hafist handa við endurgerð Skjald-
breiðar.
„Verkefnið er mannfrekt og það er innlent verkefni
sem kallar á mikla smíða- og snikkaravinnu. Miðað við
þær aðstæður sem nú eru á Íslandi, og þá ekki síst í
byggingariðnaði, sé ég ekki að eftir neinu sé að bíða
með að ráðast í endurgerð þessa sögufræga húss í
hjarta borgarinnar,“ segir Sigurður.
„Húsið var forskalað um miðja síðustu öld og búið er
að afmá mörg persónuleg einkenni af því. Það þarf að
skræla pússninguna utan af húsinu og gera það aftur
að bárujárnshúsi eins og það var upphaflega, en baka
til er Skjaldbreið enn bárujárnsklædd. Við vonum að
flutningurinn á Skúlahúsi veki fólk til umhugsunar um
götumynd Kirkjustrætis og að aumingja Skjaldbreið
fái þær fjárveitingar sem hún á skilið,“ segir Sigurður.
Hugmyndin er að Skjaldbreið verði endurbyggð í
sem næst upprunalegri mynd. Á fyrstu hæð hússins er
samkomusalur sem skreyttur er með útskornum súlum
sem talið er að séu verk Ríkharðs Jónsonar.
Fyrirhugað er að tengja Skjaldbreið og Skúlahús.
Skræla þarf pússninguna
af og klæða húsið bárujárni
Kirkjustræti
» Kirkjustræti hét fyrst Kirkjustígur, þá Kirkjubrú
og loks Kirkjustræti.
» Austast við Kirkjustræti stendur Dómkirkjan,
sem var vígð árið 1796.
» Alþingishúsið var fullgert 1881. Kringlan var
byggð 1908. Skálinn var tekinn í notkun 2002.
» Endurgerð Kristjánshúss og Blöndahlshúss við
Kirkjustræti 10 og 8b lauk 1996. Kristjánshús var
upphaflega byggt 1879, en Blöndahlshús 1905.
» Kirkjustræti 8 var lengi þekkt sem Hótel Skjald-
breið. Húsið er timburhús á kjallara, reist árið
1906.
» Skúlahús er nú komið á reitinn númer 4 við
Kirkjustræti, en stóð áður við Vonarstræti 12. Hús-
ið var byggt árið 1908.
» Hús Hjálpræðishersins við Kirkjustræti 2 er
steinhús, byggt árið 1916.
Framtíðin Skúlahús komið á sinn stað á horninu og búið að klæða Skjaldbreið með rauðu bárujárni.
Tölvumynd/Batteríið Arkitektar